୧୯୦ ଲିଟର ଦେଶୀ ମଦ ଜବତ, ୨ଗିରଫ

ମୋହନା (ମିହିର ଯତି): ଗଜପତି ଜିଲ୍ଲା ମୋହନା ବ୍ଲକର ବିଭିନ୍ନ ଅଂଚଳରେ ଅବକାରୀ ବିଭାଗ ଚଢ଼ଉ କରି ୧୯୦ ଲିଟର ଦେଶୀ ମଦ ଜବତ କରିବା ସହ ୨ ହଜାର ଲିଟର ପୋଚ ନଷ୍ଟ କରିଦେଇଛି। ବେଆଇନ ମଦ କାରବାରରେ ସମ୍ପୃକ୍ତ ୨ ଜଣଙ୍କୁ ଗିରଫ କରିଛି ଅବକାରୀ ବିଭାଗ । ଗିରଫ ଅଭିଯୁକ୍ତମାନେ ହେଲେ, ଅଡ଼ବାର ମଦନ ମୋହନ ନାୟକ ଓ ମୋହନାର ରଶାନ୍ତ ନାୟକ ।

ଗତକାଲି ବ୍ରହ୍ମପୁର ଉପ ଆୟୁକ୍ତ ସାନ୍ତୁନୁ କୁମାର ନାୟକଙ୍କ ନିର୍ଦେଶରେ ଆର.ଉଦୟଗିରି ଅବକାରୀ ବିଭାଗ ପକ୍ଷରୁ ମୋହନା ସମେତ ଅଡ଼ବା, ଲୁହଗୁଡି, ଟିଆମା ଓ ଶ୍ୟାମଚନ୍ଦ୍ରପୁର ଆଦି ଅଞ୍ଚଳରେ ଚଢ଼ଉ କରି ବିପୁଳ ପରିମାଣର ମଦ ଜବତ କରାଯାଇଥିଲା। ଅବକାରୀ ବିଭାଗ ପକ୍ଷରୁ ଏ ସଂକ୍ରାନ୍ତରେ ମାମଲା ରୁଜୁ କରି ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଛି ।

The post ୧୯୦ ଲିଟର ଦେଶୀ ମଦ ଜବତ, ୨ଗିରଫ appeared first on Odisha Reporter.

from Odisha Reporter https://ift.tt/3j8dl6S