ଅବକାରୀ କର୍ମଚାରୀଙ୍କୁ ଦେଖି ନଦୀକୁ ଡେଇଁ ପଡ଼ିଲେ ଯୁବକ, ମିଳିଲା ମୃତଦେହ

ବାଲେଶ୍ୱର(ଓଡ଼ିଶା ରିପୋର୍ଟର): ଅବକାରୀ କର୍ମଚାରୀଙ୍କ ହାବୁଡ଼ରେ ପଡ଼ିଯିବା ଡରରେ ଗତକାଲି ନଦୀକୁ ଡେଇଁ ନିଖୋଜ ହୋଇଯାଇଥିବା ଯୁବକଙ୍କ ମୃତଦେହ ଆଜି ସକାଳୁ ଉଦ୍ଧାର ହେଲା। ମୃତ ଯୁବକଜଣକ ହେଲେ ସପନ ମାଝୀ । ତାଙ୍କ ଘର ବାଲେଶ୍ୱର ଜିଲ୍ଲା ଖନ୍ତାପଡ଼ା ଥାନା ଶ୍ରୀଜଙ୍ଗ ଗାଁରେ ।

ସୂଚନା ମୁତାବକ, ଗତକାଲି ସନ୍ଧ୍ୟାରେ ୪ ଜଣ ଦେଶୀ ମଦ ବ୍ୟବସାୟୀ ବାଇକ୍‌ରେ ମଦ ନେଇ ଯାଉଥିବା  ଅବକାରୀ ବିଭାଗ  ଖବର ପାଇଥିଲା। ଏହାପରେ ବିଭାଗୀୟ କର୍ମଚାରୀ ସେମାନଙ୍କ ପିଛା କରି  ୩ ଜଣଙ୍କୁ କାବୁ କରିଥିଲେ। ହେଲେ ସପନ ମାଝି ଗାଡ଼ି ରଖି ନିକଟରେ ଥିବା କଣ୍ଟିଆଚିରା ନଦୀକୁ ଡେଇଁ ପଡ଼ିଥିଲେ।

ଗତକାଲି ଦମକଳ ବାହିନୀ ଓ ଓଡ୍ରାଫ ଟିମ୍‌ ବହୁ ଖୋଜାଖୋଜି ପରେ ବି ନିଖୋଜ ଯୁବକର ପତ୍ତା ପାଇ ନ ଥିଲେ। ଆଜି ସକାଳେ ପୁଣି ଥରେ ଖୋଜାଖୋଜି ଆରମ୍ଭ ହେବା ପରେ ତାଙ୍କ ମୃତଦେହ ମିଳିଛି । ଘଟଣା ସମ୍ପର୍କରେ ଅବକାରୀ ବିଭାଗ ଅଧିକାରୀଙ୍କ ପ୍ରତିକ୍ରିୟା ମିଳିପାରିନି ।

The post ଅବକାରୀ କର୍ମଚାରୀଙ୍କୁ ଦେଖି ନଦୀକୁ ଡେଇଁ ପଡ଼ିଲେ ଯୁବକ, ମିଳିଲା ମୃତଦେହ appeared first on Odisha Reporter.

from Odisha Reporter https://ift.tt/3nQrBWS