ଭଦ୍ରକ(ପାର୍ଥ ସାରଥୀ ନାୟକ): ଭଦ୍ରକ ୧୬ ନଂ ଜାତୀୟ ରାଜପଥ ଡାହାଣୀଗଡ଼ିଆ ଛକ ନିକଟ ହରିଶଙ୍କର ଗ୍ୟାରେଜରେ ଗତକାଲି ବିଳମ୍ବିତ ରାତିରେ ଭୟାବହ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡରେ ୪ ଟି ବସ୍ ଓ ଗୋଟିଏ ସ୍କୋର୍ପିଓ ପୋଡ଼ି ପାଉଁଶ ହୋଇଯାଇଛି। ବସ୍ ଭିତରେ ଶୋଇଥିବା କର୍ମଚାରୀ ନିଆଁ ଲାଗିବା ଦେଖି ଜୀବନ ବିକଳରେ ବାହାରକୁ ଦୌଡ଼ି ପଳାଇଥିଲେ।
ଗତ ରାତିରେ ହରିଶଙ୍କର ଗ୍ୟାରେଜରେ ହଠାତ୍ ନିଆଁ ଲାଗିଥିଲା। ଫଳରେ ସେଠାରେ ଥିବା ୪ ଟି ବସ ଓ ଗୋଟିଏ ସ୍କୋର୍ପିଓ ସମେତ ଗୋଟିଏ କ୍ୟାବିନ ହୁ ହୁ ହୋଇ ଜଳିବାକୁ ଲାଗିଲା । ନିଆଁ ଜଳୁଥିବା ସ୍ଥାନୀୟ ଲୋକ ଦେଖିବା ପରେ ଅଗ୍ନିଶମ ବିଭାଗକୁ ଖବର ଦେଇଥିଲେ।
ସଙ୍ଗେ ସଙ୍ଗେ ଅଗ୍ନିଶମ ବିଭାଗର ୩ଟି ଗାଡି ପହଞ୍ଚି ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିଲେ। ଦୀର୍ଘ ୩ ଘଣ୍ଟାର ପରିଶ୍ରମ ପରେ ନିଆଁକୁ ଆୟତ୍ତ କରାଯାଇଥିଲା । ମାତ୍ର ସେତେବେଳକୁ ୪ ଟି ବସ୍ ଓ ଗୋଟିଏ ସ୍କୋର୍ପିଓ ଜଳି ପୋଡି ପାଉଁଶ ହୋଇଯାଇଥିଲା।
The post ଜଳିଗଲା ୪ ବସ୍, ଗୋଟିଏ କାର୍ appeared first on Odisha Reporter.
from Odisha Reporter https://ift.tt/3cYgOo8
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment