ବ୍ରହ୍ମପୁର(ଓଡ଼ିଶା ରିପୋର୍ଟର): ସୁନା ଦୋକାନ ବନ୍ଦ କରି ଘରକୁ ଫେରୁଥିବା ବାପ ପୁଅଙ୍କଠାରୁ ଲୁଟ୍ ଉଦ୍ୟମ କରି ବିଫଳ ହେବା ପରେ ଉଭୟଙ୍କୁ ଖଣ୍ଡାରେ ହାଣିବା ସହ ବୋମା ଫିଙ୍ଗିଛନ୍ତି କଳାମୁଖା ପିନ୍ଧା ଦୁବୃର୍ତ୍ତ । । ଗୁରୁତର ଅବସ୍ଥାରେ ବାପ ପୁଅଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଘଟଣାସ୍ଥଳ ଛାଡ଼ି ଫେରାର ହୋଇଯାଇଛନ୍ତି ଦୁର୍ବୃତ୍ତ। ଏପରି ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଦିଗପହଣ୍ଡି ସହରରେ। ଗୁରୁତର ବାପ ପୁଅ ହେଉଛନ୍ତି ଦେବେନ୍ଦ୍ର ପାତ୍ର ଓ ତାଙ୍କ ପୁଅ ମଧୂସୁଦନ ପାତ୍ର।
ସୂଚନାଯୋଗ୍ୟ, ଗତ ରାତିରେ ପୁଅ ମଧୂସୁଦନ ସହ ଦେବେନ୍ଦ୍ର ଦୋକାନ ବନ୍ଦ କରି ଘରକୁ ଫେରୁଥିଲେ । ନିଜେ ଏକ ବ୍ୟାଗରେ କିଛି ଅଳଙ୍କାର ଧରିଥିଲେ । ଏହି ସମୟରେ କେତେଜଣ ଦୁର୍ବୃତ୍ତ ଏକ କଳା ପଲସରରେ ମୁଖା ପିନ୍ଧି ଆସି ଅଳଙ୍କାର ବ୍ୟାଗକୁ ଝାମ୍ପିନେବାକୁ ଚେଷ୍ଟା କରିଥିଲେ । ମାତ୍ର ମଧୁସୂଦନ ବ୍ୟାଗ୍ଟି ନ ଛାଡ଼ିବାରୁ ସେମାନେ ତାଙ୍କ ଉପରକୁ ଏକ ବୋମା ବି ଫିଙ୍ଗିଥିଲେ । ତାହା ଫୁଟି ନ ଥିବାବେଳେ ଖଣ୍ଡାରେ ଉଭୟଙ୍କୁ ଆକ୍ରମଣ କରିବା ସହ ଲୁଟିବାକୁ ଚେଷ୍ଟା କରିଥିଲେ ଦୁର୍ବୃତ୍ତ ।
ତେବେ ବାପ ଓ ପୁଅଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ପହଞ୍ଚିବା କ୍ଷଣି ଦୁର୍ବୃତ୍ତମାନେ ବସଷ୍ଟାଣ୍ଡ ଦେଇ ଚମ୍ପଟ ମାରିଥିଲେ । ଉଭୟ ବାପା ଓ ପୁଅକୁ ଗୁରୁତର ଅବସ୍ଥାରେ ଦିଗପହଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ଦିଗପହଣ୍ଡି ପୁଲିସ୍ ପହଞ୍ଚି ତଦନ୍ତ କରୁଛି ।
The post ସୁନା ଲୁଟିବାକୁ ଆସି ବାପ ପୁଅଙ୍କୁ ହାଣିଲେ ଦୁର୍ବୃତ୍ତ appeared first on Odisha Reporter.
from Odisha Reporter https://ift.tt/3m1oFTw
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment