ରାଜ୍ୟସଭାରେ କିଏ ହେବେ ଡେପୁଟି ଚେୟାରମ୍ୟାନ୍?

ନୂଆଦିଲ୍ଲୀ: 14 ତାରିଖରୁ ସଂସଦ ଆରମ୍ଭ ହେବ। ଏଥିସହ ରାଜ୍ୟସଭାର ଡେପୁଟି ଚେୟାରମ୍ଯାନ୍ ପଦବୀ ପାଇଁ ନିର୍ବାଚନ ହେବ। ଏହା ପୂର୍ବରୁ ମଙ୍ଗଳବାର କଂଗ୍ରେସ ବୈଠକ କରିଛି। ରାଜ୍ୟସଭାର ଡେପୁଟି ଚେୟାରମ୍ୟାନ୍ ନିର୍ବାଚନରେ ପ୍ରାର୍ଥୀ ଦେବା ପାଇଁ ବୈଠକରେ ନିଷ୍ପତ୍ତି ନିଆଯାଇଛି। ତେବେ ଶାସକ ଦଳ ତରଫରୁ କିଏ ପ୍ରାର୍ଥୀ ହେବେ ସେ ନେଇ ସୂଚନା ମିଳିନାହଁ।

ସୀମାରେ ଚୀନ୍ ସହିତ ତିକ୍ତତା, କରୋନା ମହାମାରୀ ସଙ୍କଟ ଏବଂ ଜିଡିପି ଅଭିବୃଦ୍ଧି ହାର ହ୍ରାସ ଭଳି ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ସରକାରଙ୍କୁ ଘେରିବାକୁ ବୈଠକରେ ନିଷ୍ପତ୍ତି ନିଆଯାଇଛି।

କଂଗ୍ରେସ ସଭାପତି ସୋନିଆ ଗାନ୍ଧୀଙ୍କ ନେତୃତ୍ୱରେ ମଙ୍ଗଳବାର ଏହି ବୈଠକ ବସିଥିଲା। ଭିଡିଓ କନଫରେନସିଂ ଜରିଆରେ ହୋଇଥିବା ଏହି ବୈଠକରେ ଡେପୁଟି ଚେୟାରମ୍ୟାନ୍ ନିର୍ବାଚନରେ ପ୍ରାର୍ଥୀଙ୍କ ବାବଦରେ ଆଲୋଚନା ହୋଇଛି। ଏଥିସହିତ ଏ ନେଇ ୟୁପିଏରେ ସାମିଲ୍ ଥିବା ଦଳର ନେତାଙ୍କ ସହିତ ପ୍ରାର୍ଥୀଙ୍କୁ ନେଇ ଆଲୋଚନା ହେବ ବୋଲି ଜଣାପଡ଼ିଛି।

ତେବେ ମିଳିଥିବା ସୂଚନା ଅନୁଯାୟୀ ଡେପୁଟି ଚେୟାରମ୍ୟାନ୍ ପଦବୀ ପାଇଁ ନିର୍ବାଚନରେ ​​କଂଗ୍ରେସ ଡିଏମକେ ସାଂସଦଙ୍କୁ ପ୍ରାର୍ଥୀ କରିପାରେ। ଯଦି ଡିଏମକେ ପ୍ରାର୍ଥୀ ନଦେବ ତେବେ କଂଗ୍ରେସ ପ୍ରାର୍ଥୀ ଦେବ।

ସୂଚନାଯୋଗ୍ୟ, ସେପ୍ଟେମ୍ବର 14 ରେ ଡେପୁଟି ଚେୟାରମ୍ୟାନ୍ ପଦ ନିର୍ବାଚନ ପାଇଁ ଅଧିବେଶନର ପ୍ରଥମ ଦିନ ପ୍ରସ୍ତାବ ଦିଆଯାଇଛି। ଗୃହରେ ଜେଡିୟୁ ରାଜ୍ୟସଭା ସଦସ୍ୟ ହରିଭାନଶଙ୍କ କାର୍ଯ୍ୟକାଳ ଶେଷ ହେବା ପରେ ଏହି ପଦ ଖାଲି ପଡିଛି। ହରିଭାନ୍ କିନ୍ତୁ ପୁନର୍ବାର ରାଜ୍ୟସଭା ସଦସ୍ୟ ଭାବରେ ନିର୍ବାଚିତ ହୋଇଛନ୍ତି।

ଏହି ବୈଠକରେ ରାହୁଲ ଗାନ୍ଧୀ, ରାଜ୍ୟସଭାରେ ବିରୋଧୀ ଦଳର ନେତା ଗୁଲାମ ନବୀ ଆଜାଦ୍, ଡେପୁଟି ନେତା ଆନନ୍ଦ ଶର୍ମା, ଲୋକସଭାରେ କଂଗ୍ରେସ ନେତା ଅଧୀର ରଂଜନ ଚୌଧୁରୀ, ପୂର୍ବତନ କେନ୍ଦ୍ର ମନ୍ତ୍ରୀ ମନୀଷ ତିୱାରୀ ଏବଂ ଅନ୍ୟ କେତେକ ନେତା ଯୋଗ ଦେଇଥିଲେ।

The post ରାଜ୍ୟସଭାରେ କିଏ ହେବେ ଡେପୁଟି ଚେୟାରମ୍ୟାନ୍? appeared first on Odisha Reporter.

from Odisha Reporter https://ift.tt/3igckJi