ଏନ୍‌କାଉଣ୍ଟରରେ ଟଳିଲା ଆତଙ୍କବାଦୀ, ଦୋକାନୀଙ୍କୁ କରିବାକୁ ଯାଉଥିଲା ହତ୍ୟା

ଶ୍ରୀନଗର: ଜବାବି ଗୁଳିମାଡରେ ଟଳିଲା ଆତଙ୍କବାଦୀ। ଜମ୍ମୁ କଶ୍ମୀରର ବାରାମୁଲ୍ଲାରେ ଜଣେ ଦୋକାନୀଙ୍କୁ ମାରିବାକୁ ଯାଉଥିବା ବେଳେ ଜଣେ ଆତଙ୍କବାଦୀକୁ ଗୁଳି କରି ହତ୍ୟା କରିଛି ଭାରତୀୟ ସୁରକ୍ଷା ବାହିନୀ।

କୁହାଯାଉଛି ଯେ, ନିହତ ଆତଙ୍କବାଦୀ କିଛି ଦିନ ପୂର୍ବରୁ କାଶ୍ମୀରରେ ବିହାରର ଦୁଇ ସାଧାରଣ ନାଗରିକଙ୍କୁ ହତ୍ୟା କରିବା ମାମଲାରେ ସାମିଲ ଥିଳା। ଏହି ଆତଙ୍କବାଦୀ କେଉଁ ଆତଙ୍କବାଦୀ ସଂଗଠନର ତାହା ଏପର୍ଯ୍ୟନ୍ତ ଜଣା ପଡିନାହିଁ।

ନିହତ ଆତଙ୍କବାଦୀ ନିକଟରୁ ଗୋଟିଏ ବନ୍ଧୁକ, ଗୋଟିଏ ଲୋଡେଡ୍‌ ମ୍ୟାଗାଜିନ ଏବଂ ଗୋଟିଏ ପାକ୍‌ ଗ୍ରେନେଡ୍‌ ଜବତ ହୋଇଛି ବୋଲି କଶ୍ମୀର ଜୋନ୍‌ ପୁଲିସ ସୂଚନା ଦେଇଛି।

ଆଜି ସକାଳେ ବାରମୂଳା ଅନ୍ତର୍ଗତ ଚେରଦାରିରେ କେତେକ ଆତଙ୍କବାଦୀ ସେନାର ‘ଏରିଆ ଡୋମିନେସନ୍‌ ପାଟ୍ରୋଲ୍‌’ (ଏଡିପି) ଏବଂ ଜମ୍ମୁ ଓ କଶ୍ମୀର ପୁଲିସର ମିଳିତ ଟିମ୍‌ ଉପରକୁ ଗୁଳିମାଡ କରିଥିଲେ। ଏହାର ଜବାଜରେ ସୁରକ୍ଷାବାହିନୀ ମଧ୍ୟ ମୁହଁତୋଡ ଜବାବ ଦେଇଥିଲା।

ଏ ସଂକ୍ରାନ୍ତରେ ଟୁଇଟ୍‌ କରି କଶ୍ମୀର ଜୋନ୍‌ ପୁଲିସ ଲେଖିଛି, ‘ନିହତ ଆତଙ୍କବାଦୀ ଜଣକ ହାଇବ୍ରିଡ୍‌ ଟାଇପ୍‌ର  ଏବଂ ସେ ହେଉଛନ୍ତି କୁଲଗାମ୍‌ ଜିଲ୍ଲାର ଜାୱେଦ ଆହ୍‌ ଓ୍ଵାନି। ଓ୍ଵାନ୍‌ପୋରେ ଦୁଇଜଣ ବିହାରୀ ଶ୍ରମିକଙ୍କୁ ହତ୍ୟା କରିବାରେ ସେ ଗୁଲ୍‌ଜାର ନାମକ ଜଣେ ଆତଙ୍କବାଦୀଙ୍କୁ ସହଯୋଗ କରିଥିଲା। ଅକ୍ଟୋବର ୨୦ ତାରିଖ ଦିନ ଗୁଲ୍‌ଜାର୍‌ଙ୍କୁ ହତ୍ୟା କରାଯାଇଥିଲା। ଜଣେ ଦୋକାନୀଙ୍କୁ ହତ୍ୟା କରିବା ପାଇଁ ସେ ବାରମୂଳା ଯାଉଥିଲା।’

Killed terrorist is hybrid type, identified as Javed Ah Wani of Kulgam district and he has assisted terrorist Gulzar (who was killed on 20th Oct) in killing of 2 labourers from Bihar in Wanpoh. He was on mission to target one shopkeeper in Baramulla: IGP Kashmir Vijay Kumar pic.twitter.com/gvx7c26C2r

— ANI (@ANI) October 28, 2021

The post ଏନ୍‌କାଉଣ୍ଟରରେ ଟଳିଲା ଆତଙ୍କବାଦୀ, ଦୋକାନୀଙ୍କୁ କରିବାକୁ ଯାଉଥିଲା ହତ୍ୟା appeared first on Odisha Reporter.

from Odisha Reporter https://ift.tt/3nEI0w3