ଅଧା ଲୋକଙ୍କୁ ମିଳିନି ପାଇଖାନା, ହେଲେ ଲାଗିଛି ‘ବାହ୍ୟ ମଳମୁକ୍ତ ଗାଁ’ ଫଳକ

ଟାଙ୍ଗି(ଓଡ଼ିଶା ରିପୋର୍ଟର): ଗାଁ ମୁଣ୍ଡରେ ଲାଗିଛି ବାହ୍ୟ ମଳମୁକ୍ତ ଗ୍ରାମର ଫଳକ । ହେଲେ ବାହାରେ ମଳତ୍ୟାଗ କରୁଛନ୍ତି ଲୋକେ । ପାଇଖାନା ନିର୍ମାଣ ପାଇଁ ଅନେକଙ୍କ ଘରେ ସର୍ଭେ ହୋଇଛି , ହେଲେ ପାଇଖାନା ତିଆରି ହୋଇନି । ପୁଣି ଯେଉଁମାନଙ୍କର ପାଇଖାନା ନିର୍ମାଣ ହୋଇଛି ,ତାହା ନିମ୍ନମାନର ଓ ଅନୁପଯୋଗୀ । ଟାଙ୍କି ପାଇଁ ଆସିଥିବା ନନ୍ଦ ଏଯାବତ୍ ବାହାରେ ପଡିରହିଛି । ଏପରି ଚିତ୍ର କଟକ ଜିଲ୍ଲା କରି ପଂଚାୟତର ରଗଡି ସାହି ଗାଁରେ ଦେଖିବାକୁ ମିଳିଛି । ଏପରିକି ଶୌଚାଳୟ ଭିତରେ ନଡା ରଖାଯାଉଥିବା ବେଳେ କୁକୁଡା ବି ରହୁଛନ୍ତି ।

ଅସମ୍ପୂର୍ଣ୍ଣ ଅବସ୍ଥାରେ ଥିବା ଶୌଚାଳୟ।

ଲୁହା ପାଇପ୍ ବଦଳରେ ବାଉଁଶ ଲଗାଇ ପାଇଖାନା ଘର ଉପରେ ଆଜବେଷ୍ଟସ ପଡିଛି । ସେଥିଲାଗି ପାଇଖାନା ଭିତରେ ଲୋକେ କୁକୁଡା ଓ ନଡା ରଖୁଥିବା କହିଛନ୍ତି ।

୨୦୧୪ ମସିହାରୁ ବାହ୍ୟ ମଳମୁକ୍ତ ଗ୍ରାମ ଯୋଜନା ଆରମ୍ଭ ହୋଇଥିବା ବେଳେ ଏଯାବତ୍ ୫୦ ପ୍ରତିଶତ ହିତାଧିକାରୀ ଏହାର ସୁଫଳ ପାଇ ନଥିବା ଅଭିଯୋଗ ହୋଇଛି । ଏନେଇ ଅସାଧୁ ଠିକାଦାରଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଗାଁଲୋକେ ଦାବି କରିଛନ୍ତି ।

ଅନ୍ୟପଟେ ଟାଙ୍ଗୀ ବିଡିଓ ବିନୋନ୍ଦ କୁମାର ସେନାପତି କହିଛନ୍ତି, ଲୋକମାନଙ୍କର ମଧ୍ୟ କିଛି ଭୁଲ ରହୁଛି । ସେମାନେ କାମ ଶେଷ ନ ହେବା ପୂର୍ବରୁ ଠିକାଦାରଙ୍କ କଥାରେ ପଡି ପାଇଖାନାରେ ନାମ ଫଳକ ଲେଖନ୍ତୁ ନାହିଁ କିମ୍ବା ଫଟୋ ନ ଉଠାନ୍ତୁ । ଏହାସହିତ ସେ କହିଛନ୍ତି, ତଦନ୍ତ କରି ଅଭିଯୁକ୍ତଙ୍କ ବିରୋଧରେ ଉଚିତ୍ ପଦକ୍ଷେପ ନିଆଯିବ ।

The post ଅଧା ଲୋକଙ୍କୁ ମିଳିନି ପାଇଖାନା, ହେଲେ ଲାଗିଛି ‘ବାହ୍ୟ ମଳମୁକ୍ତ ଗାଁ’ ଫଳକ appeared first on Odisha Reporter.

from Odisha Reporter https://ift.tt/3ACBomH