ଅହଂକାରୀ ଭାଇରସ ବିରୋଧରେ ଟିକା ନାହିଁ କହି ରାହୁଲ ଗାନ୍ଧୀଙ୍କୁ ବାଣ ମାରିଲେ ସ୍ୱାସ୍ଥ୍ୟମନ୍ତ୍ରୀ

ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀ ଟିକାର ଅଭାବକୁ ନେଇ ପ୍ରଶ୍ନ ଉଠାଉଛନ୍ତି। ଏହାକୁ ନେଇ ବର୍ଷିଛନ୍ତି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଡାକ୍ତର ହର୍ଷବର୍ଦ୍ଧନ। ଶୁକ୍ରବାର ରାହୁଲ ଗାନ୍ଧୀ କହିଛନ୍ତି ଜୁଲାଇ ମାସ ଆରମ୍ଭ ହୋଇଯାଇଛି। ହେଲେ ଟିକାକୁ ନେଇ କୌଣସି ଖୋଜ ଖବର ନାହିଁ। ଏହାର ଜବାବ ଦେବାକୁ ଯାଇ ସ୍ୱାସ୍ଥ୍ୟ ମନ୍ତ୍ରୀ କହିଛନ୍ତି ରାହୁଲ୍ ଗାନ୍ଧୀଙ୍କର ଅସୁବିଧା କେଉଁଠି ରହୁଛି? ସେ କିଛି ପଢ଼ୁଛନ୍ତି କି ନାହିଁ? ନା ସେ ବୁଝି ପାରୁନାହାନ୍ତି?

ହର୍ଷବର୍ଦ୍ଧନ ଆହୁରି କହିଛନ୍ତି, ଅଂହକାରୀ ଏବଂ ଅଣଦେଖା କରୁଥିବା ଭାଇରସ ବିରୋଧରେ କୌଣସି ଟିକା ନାହିଁ। ଏଥିସହ ରାହୁଲ ଗାନ୍ଧୀଙ୍କ ନେତୃତ୍ୱକୁ ନେଇ ମଧ୍ୟ ସେ ପ୍ରଶ୍ନ ଉଠାଇଛନ୍ତି। କଂଗ୍ରେସ ନିଜ ନେତୃତ୍ୱରେ ପରିବର୍ତ୍ତନ କରିବାର ଆବଶ୍ୟକ ରହିଛି ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି।

ଏହାପୂର୍ବରୁ ଗୁରୁବାର ହର୍ଷବର୍ଦ୍ଧନ ଟିକାକରଣ ନୀତିକୁ ନେଇ ବିଭିନ୍ନ ପ୍ରଶ୍ନର ଉତ୍ତର ଦେଇଥିଲେ। ସ୍ୱାସ୍ଥ୍ୟମନ୍ତ୍ରୀ ଲେଖିଛନ୍ତି, ‘ମୁଁ ନିଜେ ବିଶ୍ୱର ସର୍ବବୃହତ ଟିକାକରଣ ଅଭିଯାନ ସଂପର୍କରେ ଅନେକ ନେତାଙ୍କ ଦାୟିତ୍ୱହୀନ ମନ୍ତବ୍ୟକୁ ଦେଖିଛି। କିଛି ଅଳ୍ପ ତଥ୍ୟ ରଖୁଛି, ଏହି ତଥ୍ୟରୁ ଲୋକମାନେ ଏହି ଦାୟିତ୍ୱହୀନ ନେତାଙ୍କ ମନ୍ତବ୍ୟର ଉଦ୍ଦେଶ୍ୟ ବିଷୟରେ ଜାଣିପାରିବେ। ଜୁନରେ କେନ୍ଦ୍ର ସରକାର ୭୫ ପ୍ରତିଶତ ମାଗଣା ଟିକାକରଣର ଦାୟିତ୍ୱ ନେବା ପରେ ୧୧.୫୦ କୋଟି ଡୋଜ ଯୋଗାଇ ଦେଇଛନ୍ତି।

Just yesterday, I put out facts on vaccine availability for the month of July.

What is @RahulGandhi Ji’s problem ?Does he not read ?
Does he not understand ?

There is no vaccine for the virus of arrogance and ignorance !!@INCIndia must think of a leadership overhaul ! https://t.co/jFX60jM15w

— Dr Harsh Vardhan (@drharshvardhan) July 2, 2021

ସୂଚନାଯୋଗ୍ୟ, ରାହୁଲ ଗାନ୍ଧୀ ସରକାରଙ୍କ ଟିକାକରଣ ନୀତିକୁ ଅନେକ ସମୟରେ ସମାଲୋଚନା କରୁଛନ୍ତି। ନିକଟରେ କରୋନା ଟିକା ଅଭାବକୁ ଦୂର କରିବା ପାଇଁ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ମୋଦିଙ୍କୁ ନିବେଦନ କରିଛନ୍ତି। ଏହାର ଜବାବରେ ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି ଯେ ରାହୁଲ ଗାନ୍ଧୀ ଗୁଡାଏ ମିଛ ଏବଂ ବିଭ୍ରାନ୍ତିକର ତଥ୍ୟ ବିସ୍ତାର କରୁଛନ୍ତି। ଟିକାକରଣ ଯୋଗାଣକୁ ନେଇ ଅନେକ ରାଜ୍ୟ ଏବଂ କେନ୍ଦ୍ର ସରକାରଙ୍କ ମଧ୍ୟରେ ବିବାଦ ଲାଗି ରହିଛି। ଅନେକ ରାଜ୍ୟରୁ ସ୍ୱଳ୍ପ ଯୋଗାଣକୁ ନେଇ ବାରମ୍ବାର ଅଭିଯୋଗ ଆସିଛି, କିନ୍ତୁ କେନ୍ଦ୍ର କହିଛି ଯେ ଏହା ଜନସଂଖ୍ୟା ଏବଂ ଆବଶ୍ୟକତା ଅନୁଯାୟୀ ଏହି ଟିକା ଯୋଗାଉଛି।

The post ଅହଂକାରୀ ଭାଇରସ ବିରୋଧରେ ଟିକା ନାହିଁ କହି ରାହୁଲ ଗାନ୍ଧୀଙ୍କୁ ବାଣ ମାରିଲେ ସ୍ୱାସ୍ଥ୍ୟମନ୍ତ୍ରୀ appeared first on Odisha Reporter.

from Odisha Reporter https://ift.tt/3jC6o0H