ଗୁଜରାଟ: ରୋଗୀଙ୍କ ପାଇଁ ନାଚିଲେ ଡାକ୍ତର। ବଲିଉଡ ଗୀତର ତାଳେ ତାଳେ ଝୁମିଲେ ସ୍ୱାସ୍ଥ୍ୟକର୍ମୀ। କରୋନା ଆକ୍ରାନ୍ତଙ୍କ ବଢ଼ାଇଲେ ମନୋବଳ। ପରିବାରର ସଦସ୍ୟଙ୍କ ଭଳି ବାଣ୍ଟିଲେ ପ୍ରେମ। ଏଭଳି ଏକ ଭିଡିଓ ଏବେ ସାମ୍ନାକୁ ଆସିଛି, ଯାହା ସୋଶାଲ ମିଡିଆରେ ଭାଇରଲ ହେବାରେ ଲାଗିଛି।
ଗୁଜରାଟ ବଦୋଦରାର ଏକ ହସ୍ପିଟାଲରୁ ଏହି ପ୍ରେରଣାଦାୟୀ ଭିଡିଓଟି ସାମ୍ନାକୁ ଆସିଛି। ପାରୁଲ ସେବାଶ୍ରମ ହସ୍ପିଟାଲର ଜେନେରାଲ ୱାର୍ଡରେ ଡାକ୍ତର ଓ କିଛି ସ୍ୱାସ୍ଥ୍ୟକର୍ମୀ ମିଶି କରୋନା ରୋଗୀଙ୍କ ପାଇଁ ଫିଲ୍ମି ଗୀତରେ ନାଚୁଛନ୍ତି। କରୋନା ସହ ଲଢ଼ିବା ଲାଗି ସେମାନଙ୍କୁ ଯୋଗାଇଛନ୍ତି ସାହାସ। ସେମାନଙ୍କ ମନୋବଳ ବଢ଼ାଇବା ପାଇଁ ଏଭଳି ନିଆରା ଉପାୟ ଆପଣାଇଛନ୍ତି ଡାକ୍ତର। ପିପିଇ କିଟ୍ ପିନ୍ଧି ରୋଗୀଙ୍କ ସାମ୍ନାରେ `ସୋଚନା କ୍ୟା ଜୋ ଭି ହୋଗା ଦେଖା ଯାଏଗା…’ ଗୀତରେ ଏମାନେ ନାଚୁଛନ୍ତି। ସେପଟେ ରୋଗୀମାନେ ମଧ୍ୟ ଖଟ ଉପରେ ଶୋଇ ଡାକ୍ତରଙ୍କ ଡ୍ୟାନ୍ସଙ୍କୁ ମନଭରି ଉପଭୋଗ କରୁଛନ୍ତି। ସ୍ୱାସ୍ଥ୍ୟକର୍ମୀଙ୍କ ନାଚର ତାଳେ ତାଳେ ରୋଗୀମାନେ ମଧ୍ୟ ଖଟ ଉପରେ ଶୋଇ ଝୁମୁଥିବା ଦେଖିବାକୁ ମିଳିଛି।
ରୋଗୀମାନେ ନିରାଶ ନହୋଇ ଯେପରି ରୋଗ ସହ ଲଢ଼ିବେ ଏବଂ ସୁସ୍ଥ ହେବେ ସେଥିପାଇଁ ଏହି ସେବାଶ୍ରମ ହସ୍ପିଟାଲର ଡାକ୍ତରମାନେ ଏଭଳି ନିଆରା ଉପାୟ ଅପଣାଇଛନ୍ତି। ଏହି ଭିଡିଓଟି ଏବେ ସୋଶାଲ ମିଡିଆରେ ଜୋରସୋରେ ଭାଇରାଲ ହେବାରେ ଲାଗିଛି।
ସୂଚନାଯୋଗ୍ୟ ଯେ, ଦେଶରେ ପୁଣି ମୁଣ୍ଡ ଟେକିଛି ମହାମାରୀ। ଭୟଙ୍କର ରୂପେ ମାଡିଚାଲିଛି କିଲର ଭାଇରସ କରୋନା। ପ୍ରତିଦିନ ୨ ଲକ୍ଷ ଉପରେ ଆକ୍ରାନ୍ତ ଚିହ୍ନଟ ହେଉଛନ୍ତି। ଏହାକୁ ଦୃଷ୍ଟିରେ ରଖି ଅନେକ ରାଜ୍ୟରେ କର୍ଫ୍ୟୁ ଲାଗୁ କରାଯାଇଛି ତ ଆଉ କେଉଁଠି ଲକ୍ଡାଉନ୍। ଶଶ୍ମାନ ଘାଟ ଠାରୁ ଆରମ୍ଭ କରି ହସ୍ପିଟାଲ ପ୍ରତିଟି ସ୍ଥାନରେ କରୋନାର କହର ଦେଖିବାକୁ ମିଳିଛି। ଗୋଟିଏ ପଟେ ହସ୍ପିଟାଲରେ ଯେଉଁଠି କରୋନା ରୋଗୀଙ୍କୁ ସଠିକ ଚିକିତ୍ସା ମିଳିପାରୁ ନାହିଁ, ସେଇଠି କରୋନା ରୋଗୀଙ୍କ ପାଇଁ ଡାକ୍ତରଙ୍କ ଏଭଳି ନିଆରା ଡ୍ୟାନ୍ସ ଏବେ ଚାରିଆଡୁ ପ୍ରଶଂସା ସାଉଁଟିଛି।
सोचना क्या, जो भी होगा देखा जायेगा…
वडोदरा के पारुल सेवाश्रम अस्पताल का वीडियो. pic.twitter.com/A1l8p7J2Xl
— Puja Bharadwaj (@Pbndtv) April 16, 2021
The post କରୋନା ରୋଗୀଙ୍କ ପାଇଁ ବଲିଉଡ ଗୀତରେ ନାଚିଲେ ଡାକ୍ତର appeared first on Odisha Reporter.
from Odisha Reporter https://ift.tt/3v1bbv5
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment