ମୁମ୍ୱାଇ: ଧର୍ମେନ୍ଦ୍ର ଓ ହେମା ମାଳିନୀଙ୍କ ପ୍ରେମ ବିଷୟରେ ସମସ୍ତେ ଜାଣନ୍ତି। ବାହା ହୋଇ ଚାରି ସନ୍ତାନସନ୍ତତିଙ୍କ ବାପା ହେବା ପରେ ବି ହେମାଙ୍କ ପ୍ରେମରେ ପଡ଼ିଥିଲେ ଧର୍ମେନ୍ଦ୍ର ଓ ତାଙ୍କୁ ବାହା ହୋଇଥିଲେ। ତେବେ କୁହାଯାଏ, ହେମାଙ୍କୁ ବାହା ହେବା ପରେ ବଲିଉଡର ଆଉ ଜଣେ ଅଭିନେତ୍ରୀଙ୍କ ପ୍ରେମରେ ପଡ଼ିଯାଇଥିଲେ ଧର୍ମେନ୍ଦ୍ର। ଆଉ ସେ ହେଲେ ଅନୀତା ରାଜ।
ଧର୍ମେନ୍ଦ୍ର ଓ ଅନୀତା ରାଜ ଏକାଠି ଅନେକ ଫିଲ୍ମରେ କାମ କରିଥିଲେ। ଆଉ ଫିଲ୍ମ ଶୁଟିଂ ବେଳେ ସେମାନଙ୍କ ମଧ୍ୟରେ ସଂପର୍କ ଗଢ଼ି ଉଠିଥିଲା ବୋଲି କୁହାଯାଏ। ଏହାକୁ ନେଇ ସେତେବେଳେ ଖୁବ୍ ଚର୍ଚ୍ଚା ବି ହୋଇଥିଲା। ଅବଶ୍ୟ ସେମାନଙ୍କ ପ୍ରେମ ଅଧିକ ଦିନ ଆଗେଇ ପାରି ନଥିଲା ।
୮୦ ଦଶକରେ ଅନୀତା ରାଜ ବେଶ୍ ପପୁଲାର ଥିଲେ। ସେ ବି ଧର୍ମେନ୍ଦ୍ରଙ୍କ ପ୍ରେମରେ ପଡ଼ିଯାଇଥିଲେ। ଉଭୟଙ୍କ ବୟସରେ ଖୁବ୍ ବ୍ୟବଧାନ ଥିଲା। ଧର୍ମେନ୍ଦ୍ରଙ୍କ ଠାରୁ ଅନୀତା ୨୭ ବର୍ଷ ସାନ ଥିଲେ। ଦୁହିଁଙ୍କ ମଧ୍ୟରେ ଆଫେୟାର ନେଇ ଯେତେବେଳେ ମିଡିଆରେ ଖବର ଆସିଲା, ସେତେବେଳେ ହେମା ମାଳିନୀ ବିଚଳିତ ହୋଇଯାଇଥିଲେ।
କୁହାଯାଏ, ଏହା ପରେ ଅନୀତା ରାଜଙ୍କ ଠାରୁ ଦୂରେଇ ରହିବା ପାଇଁ କୁଆଡେ଼ ଧର୍ମେନ୍ଦ୍ରଙ୍କୁ ଧମକ ଦେଇଥିଲେ ହେମା ମାଳିନୀ। ଏହା ପରେ ଧର୍ମେନ୍ଦ୍ର ଓ ଅନୀତାଙ୍କ ମଧ୍ୟରେ ଚାଲିଥିବା ଆଫେୟାରରେ ପୂର୍ଣ୍ଣଚ୍ଛେଦ ପଡ଼ିଥିଲା।
୧୯୮୧ରେ ଅନୀତାଙ୍କ ପ୍ରଥମ ଫିଲ୍ମ ପ୍ରେମ ଗୀତ ରିଲିଜ ହୋଇଥିଲା। ଏହା ପରେ ସେ ପପୁଲାର ହୋଇଗଲେ ଏବଂ ପାଖାପାଖି ୧୦୦ ଫିଲ୍ମରେ କାମ କରିଥିଲେ।
୧୯୯୩ରେ ଫିଲ୍ମ ପ୍ରଯୋଜକ ସୁନୀଲ ହିଙ୍ଗୋରାନୀଙ୍କୁ ବିବାହ କରିଥିଲେ। ଫିଲ୍ମ ଠାରୁ ଦୂରେଇ ଯିବା ପରେ ଛୋଟ ପରଦାରେ କାମ କରିଥିଲେ ଅନୀତା। ମାୟା, ୨୪, ତୁମହାରୀ ପାକ୍ଷୀ, ଏକ ଥା ରାଜା ଏକ ଥୀ ରାନୀ ଓ ଇନା ମୀନା ଡିକା ଭଳି ଧାରାବାହିକରେ ସେ ଅଭିନୟ କରିଛନ୍ତି।
The post ହେମା ମାଳିନୀଙ୍କୁ ବାହା ହେବା ପରେ ଆଉ ଜଣେ ଅଭିନେତ୍ରୀଙ୍କ ପ୍ରେମରେ ପଡ଼ିଥିଲେ ଧର୍ମେନ୍ଦ୍ର appeared first on Odisha Reporter.
from Odisha Reporter https://ift.tt/3bbA93r
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment