ବଢ଼ିବ ଜାଡ଼, ଘନ କୁହୁଡ଼ି ପାଇଁ ୯ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ

ଭୁବନେଶ୍ୱର (ଓଡ଼ିଶା ରିପୋର୍ଟର): ଆସନ୍ତା ତିନି ଦିନ ପର୍ଯ୍ୟନ୍ତ ରାଜ୍ୟରେ ଘନ କୁହୁଡ଼ି ହେବାର ସମ୍ଭାବନା ରହିଛି। ଘନ କୁହୁଡ଼ି ନେଇ ଆଜି ପାଇଁ ୯ଟି ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ ଜାରି କରାଯାଇଛି।  ସେହି ଜିଲ୍ଲା  ଗୁଡ଼ିକ ହେଲା ସୁନ୍ଦରଗଡ଼, କେନ୍ଦୁଝର, ଅନୁଗୋଳ, ଢେଙ୍କାନାଳ, ବୌଦ୍ଧ, ବଲାଙ୍ଗିର, କନ୍ଧମାଳ,କଳାହାଣ୍ଡି  ଓ ନବରଙ୍ଗପୁର। ଏନେଇ  ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଜାରି କରାଯାଇଛି।

ପାଣିପାଗର ସୂଚନା ଅନୁସାରେ, ଆସନ୍ତାକାଲି ପାଇଁ ୯ଟି ଜିଲ୍ଲା ଓ  ଗୁରୁବାର ପାଇଁ ୧୩ଟି ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ ଜାରି କରାଯାଇଛି। ରାଜ୍ୟରେ ୫ ଦିନ ପର୍ଯ୍ୟନ୍ତ ଶୁଖିଲା ପାଗ ରହିବ। ଏହାସହ ସର୍ବନିମ୍ନ ତାପମାତ୍ରା ୨ରୁ ୩ ଡିଗ୍ରୀ ପର୍ଯ୍ୟନ୍ତ ଖସିପାରେ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର।

ଆଗାମୀ #୨୪ଘଣ୍ଟାରେ #ଘନକୁହୁଡିର ସମ୍ଭାବନା ଥିବାରୁ #୯ଜିଲ୍ଲାକୁ ହଳଦିଆ ଚେତାବନୀ#ସୁନ୍ଦରଗଡ, #କେନ୍ଦୁଝର, #ଅନୁଗୁଳ, #ଢେଙ୍କାନାଳ, #ବୌଦ୍ଧ, #ବଲାଙ୍ଗୀର, #କନ୍ଧମାଳ, #କଳାହାଣ୍ଡି , #ନବରଙ୍ଗପୁର

ଦୃଶ୍ୟମାନ ଦୂରତା #୨୦୦ମିଟର ରୁ କମ ରହିବାର ସମ୍ଭାବନା ଥିବାରୁ ମଧ୍ୟରାତ୍ର ରୁ ସକାଳ ଯାଏଁ ଯାତାୟାତ ର ସମସ୍ୟା ଉପୁଜିବାର ସମ୍ଭାବନା pic.twitter.com/g0GK8oTR7X

— Meteorological Centre, Bhubaneswar (@mcbbsr) January 17, 2022

ଆଜି ରାଜ୍ୟର ବିଭିନ୍ନ ସ୍ଥାନରେ ଘନ କୁହୁଡ଼ି ଅନୁଭୂତ ହୋଇଛି। ଟ୍ୱିନ ସିଟି କଟକ ଓ ଭୁବନେଶ୍ୱରରେ କୁହୁଡ଼ି ଯୋଗୁ ଦୃଶ୍ୟମାନ ଦୂରତା ସର୍ବନିମ୍ନ ସ୍ତରକୁ ଖସି ଆସିଛି। କଟକର ସିଡିଏ, ବେଲଭ୍ୟୁ ଛକ, ତ୍ରିଶୁଳିଆ ଓ ବାରଙ୍ଗ ଅଞ୍ଚଳରେ ଘନ କୁହୁଡ଼ି ଦେଖିବାକୁ ମିଳିଛି। ଦୃଶ୍ୟମାନ ଦୂରତା ୨୦୦ ମିଟରରୁ କମ୍ ରହିଥିବାରୁ ଯାତାୟାତରେ ସମସ୍ୟା ଉପୁଜିଛି।

 

The post ବଢ଼ିବ ଜାଡ଼, ଘନ କୁହୁଡ଼ି ପାଇଁ ୯ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ appeared first on Odisha Reporter.

from Odisha Reporter https://ift.tt/3IfqvuY