ଚୀନ୍‌କୁ ଆଉ ଏକ ଝଟକା, ‘ବନ୍ଦେ ଭାରତ ଟ୍ରେନ୍’ ଟେଣ୍ଡର ବାତିଲ କଲେ ସରକାର

ନୂଆଦିଲ୍ଲୀ: ଚୀନକୁ ଆଉ ଏକ ଝଟକା ଲାଗିଛି। ଅତ୍ୟାଧୁନିକ ସେମି ହାଇସ୍ପିଡ୍ ‘ବନ୍ଦେ ଭାରତ ଟ୍ରେନ୍’ ପାଇଁ ହୋଇଥିବା ଟେଣ୍ଡର ବାତିଲ କରାଯାଇଛି। ସପ୍ତାହେ ମଧ୍ୟରେ ଏଥିପାଇଁ ନୂଆ ଟେଣ୍ଡର କରାଯିବ। ଆଉ ଏଥିରେ ଭାରତୀୟ କଂପାନୀଙ୍କୁ ଅଗ୍ରାଧିକାର ଦିଆଯିବ।

ଚୀନର ସହଭାଗିଦାରୀ ସିଆରଆରସି ପାଓନିୟର ଇଲେକ୍ଟ୍ରିକ୍ ପ୍ରାଇଭେଟ ଲିମିଟେଡ୍ ଏକମାତ୍ର ବିଦେଶୀ କଂପାନୀ ଭାବେ ଏହି ଟେଣ୍ଡରରେ ସାମିଲ ହୋଇଥିଲା। ତେବେ ଟେଣ୍ଡରରେ ଭାଗ ନେଇଥିବା ୬ ପ୍ରତିଯୋଗୀଙ୍କ ମଧ୍ୟରେ ଏହା ସର୍ବାଗ୍ରେ ରହିଥିଲା। ଏଥିପାଇଁ ଟେଣ୍ଡରକୁ ବାତିଲ କରି ଦିଆଯାଇଛି।

ରେଳ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ୪୪ଟି ସେମି ହାଇ ସ୍ପିଡ୍ ବନ୍ଦେ ଭାରତ ଟ୍ରେନ୍‌ ଟେଣ୍ଡରକୁ ରଦ୍ଦ କରି ଦିଆଯାଇଛି। ସପ୍ତାହେ ମଧ୍ୟରେ ନୂଆ ଟେଣ୍ଡର ଆହ୍ୱାନ କରାଯିବ ଓ ମେକ୍ ଇନ୍ ଇଣ୍ଡିଆକୁ ଗୁରୁତ୍ୱ ଦିଆଯିବ।

Tender for manufacturing of 44 nos of semi high speed train sets (Vande Bharat) has been cancelled.

Fresh tender will be floated within a week as per Revised Public Procurement (Preference to Make in India) order.

— Ministry of Railways (@RailMinIndia) August 21, 2020

ଚେନ୍ନାଇ ସ୍ଥିତ ଭାରତୀୟ ରେଳର ଇଣ୍ଟିଗ୍ରାଲ୍ କୋଚ୍ ଫ୍ୟାକ୍ଟ୍ରି ପକ୍ଷରୁ ଜୁଲାଇ ୧୦ରେ ୪୪ଟି ସେମି ହାଇ ସ୍ପିଡ୍ ବନ୍ଦେ ଭାରତ ଟ୍ରେନ୍ ପାଇଁ ଟେଣ୍ଡର ଆହ୍ୱାନ କରାଯାଇଥିଲା। ଏଥିରେ ସିଆରଆରସି ପାଓନିୟର ଇଲେକ୍ଟ୍ରିକ୍ ପ୍ରାଇଭେଟ ଲିମିଟେଡ୍ ସହିତ Bharat Heavy Electricals Ltd, Bharat Industries, Sangrur, Electrowaves Electronics Pvt Ltd, Medha Servo Drives Pvt Ltd, ଓ Powernetics Equipment India Pvt Ltd ଭାଗ ନେଇଥିଲେ।

ସୂଚନାଯୋଗ୍ୟ, ଗଲୱାନ ଘାଟିରେ ଚୀନ୍‌ ସେନାର ଅନୁପ୍ରବେଶ ପରେ ଭାରତ ସରକାରଙ୍କ ପକ୍ଷରୁ କଡ଼ା ଆଭିମୁଖ୍ୟ ଜାରି ରହିଛି।  ଏହିକ୍ରମରେ ଚୀନ ନିର୍ମିତ ୫୯ଟି ଆପ୍‌କୁ ଭାରତରେ ବ୍ୟାନ୍ କରାଯାଇଛି।

The post ଚୀନ୍‌କୁ ଆଉ ଏକ ଝଟକା, ‘ବନ୍ଦେ ଭାରତ ଟ୍ରେନ୍’ ଟେଣ୍ଡର ବାତିଲ କଲେ ସରକାର appeared first on Odisha Reporter.

from Odisha Reporter https://ift.tt/2QcyAaR