ଜମ୍ମୁ କଶ୍ମୀରରେ ବଦଳିଲା ପଞ୍ଚାୟତ ରାଜ୍ ଆଇନ୍, କେନ୍ଦ୍ର କହିଲା ଏବେ ଲୋକଙ୍କ ହାତରେ କ୍ଷମତା

ନୂଆଦିଲ୍ଲୀ: ଜମ୍ମୁ କଶ୍ମୀରର ପଞ୍ଚାୟତ ରାଜ ଅଧିନିୟମ, ୧୯୮୯ର ସଂଶୋଧନ କରିଛନ୍ତି କେନ୍ଦ୍ର ସରକାର। ବୁଧବାର କେନ୍ଦ୍ର କ୍ୟାବିନେଟରେ ଏହି ସଂଶୋଧନ ହୋଇଛି। ତେବେ ଏହି ନୂଆ ନିୟମ ଅକ୍ଟୋବର ୧୬ ପାଖରୁ ଲାଗୁ ହୋଇସାରିଛି। ଏହି ପଞ୍ଚାୟତ ରାଜ ଅଧିନିୟମ ସଂଶୋଧନ ପରେ ବର୍ତ୍ତମାନ ଜିଲ୍ଲା ବିକାଶ ପରିଷଦ (ଡିଡିସି) ଗଠନ କରାଯିବ। କେନ୍ଦ୍ର ସରକାର କହିଛନ୍ତି ଯେ ଏହା ଦ୍ୱାରା କ୍ଷମତା କେବଳ କିଛି ଲୋକଙ୍କ ପାଖରେ ନୁହେଁ ବରଂ ସମସ୍ତଙ୍କ ପାଖରେ ରହିବ ବୋଲି କେନ୍ଦ୍ର ସରକାର କହିଛନ୍ତି।

ଏଣିକି ଜିଲ୍ଲା ବିକାଶ ପରିଷଦର ସଦସ୍ୟମାନେ ସିଧାସଳଖ ଏହି କେନ୍ଦ୍ର ଶାସିତ ଅଞ୍ଚଳର ଭୋଟରଙ୍କ ଦ୍ୱାରା ନିର୍ବାଚିତ ହେବେ। ଦେଶର ଅନ୍ୟ ସ୍ଥାନ ପରି ତ୍ରୀସ୍ତରୀୟ ବ୍ୟବସ୍ଥା ହେବ। ଯେଉଁଥିରେ ଜିଲ୍ଲା, ବ୍ଲକ ଏବଂ ଗାଁ ସ୍ତରରେ ବ୍ୟବସ୍ଥା ରହିବ।

କେନ୍ଦ୍ର ସୂଚନା ତଥା ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର କହିଛନ୍ତି ଯେ ଦେଶର ଅନ୍ୟ ଅଂଶ ପରି ଜମ୍ମୁ କଶ୍ମୀରରେ ତୃଣମୂଳ ସ୍ତରରେ ଗଣତନ୍ତ୍ରର ତିନୋଟି ସ୍ତର ପ୍ରତିଷ୍ଠା କରିବାରେ ଏହା ନୂଆ ଅଧିନିୟମ ସହାୟକ ହେବ। ଜମ୍ମୁ କଶ୍ମୀରରୁ ଧାରା ୩୭୦ ଉଚ୍ଛେଦ ହେବା ପରେ ସେଠାରେ କେନ୍ଦ୍ର ସରକାର ଅନେକ ଜନ କଲ୍ୟାଣ ଆଇନ ଆରମ୍ଭ ହୋଇଛି। ଗତ ସପ୍ତାହରେ ଜମ୍ମୁ କଶ୍ମୀରରେ ସମଗ୍ର ଦେଶରେ ଥିବା ତିନି ସ୍ତରୀୟ ପଞ୍ଚାୟତ ସମିତିର ଆଇନ ମଧ୍ୟ ଲାଗୁ ହୋଇଥିଲା। ତେବେ ଜନ କଲ୍ୟାଣର ଅନେକ ନିୟମ ଭାରତରେ ମଧ୍ୟ ପ୍ରଯୁଜ୍ୟ ନୁହେଁ। ବର୍ତ୍ତମାନ ଜିଲ୍ଲା ବିକାଶ ପରିଷଦକୁ ସିଧାସଳଖ ନିର୍ବାଚନ ମାଧ୍ୟମରେ ଲୋକ ପ୍ରତିନିଧିଙ୍କ ହାତରେ ଏହି ନିର୍ବାଚନ ଅନୁଷ୍ଠିତ ହେବ।

ଲୋକମାନେ ବର୍ତ୍ତମାନ ନିର୍ବାଚନରୁ ସେମାନଙ୍କ ପ୍ରତିନିଧି ବାଛି ପାରିବେ ବୋଲି ଜାଭଡେକର କହିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଗୃହମନ୍ତ୍ରୀ ଅମିତ ଶାହା ଏହି ବ୍ୟବସ୍ଥା ଲାଗୁ କରିବେ ବୋଲି ପ୍ରତିଶୃତି ଦେଇଥିଲେ କରି ଦେଖାଇଛନ୍ତି ବୋଲି ସେ କହିଛନ୍ତି। ଏହା ଗଣତାନ୍ତ୍ରିକ ପ୍ରକ୍ରିୟାକୁ ମଜବୁତ କରିବ। ଲୋକମାନେ କ୍ଷମତା ବାଛିବେ ବୋଲି ସେ କହିଛନ୍ତି।

The post ଜମ୍ମୁ କଶ୍ମୀରରେ ବଦଳିଲା ପଞ୍ଚାୟତ ରାଜ୍ ଆଇନ୍, କେନ୍ଦ୍ର କହିଲା ଏବେ ଲୋକଙ୍କ ହାତରେ କ୍ଷମତା appeared first on Odisha Reporter.

from Odisha Reporter https://ift.tt/3majK2j