ଆଫଗାନିସ୍ତାନ କ୍ରିକେଟ ବୋର୍ଡ ଅଫିସକୁ କବଜା କଲା ତାଲିବାନ

କାବୁଲ: ଆଫଗାନିସ୍ତାନ କ୍ରିକେଟ ବୋର୍ଡ ଅଫିସ୍‌କୁ କବଜା କରିଛି ତାଲିବାନ। ଗୁରୁବାର କାବୁଲରେ ଥିବା ଆଫଗାନିସ୍ତାନ କ୍ରିକେଟ ବୋର୍ଡ ଅଫିସ ଭିତରେ ତାଲିବାନୀମାନେ ବନ୍ଧୁକ ଧରି ପ୍ରବେଶ କରିଛନ୍ତି। ପୂର୍ବତନ ଆଫଗାନିସ୍ତାନ କ୍ରିକେଟର ଅବଦୁଲ୍ଲା ଅବଦୁଲ୍ଲା ମଜାରି ଏବଂ ତାଲିବାନୀ ଏକାଠି ଯାଇ କ୍ରିକେଟ ବୋର୍ଡ ଅଫିସ ଭିତରେ ପ୍ରବେଶ କରିଥିଲେ ବୋଲି ସୂଚନା ରହିଛି। ତେବେ ଦେଶରେ ଯେଉଁ ପରିସ୍ଥିତି ଉପୁଜିଛି ସେଥିରେ କ୍ରିକେଟ ପ୍ରଭାବିତ ହେବ ନାହିଁ ବୋଲି ଆଫଗାନିସ୍ତାନ କ୍ରିକେଟ ବୋର୍ଡର ପ୍ରମୁଖ ଅଧିକାରୀ କହିଛନ୍ତି।

ଆଫଗାନିସ୍ତାନ କ୍ରିକେଟ ଟିମ୍ ଟି-ଟ୍ୱେଣ୍ଟି ପାଇଁ ପ୍ରସ୍ତୁତି ଚଳାଇଥିବା ବେଳେ ଦେଶରେ ଥିବା ବିଭିନ୍ନ କ୍ରିକେଟ ଷ୍ଟାଡିୟମକୁ ତାଲିବାନ ନିଜ ନିୟନ୍ତ୍ରଣକୁ ନେଇଥିବା ରିପବ୍ଲିକ ଟିଭିର ଏକ ରିପୋର୍ଟରୁ ଜଣାପଡ଼ିଛି। ତେବେ ତାଲିବାନ ଏସବୁକୁ କବଜା କରିବା ପୂର୍ବରୁ ସୋମବାର ଆଫଗାନିସ୍ତାନ କ୍ରିକେଟ ବୋର୍ଡର ସିଇଓ ହମିଦ ଶିନଓ୍ୱାରି କହିଥିଲେ ଯେ ଆଗାମୀ ଦିନରେ କ୍ରିକେଟ ପ୍ରଭାବିତ ହେବ ନାହିଁ। ତାଲିବାନୀ ମଧ୍ୟ କ୍ରିକେଟକୁ ସମର୍ଥନ କରନ୍ତି। ଆଫଗାନିସ୍ତାନ କ୍ରିକେଟର ଏବଂ ତାଙ୍କ ପରିବାର ସୁରକ୍ଷିତ ରହିଛି। କେବଳ ରସିଦ ଖାନ୍ ଏବଂ ମୁଜିବ ଉର ରେହମାନ ଏକ ଟୁର୍ଣ୍ଣାମେଣ୍ଟ ପାଇଁ ଇଂଲଣ୍ଡରେ ଅଛନ୍ତି । ବାକି ସମସ୍ତ ଖେଳାଳି ସୁରକ୍ଷିତ ରହିଛନ୍ତି ବୋଲି ହମିଦ କହିଥିଲେ।

Hindukush Stars and Pamir Zalmiyan franchises inducted into the #Shpageeza Cricket League as, for the first time in its history, the League will have 8 teams instead of six. The ownership rights were sold today amid a ceremony held at ACB.

More: https://t.co/tQPZzxNqmq#SCL2021 pic.twitter.com/VizqhxJXdc

— Afghanistan Cricket Board (@ACBofficials) August 19, 2021

ଅନ୍ୟପଟେ ଆଫଗାନିସ୍ତାନ କ୍ରିକେଟ ବୋର୍ଡ (ଏସିବି) ଘରୋଇ ଟି-ଟ୍ୱେଣ୍ଟି ସିରିଜର ତାରିଖ ଘୋଷଣା କରିଛି। ସେପ୍ଟେମ୍ୱର ୧୦ରୁ ୨୫ ମଧ୍ୟରେ କ୍ରିକେଟ ଖେଳାଯିବ ବୋଲି ବୋର୍ଡ ଘୋଷଣା କରିଛି। ଏହି ମ୍ୟାଚ କାବୁଲ କ୍ରିକେଟ ଷ୍ଟାଡିୟମରେ ହେବ ବୋଲି ଘୋଷଣା ହୋଇଛି।

ଆୟୋଜିତ ହେବାକୁ ଥିବା ଘରୋଇ ଟି-ଟ୍ୱେଣ୍ଟି ମ୍ୟାଚରେ ଆଉ ଦୁଇଟି ଦଳ ସାମିଲ ହେବେ। ଏହାକୁ ମିଶାଇ ମୋଟ ଫ୍ରାଞ୍ଚାଇଜି ସଂଖ୍ୟା ଆଠକୁ ବୃଦ୍ଧି ପାଇଛି। ଏହା ଘରୋଇ ଲିଗର ଅଷ୍ଟମ ସଂସ୍କରଣ ବୋଲି ଟ୍ୱିଟ୍ କରି କହିଛି ଏସିବି। ସିଇଓ ହମିଦ ଏକ ବିବୃତ୍ତିରେ କହିଛନ୍ତି, ଏଥର ଏହି ସିରିଜ୍ ଦର୍ଶକ ଏବଂ ପ୍ରଶଂସକଙ୍କୁ ଏକ ନୂଆ ଅଭିଜ୍ଞତା ପ୍ରଦାନ କରିବ। ଏହା ଖେଳାଳିଙ୍କ ପାଇଁ ଆର୍ଥିକ ଦୃଷ୍ଟିରୁ ଲାଭଦାୟକ ହେବ।

The post ଆଫଗାନିସ୍ତାନ କ୍ରିକେଟ ବୋର୍ଡ ଅଫିସକୁ କବଜା କଲା ତାଲିବାନ appeared first on Odisha Reporter.

from Odisha Reporter https://ift.tt/3k6zLah