ଆଇଟି ରେଡ୍ ପରେ ମୁହଁ ଖୋଲିଲେ ତାପସୀ ପାନ୍ନୁ

ମୁମ୍ବାଇ: ବଲିଉଡ୍ ଅଭିନେତ୍ରୀ ତାପସୀ ପନ୍ନୁ ଓ ଫିଲ୍ମ ନିର୍ଦ୍ଦେଶକ ଅନୁରାଗ କଶ୍ୟପଙ୍କ ସମେତ ଫିଲ୍ମ ଇଣ୍ଡଷ୍ଟ୍ରୀ ସହ ଜଡ଼ିତ କିଛି ଲୋକଙ୍କ ଉପରେ ଆୟକର ବିଭାଗ ଚଢ଼ାଉ ଜାରି ରଖିଛି। ଟ୍ୟାକ୍ସ ଚୋରି ଅଭିଯୋଗରେ ବିଭାଗର କାର୍ଯ୍ୟାନୁଷ୍ଠାନର ତିନି ଦିନ ପରେ ମୁହଁ ଖୋଲିଛନ୍ତି ତାପସୀ।

ତାପସୀ ସୋଶାଲ ମିଡିଆ ଜରିଆରେ ନିଜର କ୍ରୋଧ ପ୍ରକାଶ କରିଛନ୍ତି। ଏହାକୁ ନେଇ ସେ ଲଗାତର ତିନୋଟି ଟ୍ୱିଟ୍ କରିଛନ୍ତି। ତାପସୀ ନିଜ ଟ୍ୱିଟରେ ନିଜ ଉପରେ ଲାଗିଥିବା ଅଭିଯୋଗ କଥା କହିଛନ୍ତି। ସେ ମଧ୍ୟ କିଛି ମଜାକିଆ ଅନ୍ଦାଜରେ ଲେଖିଛନ୍ତି। ନିଜର ପ୍ରଥମ ଟ୍ୱିଟରେ ତାପସୀ ଲେଖିଛନ୍ତି, ଯେଉଁ ବଙ୍ଗଳାର ଚାବି କଥା କୁହାଯାଉଛି, ତାକୁ ମୁଁ ପ୍ୟାରିସରେ ରଖିଛି। କାରଣ ଆଗକୁ ଖରା ଛୁଟି ଆସିବ।

ସେହିପରି ତାପସୀ ଆଉ ଏକ ଟ୍ୱିଟରେ ଲେଖିଛନ୍ତି, ଯେଉଁ ୫ କୋଟି ଟଙ୍କାର ରସିଦ୍ କଥା କୁହାଯାଉଛି, ତାକୁ ମୁଁ ଭବିଷ୍ୟତ ପାଇଁ ଜାଣିଛି। ସୂଚନାଯୋଗ୍ୟ ଆୟକର ବିଭାଗ କହିଥିଲା ଯେ ଚଢ଼ାଉ ବେଳେ ତାପସୀ ପନ୍ନୁଙ୍କ ୫ କୋଟି ଟଙ୍କା ଦିଆଯାଇଥିଲା, ଯାହାର ରସିଦ୍ ତାଙ୍କ ଘରୁ ମିଳିଛି। ଏହା ପରେ ତାପସୀ ନିଜର ତୃତୀୟ ଟ୍ୱିଟରେ ଲେଖିଛନ୍ତି, ଅର୍ଥ ମନ୍ତ୍ରୀଙ୍କ ମୁତାବକ ୨୦୧୩ରେ ମୋ ଘରେ ରେଡ୍ ହୋଇଥିଲା। ଏବେ ଆଉ ମୁଁ ଶସ୍ତା ହୋଇ ରହିନାହିଁ।

3 days of intense search of 3 things primarily
1. The keys of the “alleged” bungalow that I apparently own in Paris. Because summer holidays are around the corner

— taapsee pannu (@taapsee) March 6, 2021

3. My memory of 2013 raid that happened with me according to our honourable finance minister

P.S- “not so sasti” anymore

— taapsee pannu (@taapsee) March 6, 2021

ସୂଚନାଯୋଗ୍ୟ, ଦୁଇ ବଡ଼ ଟ୍ୟାଲେଣ୍ଡ ମ୍ୟାନେଜମେଣ୍ଟ କମ୍ପାନୀ ଉପରେ ଲଗାତର ଇନକମ୍ ଟ୍ୟାକ୍ସର ଚଢ଼ାଉ ଚାଲିଛି। ଏପର୍ଯ୍ୟନ୍ତ ୬୫୦ କୋଟି ଟଙ୍କାର ହେରଫେର୍ ହୋଇଥିବା ଜଣାପଡ଼ିଛି। ତାପସୀ ପନ୍ନୁ ମଧ୍ୟ ଆୟକର ବିଭାଗ ଅଧିକାରୀଙ୍କୁ ୫ କୋଟି ଟଙ୍କାର ହିସାବ ଦେଇପାରିନଥିବା ସୂଚନା ମିଳିଛି।

The post ଆଇଟି ରେଡ୍ ପରେ ମୁହଁ ଖୋଲିଲେ ତାପସୀ ପାନ୍ନୁ appeared first on Odisha Reporter.

from Odisha Reporter https://ift.tt/3qnMdDs