ଶିଶୁର ଜୀବନ ବଞ୍ଚାଇଲେ ବିରାଟ-ଅନୁଷ୍କା

ନୂଆଦିଲ୍ଲୀ: ପୁଣି ଥରେ ସମସ୍ତଙ୍କ ହୃଦୟ ଜିତି ନେଇଛନ୍ତି ପାୱର କପଲ ବିରାଟ କୋହଲି ଏବଂ ଅନୁଷ୍କା ଶର୍ମା । ୧୬ କୋଟି ଟଙ୍କାର ପାଣ୍ଠି ଯୋଗାଡ କରି ଏକ କୁନି ଶିଶୁର ଜୀବନ ବଂଚାଇଛନ୍ତି ବିରୁଷ୍କା । ଏହାକୁ ନେଇ ଏବେ ଚାରିଆଡେ ଚର୍ଚ୍ଚା ଜୋର ଧରିଛି ।

ବାସ୍ତବରେ ଆୟାଂଶ ଗୁପ୍ତା ନାମକ ଏକ ଶିଶୁଟି ସ୍ପାଇନଲ୍ ମସ୍କୁଲର ଆଟ୍ରୋଫି ନାମକ ଏକ ରୋଗରେ ଆକ୍ରାନ୍ତ ଥିଲା । ତେବେ ଆୟାଂଶର ଏହି ରୋଗର ଚିକିତ୍ସା ଅତ୍ୟନ୍ତ ମହଙ୍ଗା ଥିଲା, ଏଥିପାଇଁ ଏକ ଦାମୀ ଔଷଧର ଆବଶ୍ୟକ ଥିଲା, ଯାହାର ମୂଲ୍ୟ ପ୍ରାୟ ୧୬ କୋଟି ଟଙ୍କା ।

ଆୟାଂଶର ଚିକିତ୍ସା ପାଇଁ ପାଣ୍ଠି ସଂଗ୍ରହ କରିବାକୁ ତାଙ୍କ ବାପା-ମା AyaanshFightsSMA ନାମକ ଏକ ଟ୍ୱିଟର ଆକାଉଣ୍ଟ ତିଆରି କରିଥିଲେ। ଏହି ଟୁଇଟ୍ ଦେଖିବା ପରେ ଆଗେଇ ଆସିଥିଲେ ବିରୁଷ୍କା ।

କ୍ରିକେଟର ବିରାଟ କୋହଲି ଏବଂ ଅନୁଷ୍କା ଶର୍ମା ସେମାନଙ୍କ ପାଣ୍ଠି ସଂଗ୍ରହ ଅଭିଯାନ ମାଧ୍ୟମରେ ୧୧ କୋଟି ଟଙ୍କା ସଂଗ୍ରହ କରିଥିଲେ। ଏହି ଟଙ୍କାକୁ ACT ଅନୁଦାନ ନାମକ ଏକ ଅନୁଷ୍ଠାନକୁ ଦେଇଛନ୍ତି, ଯେଉଁମାନେ ଅକ୍ସିଜେନ୍ ଏବଂ ଅନ୍ୟାନ୍ୟ ଚିକିତ୍ସା ସୁବିଧା ଯୋଗାଇବାରେ କାର୍ଯ୍ୟ କରୁଛନ୍ତି । ଏଥି ସହିତ ବିରାଟ ଏବଂ ଅନୁଷ୍କା ୧୬ କୋଟି ଟଙ୍କା ସଂଗ୍ରହ କରି ଶିଶୁର ଜୀବନ ରକ୍ଷା କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି ।

ରବିବାର ଦିନ AyaanshFightsSMA ନାମକ ପେଜରେ ଏକ ସୂଚନା ଦିଆଯାଇଥିଲା ଯେ ଆୟାଂଶର ଆବଶ୍ୟକ ଔଷଧ ମିଳିଯାଇଛି । ଏଥିସହ ଟୁଇଟ୍ ପେଜ୍‌ରେ ବିରାଟ ଓ ଅନୁଷ୍କାଙ୍କୁ ଶିଶୁଟିର ବାପା ମା’ ଧନ୍ୟବାଦ ଜଣାଇଛନ୍ତି ।

ଶିଶୁର ବାପା ଟୁଇଟ୍ କରି ଲେଖିଛନ୍ତି,ଏହି କଷ୍ଟଦାୟକ ଯାତ୍ରା ଏତେ ସୁନ୍ଦର ଭାବେ ଶେଷ ହେବ ବୋଲି ଆମେ କେବେ ଭାବି ନଥିଲୁ। ଆମେ ବହୁତ ଖୁସି ଯେ ଆୟାଂଶର ଔଷଧ ପାଇଁ ଆମକୁ ୧୬ କୋଟି ଟଙ୍କା ଆବଶ୍ୟକ ଥିଲା ଏବଂ ଏହି ଟଙ୍କା ଆମେ ଏବେ ପାଇ ସାରିଛୁ । ଯେଉଁମାନେ ଆମକୁ ସମର୍ଥନ କରିଥିଲେ ସେମାନଙ୍କୁ ଅନେକ ଅନେକ ଧନ୍ୟବାଦ ।

ବିରାଟ ଏବଂ ଅନୁଷ୍କାଙ୍କ ବ୍ୟତୀତ ଅନେକ ବଲିଉଡ ସେଲିବ୍ରିଟି ମଧ୍ୟ ଏହି ଶିଶୁର ଚିକିତ୍ସା ପାଇଁ ଚାଲିଥିବା କ୍ୟାମ୍ପେନକୁ ସମର୍ଥନ କରିଥିଲେ। #AyaanshFightsSMAର କ୍ୟାମ୍ପେନକୁ ଇମ୍ରାନ ହାସମି, ରାଜକୁମାର ରାଓ, ନକୁଲ ମେହେଟ୍ଟା, ଅର୍ଜୁନ କପୁର ଏବଂ ସାରା ଅଲି ଖାନଙ୍କ ପରି ସେଲିବ୍ରେଟମାନେ ମଧ୍ୟ ପ୍ରମୋଟ୍ କରିଥିଲେ।

@imVkohli & @AnushkaSharma – we always loved you as fans. But what you have done for Ayaansh and this campaign is beyond what we expected. Thanks for your generosity. You helped us win this match of life with a six! Will always be indebted for your help to #saveayaanshgupta pic.twitter.com/vJUozH2o2r

— AyaanshFightsSMA (@FightsSma) May 23, 2021

The post ଶିଶୁର ଜୀବନ ବଞ୍ଚାଇଲେ ବିରାଟ-ଅନୁଷ୍କା appeared first on Odisha Reporter.

from Odisha Reporter https://ift.tt/3oLmANK