ASI ସତ୍ୟପାଠ ପରେ ଅପରାଜିତାଙ୍କ ଟାର୍ଗେଟ- ନିର୍ମାଣ ବେଆଇନ ଘୋଷଣା ହେଲେ କିଏ ହେବ ଦାୟୀ?

ଭୁବନେଶ୍ୱର(ଓଡ଼ିଶା ରିପୋର୍ଟର): ଶ୍ରୀମନ୍ଦିର ପରିକ୍ରମା ପ୍ରକଳ୍ପ ନେଇ ହାଇକୋର୍ଟରେ ASIର ସତ୍ୟପାଠ  ପରେ ରାଜ୍ୟ ସରକାରଙ୍କୁ ଟାର୍ଗେଟ୍ କରିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ । ଯଦି ଆସନ୍ତାକାଲି ନିର୍ମାଣ ବେଆଇନ ଘୋଷଣା ହୁଏ, ତେବେ ଏଥିପାଇଁ କିଏ ଦାୟୀ କିଏ ରହିବ ବୋଲି ଅପରାଜିତା ପ୍ରଶ୍ନ କରିଛନ୍ତି ।

ASI ରିପୋର୍ଟରେ ଐତିହାସିକ କୀର୍ତ୍ତିରାଜିର ଅପୂରଣୀୟ କ୍ଷତି ହୋଇଥିବା ଦର୍ଶାଯାଇଛି । ଖନନ ଯୋଗୁଁ କୀର୍ତ୍ତିରାଜି ଉପରେ ପ୍ରଭାବ ପଡିବ କି ନାହିଁ ସେ ନେଇ ଅନୁଧ୍ୟାନ ହୋଇନାହିଁ । ଭୂତଳସ୍ତରୀୟ ଅନୁଧ୍ୟାନ ହୋଇନି ବୋଲି ମଧ୍ୟ ଉଲ୍ଲେଖ ରହିଛି । ଏଥିସହ ଖନନ ପାଇଁ ଆବଶ୍ୟକ ଅନୁମତି ନିଆଯାଇ ନ ଥିବା ASI ରିପୋର୍ଟରେ ଦର୍ଶାଯାଇଛି  ।

ଏଭଳି ପରିସ୍ଥିତିରେ ମହାପ୍ରଭୁ ଜଗନ୍ନାଥ ନିଜେ ନିଜକୁ ଓ ଶ୍ରୀମନ୍ଦିରକୁ ରକ୍ଷା କରିବାକୁ ଚେଷ୍ଟା କରୁଛନ୍ତି  । ଏକ ନିର୍ବାଚିତ ସରକାରଙ୍କ ବେଆଇନ କାର୍ଯ୍ୟରୁ ରକ୍ଷା ପାଇବାକୁ ଚେଷ୍ଟିତ ବୋଲି ଅପରାଜିତା ଟ୍ୱିଟ୍ କରିଛନ୍ତି ।

ଏଥିସହ ସେ ଟ୍ୱିଟ କରିଛନ୍ତି, ଏକ ନିର୍ବାଚିତ ସରକାରଙ୍କ ବେଆଇନ କାର୍ଯ୍ୟରୁ ରକ୍ଷା ପାଇବାକୁ ମହାପ୍ରଭୁ ଚେଷ୍ଟିତ ଅଛନ୍ତି। ଐତିହାସିକ କୀର୍ତ୍ତିରାଜିର ଅପୂରଣୀୟ କ୍ଷତି ASI ରିପୋର୍ଟରେ ରହିଛି । କୀର୍ତ୍ତିରାଜି ଉପରେ ଏହାର ପ୍ରଭାବ ପଡ଼ିବ ନ ନାହିଁ ଅନୁଧ୍ୟାନ ହୋଇନି ବୋଲି ଦର୍ଶାଯାଇଛି । ବଡ଼ ବଡ଼ ଗାତ ଖୋଳି ଚାଲିଥିବା ନିର୍ମାଣ କାର୍ଯ୍ୟ ନିମନ୍ତେ କୌଣସି ଅନୁମତି ପ୍ରଦାନ କରାଯାଇ ନାହିଁ ।

ଏହି ନିର୍ମାଣ କାର୍ଯ୍ୟ ନିମନ୍ତେ ସାଧାରଣ ଲୋକଙ୍କ ବିପୁଳ ଅର୍ଥ ଖର୍ଚ୍ଚ କରାଯାଇଛି । ଏହି ଅର୍ଥରେ ନିର୍ମାଣ ୧୦୦ ମିଟର ନିଷିଦ୍ଧାଞ୍ଚଳ ବାହାରେ କରାଯାଇ ପାରିଥାନ୍ତା । ଯଦି କାଲି ନିର୍ମାଣ ବେଆଇନ ଘୋଷଣା ହୁଏ, ଦାୟୀ କିଏ ରହିବ ବୋଲି ପ୍ରଶ୍ନ କରିଛନ୍ତି ଭୁବନେଶ୍ୱର ସାଂସଦ ।

ଏନେଇ ରାଜ୍ୟ ସରକାରଙ୍କ ପ୍ରତିକ୍ରିୟା ମିଳିପାରିନାହିଁ । ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପାଇଁ  ଏଏସ୍ଆଇ କି ଏନଏମଏର ଅନୁମତି ନିଆଯାଇ ନ ଥିବା ଗତକାଲି ହାଇକୋର୍ଟରେ ସତ୍ୟପାଠ ଦାଖଲ କରିଥିଲା ଏଏସଆଇ ।

ସୂଚନାଯୋଗ୍ୟ, ଗତକାଲି ହାଇକୋର୍ଟରେ ଶ୍ରୀମନ୍ଦିରଠୁ ୧୦୦ ମିଟର ପରିଧୀ ମଧ୍ୟରେ ହେଉଥିବା ଖନନ ନେଇ ଶୁଣାଣି ଚାଲିଥିବା ବେଳେ ଏଏସଆଇର ସତ୍ୟପାଠ ଓ ଯୁକ୍ତିରେ ତାଳମେଳ ନରହିବାରୁ ବିରକ୍ତି ପ୍ରକାଶ କରିଥିଲେ କୋର୍ଟ  । ଏହି ପରିକ୍ରମା ପ୍ରକଳ୍ପ ପାଇଁ ଯଦି ଏଏସଆଇ ଡିଜି ସବୁଜ ସଙ୍କେତ ଦେଇଛନ୍ତି ଓ ଏନଏମଏ ଅନାପତ୍ତି ପ୍ରମାଣପତ୍ର ଦେଇଛନ୍ତି ତା’ହେଲେ ସମସ୍ୟା କେଉଁଠି ବୋଲି କୋର୍ଟ ପ୍ରଶ୍ନ କରିବାକୁ ପଛାଇ ନାହାନ୍ତି । ଆଶ୍ଚର୍ଯ୍ୟଜନକ ଭାବେ ମିଳିତ ଅନୁଧ୍ୟାନ କରିବା ପରେ ଏଏସଆଇ ହାଇକୋର୍ଟରେ ଯେଉଁ ସତ୍ୟପାଠ ଦାଖଲ କରିଛି ସେଥିରେ ନିଷେଧାଂଚଳ ଭିତରେ ଶୌଚାଳୟ, ଡ୍ରେନ ଓ ଇଲେକ୍ଟ୍ରିକ କାର୍ଯ୍ୟ ନିମନ୍ତେ କୌଣସି ଅନୁମତିର ଆବଶ୍ୟକ ନଥିବା କହିବାକୁ ପଛାଇ ନାହିଁ । ତେବେ ପ୍ରଶ୍ନ ଉଠୁଛି, ଯଦି ନିଷେଧାଂଚଳ ପରିସରରେ ନିର୍ମାଣକୁ ନେଇ ଏଏସଆଇର କୌଣସି ଆପତ୍ତି ନାହିଁ ତା’ହେଲେ ଏତେ ହୋ-ହାଲ୍ଲା ଓ ଶ୍ରଦ୍ଧାଳୁଙ୍କ ମନରେ ସନ୍ଦେହ କିଏ ସୃଷ୍ଟି କରାଉଛି।

ଗତକାଲି ହୋଇଥିବା ଶୁଣାଣି ବେଳେ ଏଏସଆଇ ଦ୍ୱାରା ବଳିଷ୍ଠ ଯୁକ୍ତି ଉପସ୍ଥାପନ କରାନଯାଇ କେବଳ ‘ଅନୁମତି ନନେଇ ରାଜ୍ୟ ସରକାର ନିର୍ମାଣ କରୁଛନ୍ତି’ ବୋଲି କହିବା ଯୁକ୍ତିକୁ କୋର୍ଟ ଗ୍ରହଣ କରିନଥିଲେ ।  କୋର୍ଟ ତାଙ୍କ ରାୟରେ ଜୁନ୍ ୨୦ ତାରିଖ ସୁଦ୍ଧା ରାଜ୍ୟ ସରକାରଙ୍କୁ ଏଏସଆଇର ସତ୍ୟପାଠ ଉପରେ ନିଜର ମତାମତ ସତ୍ୟପାଠ ଆକାରରେ ରଖିବା ପାଇଁ ନିର୍ଦ୍ଦେଶ ଦେବା ସହ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ନିର୍ମାଣ ଯୋଗୁ ଦ୍ୱାଦଶ ଶତାବ୍ଦୀର ମନ୍ଦିର ଉପରେ କ’ଣ ପ୍ରଭାବ ପଡ଼ିବ ତା’ର ବିସ୍ତୃତ ଆକଳନ କରି ରିପୋର୍ଟ ଦାଖଲ କରିବା ନିମନ୍ତେ ଏଏସଆଇକୁ ନିର୍ଦ୍ଦେଶ ଦେଇଛନ୍ତି।

ଶ୍ରୀମନ୍ଦିର ଚାରିପଟେ ବିଶାଳ ଖନନ ଓ ନିର୍ମାଣ କାର୍ଯ୍ୟକୁ ନେଇ ଆଜି ପର୍ଯ୍ୟନ୍ତ ଯେଉଁ ରାଜନୀତିକ ହୋ-ହାଲ୍ଲା ଚାଲିଥିଲା ସେଥିରେ ରାଜ୍ୟ ସରକାରଙ୍କୁ ସୁହାଇବା ଭଳି କାମ ଏଏସଆଇ କରିଥିବା ସାଧାରଣରେ ଚର୍ଚ୍ଚା ହେଉଛି ।

So much of public money is being spent on forcibly creating infrastructure which could easily be created beyond 100 metres. If the structures are declared illegal tomorrow who will be responsible for wastage of hundreds of crore of rupees which is the hard earned money of Odias?

— Aparajita Sarangi, Member of Parliament (@AprajitaSarangi) May 9, 2022

After filing of ASI’s affidavit before the Hon’ble High Court today, I am convinced that Lord Jagannath is trying to save Himself and His temple from an elected State Government which is hell bent upon brazenly defying the law.

— Aparajita Sarangi, Member of Parliament (@AprajitaSarangi) May 9, 2022

The post ASI ସତ୍ୟପାଠ ପରେ ଅପରାଜିତାଙ୍କ ଟାର୍ଗେଟ- ନିର୍ମାଣ ବେଆଇନ ଘୋଷଣା ହେଲେ କିଏ ହେବ ଦାୟୀ? appeared first on Odisha Reporter.

from Odisha Reporter https://ift.tt/iGTP6Jl