ନିର୍ମାଣଧିନ କୋଠା ଭୁଶୁଡ଼ିଲା, ୮ ମୃତ

ଜୟପୁର: ରାଜସ୍ଥାନ ଯୋଦ୍ଧପୁରରେ ଗତରାତିରେ ଏକ ଅଭାବନୀୟ ଘଟଣା ଘଟିଛି। ଯୋଦ୍ଧପୁର ବସ୍ନି ଶିଳ୍ପାଞ୍ଚଳରେ ଏକ ନିର୍ମାଣାଧିନ ବିଲ୍ଡିଂର କାନ୍ଥ ଭୁଶୁଡ଼ି ଘଟଣାସ୍ଥଳରେ ୮ ଜଣଙ୍କର ମୃତ୍ୟୁ  ହୋଇଥିବା ବେଳେ ୬ ଜଣ ଗୁରୁତର ହୋଇଛନ୍ତି।ଗୁରୁତରଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।

ତେବେ କିଭଳି ସ୍ଥିତିରେ କାନ୍ଥ ଭୁଶୁଡ଼ିଲା ତାହା ଜଣାପଡ଼ିନାହିଁ । ପୋଲିସ ଘଟଣାର ତଦନ୍ତ  ଆରମ୍ଭ କରିଛି। ଘଟଣାସ୍ଥଳରେ ଆହୁରି ୧୦ରୁ ଊର୍ଦ୍ଧ୍ୱ ଲୋକ ଚାପି ହୋଇ ରହିଯାଇଥିବା ଅନୁମାନ କରାଯାଉଛି।

ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏହି ଘଟଣାରେ ଦୁଃଖ ପ୍ରକାଶ କରିବା ସହ ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ଲେଖାଏଁ ଅନୁକମ୍ପା ରାଶି ଘୋଷଣା କରିଛନ୍ତି । ସେହିପରି ଆହତଙ୍କ ପରିବାରକୁ ୪୦ ହଜାର ଟଙ୍କା ଲେଖାଏଁ କ୍ଷତିପୂରଣ ଘୋଷଣା କରିଛି ପ୍ରଶାସନ ।

The post ନିର୍ମାଣଧିନ କୋଠା ଭୁଶୁଡ଼ିଲା, ୮ ମୃତ appeared first on Odisha Reporter.

from Odisha Reporter https://ift.tt/2IqgQZ1