କଲିଂ ବେଲ୍ ମାରି ଘରେ ପଶିଲେ, ବନ୍ଧୁକ ଦେଖାଇ ଲୁଟିଲେ

ଉଦଳା(ମାନସ ପାଣି): କଲିଂ ବେଲ୍ ମାରି ଘରେ ପଶିଲେ। ଗନ୍ ପଏଣ୍ଟରେ ଲୁଟିନେଲେ ଟଙ୍କା ସହ ସୁନା ଅଳଙ୍କାର ଏବଂ ମୋବାଇଲ୍ । ଏପରି ଘଟଣା ଘଟିଛି ମୟୁରଭଞ୍ଜ ଜିଲ୍ଲା ଉଦଳା ଏନ୍ଏସିର ୧୨ ନମ୍ବର ୱାର୍ଡର ଅଧ୍ୟାପକ ସପନ ମହାନ୍ତିଙ୍କ ଘରେ ।

ଗତକାଲି  ସନ୍ଧ୍ୟାରେ ଅଧ୍ୟାପକ  ମହାନ୍ତି ଘରେ  ଅନୁପସ୍ଥିତ ଥିବା ବେଳେ ତାଙ୍କ ପତ୍ନୀ ଗୀତାଞ୍ଜଳି ଓ  ପୁଅ ଘରେ ଥିଲେ। ଏହାର ସୁଯୋଗ ନେଇ ସନ୍ଧ୍ୟା ପ୍ରାୟ ୭ଟାରୁ ୮ଟା ଭିତରେ ୫ ଜଣ ଦୁର୍ବୃତ୍ତ ଘରର କଲିଂବେଲ ମାରିଥିଲେ।  ଗୀତାଞ୍ଜଳି କବାଟ ଖୋଲି ଦେବାରୁ ଦୁର୍ବୃତ୍ତମାନେ ମା ଏବଂ ପୁଅକୁ ବାନ୍ଧିଦେଇଥିଲେ ।  ଏପରିକି ମୁଣ୍ଡରେ ବନ୍ଧୁକ ସହ ଭୁଜାଲି ବି ଲଗାଇ ଭୟଭୀତ କରି  ଟଙ୍କା, ସୁନା ଅଳଙ୍କାର ମାଗିଥିଲେ ।

କିନ୍ତୁ  ଗୀତାଞ୍ଜଳି ବିରୋଧ କରିବାରୁ ଦୁର୍ବୃତ୍ତମାନେ ତାଙ୍କୁ ମାଡ ମାରିବା ସହିତ ଆଲମାରିରୁ ୮ ହଜାର ଟଙ୍କା, ପୁଅ ପାଠ ପଢୁଥିବା ମୋବାଇଲ୍ ସହ ସେ ପିନ୍ଧିଥିବା ସୁନାହାରକୁ  ଲୁଟି ନେଇଥିବା ଅଭିଯୋଗ ହୋଇଛି । ଗୀତାଞ୍ଜଳି ଦୁର୍ବୃତ୍ତଙ୍କୁ ଅଟକାଇବାକୁ  ଚେଷ୍ଟା କରିବାରୁ ଦୁର୍ବୃତ୍ତମାନେ ତାଙ୍କୁ ଗୁଳି କରିବାକୁ ଧମକ ଦେଇ ଖସିଯାଇଥିଲେ ।

ଘରେ ପହଞ୍ଚି ଘଟଣା ସମ୍ପର୍କରେ ଜାଣି ଅଧ୍ୟାପକ ସପନ ମହାନ୍ତି ଏନେଇ ଉଦଳା ଥାନାରେ ଲିଖିତ ଅଭିଯୋଗ କରିଛନ୍ତି। ପୁଲିସ୍‌   ଘଟଣାସ୍ଥଳରେ ପହଞ୍ଚି ଖୋଳତାଡ଼ କରୁଛି ।

The post କଲିଂ ବେଲ୍ ମାରି ଘରେ ପଶିଲେ, ବନ୍ଧୁକ ଦେଖାଇ ଲୁଟିଲେ appeared first on Odisha Reporter.

from Odisha Reporter https://ift.tt/3c6YsyQ