ପୁଅକୁ ମାରି ଘର ଭିତରେ ପୋତି ଦେଇଥିଲେ, ବନ୍ଧା ହେଲେ ମା’, ବଡ଼ଭାଇ

ବାଲେଶ୍ୱର(ଓଡ଼ିଶା ରିପୋର୍ଟର): ନିଶାସକ୍ତ ପୁଅ ସବୁବେଳେ ଘରେ କଳହ ସୃଷ୍ଟି କରୁଥିଲା। ଫଳରେ ସବୁବେଳେ ଘରେ ଅଶାନ୍ତି ସୃଷ୍ଟି ହେଉଥିବାରୁ ଅତିଷ୍ଠ ଥିଲେ ମା’ ଓ ବଡ଼ ଭାଇ। ଶେଷରେ ଦିନେ ପୁଅର ନିର୍ଯାତନାରେ ଅତିଷ୍ଠ ହୋଇ ହତ୍ୟା କଲା ଜନ୍ମ କଲା ମା’ । ଏପରିକି କେହି ଯେପରି ନ ଜାଣିବେ, ସେଥିପାଇଁ ଗାତ ଖୋଳି ଘର ଭିତରେ ହିଁ ପୋତି ଦେଲେ ମା’ ଓ ବଡ଼ ଭାଇ। କିନ୍ତୁ ଘଟଣାର ୧୧ ଦିନ ପରେ ବଡ଼ ଭାଇ ସାନ ଭାଇର ପିଣ୍ଡଦାନ କରି ବଡ଼ ଭାଇ ଘରକୁ ଫେରିବା ପରେ କଥା ପ୍ରଘଟ ହୋଇଥିଲା। ଶେଷରେ ମା’ ଓ ବଡ଼ଭାଇକୁ ବାନ୍ଧିଛି ପୁଲିସ୍‌। ବାଲେଶ୍ୱର ସୋର ଥାନା ବାହାନଗାରେ ଘଟିଛି ଏଭଳି ଜଘନ୍ୟ ଅପରାଧ।

ସ୍ଥାନୀୟ ଉଚ୍ଛାପୁରରେ ରହୁଥିବା ସୁକୁରୀ ଜେନା ଓ ତାଙ୍କ ବଡ଼ପୁଅ ଜଗବନ୍ଧୁ ଜେନା ମିଶି ସାନ ପୁଅ ବଳରାମ ଜେନାକୁ ହତ୍ୟା କରିଥିବା ପୋଲିସ ଆଗରେ ସ୍ୱୀକାର କରିଛି ଜଗବନ୍ଧୁ । ଘରୋଇ ଗଣ୍ଡଗୋଳରୁ ଉତ୍ୟକ୍ତ ହୋଇ ମା’ ଶୁକୁରୀ ଏକ ଶାବଳରେ ପିଟିଦେବାରୁ ବଳରାମର ମୃତ୍ୟୁ ହୋଇଥିଲା । ପୁଲିସ୍‌ ଡରରେ ଉଭୟ ମୃତଦେହକୁ ଘର ଭିତରେ ଗାତ ଖୋଳି ପୋତି ଦେଇଥିବା କହିଛନ୍ତି। ତେବେ ଘଟଣାର ୧୧ ଦିନ ପରେ ଜଗବନ୍ଧୁ କୋଲକାତା ଯାଇ ମୃତ ଭାଇର ପିଣ୍ଡଦାନ କରି ଫେରିବାରୁ କଥା ପ୍ରଘଟ ହୋଇଥିଲା।  ‌ ପୁଲିସ୍‌ ଉଭୟ ମା ଓ ପୁଅଙ୍କୁ ଗିରଫ କରିଛି ।

ଏ ନେଇ ମୃତକଙ୍କ ବଡ଼ ଭାଇ ଜଗବନ୍ଧୁ କହିଛନ୍ତି, ସାନ ଭାଇ ମାରପିଟ କରୁଥିଲା। ଶାବଳରେ ଆକ୍ରମଣ କରିବ ବୋଲି ଉଦ୍ୟକ୍ତ ହେବା ବେଳେ ମା’ ତା ହାତକୁ ଶାବଳ ଛଡ଼ାଇ ସେଥିରେ ତାକୁ ପାହାରେ ମାରି ଦେଇଥିଲେ। ଫଳରେ ଘଟଣାସ୍ଥଳରେ ତା’ର ମୃତ୍ୟୁ ହୋଇଥିଲା। ପୁଲିସ୍‌ ଡରରେ ଆମେ ମୃତଦେହକୁ ଘର ଭିତରେ ପୋତି ଦେଇଥିଲୁ।

The post ପୁଅକୁ ମାରି ଘର ଭିତରେ ପୋତି ଦେଇଥିଲେ, ବନ୍ଧା ହେଲେ ମା’, ବଡ଼ଭାଇ appeared first on Odisha Reporter.

from Odisha Reporter https://ift.tt/3ur9Ez1