କଙ୍ଗନା ହେବେ ବିଜେପିର ଷ୍ଟାର୍ ପ୍ରଚାରକ!

ନୂଆଦିଲ୍ଲୀ: ମୁମ୍ବାଇକୁ ପାକିସ୍ତାନ ଅଧିକୃତ କଶ୍ମୀର ସହିତ ତୁଳନା କରିବା ପରେ ଶିବସେନା ସହ ବଲିଉଡ୍ ଅଭିନେତ୍ରୀ କଙ୍ଗନା ରାଣାୱତଙ୍କ ବାକ୍ ଯୁଦ୍ଧ ଜାରି ରହିଛି। ତେବେ ୟା ଭିତରେ ଗୋଟେ ଖବର ଆସିଥିଲା ଯେ ଅକ୍ଟୋବର-ନେଭମ୍ବରରେ ହେବାକୁ ଥିବା ବିହାର ବିଧାନସଭା ନିର୍ବାଚନରେ କଙ୍ଗନା ହେବେ ବିଜେପିର ଷ୍ଟାର୍ ପ୍ରଚାରକ। ସୂଚନାଯୋଗ୍ୟ, ନିକଟରେ ତାଙ୍କ ମା’ ବିଜେପିରେ ଯୋଗ ଦେଇଛନ୍ତି।

ତେବେ ଏହି ଖବରକୁ ଖଣ୍ଡନ କରିଛନ୍ତି ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନାବିସ୍। ସେ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହେଉଛନ୍ତି ସବୁଠୁ ବଡ଼ ପ୍ରଚାରକ।

ଫଡ଼ନାବିସ୍ ଆହୁରି କହିଛନ୍ତି, ଏନ୍‌ଡିଏର ସବୁଠୁ ବଡ଼ ପ୍ରଚାରକ ହେଉଛନ୍ତି ପ୍ରଧାନମନ୍ତ୍ରୀ। ତେଣୁ ଆମର ଅନ୍ୟ କୌଣସି ଷ୍ଟାର ପ୍ରଚାରକଙ୍କ ଆବଶ୍ୟକତା ନାହିଁ।

ସୂଚନାଯୋଗ୍ୟ, ନିକଟରେ କଙ୍ଗନା କରିଥିବା କିଛି ଟ୍ୱିଟ୍‌ରୁ ସୂଚନା ମିଳିଥିଲା ଯେ ବିଜେପିରେ ମିଶିବାକୁ ତାଙ୍କୁ ପ୍ରସ୍ତାବ ଆସିଥିଲା।

ସେପ୍ଟେମ୍ବର ୪ ତାରିଖରେ କଙ୍ଗନା କରିଥିବା ଏକ ଟ୍ୱିଟ୍‌ରେ ଲେଖିଥିଲେ ଯେ ସେ ଦୁଇ ଥର ବିଜେପି ଟିକେଟ୍‌କୁ ପ୍ରତ୍ୟାଖ୍ୟାନ କରିଛନ୍ତି।

BJP stooge ha ha , I have denied BJP ticket twice, I am Kangana Ranaut my popularity and yearly income is far more than many successful Ministers and politicians, why not sometimes use your intellect Madam intellectual 🙂…

— Kangana Ranaut (@KanganaTeam) September 4, 2020

The post କଙ୍ଗନା ହେବେ ବିଜେପିର ଷ୍ଟାର୍ ପ୍ରଚାରକ! appeared first on Odisha Reporter.

from Odisha Reporter https://ift.tt/32uthdP