ମୋବାଇଲ୍ ଚୋରି ଉଦ୍ୟମ ପଡ଼ିଲା ମହଙ୍ଗା: ଚଳନ୍ତା ଟ୍ରେନ୍‌ ଝରକାରେ ଫସିଗଲେ, ଦେଖନ୍ତୁ ଭିଡିଓ

ପାଟନା: ଟ୍ରେନ ଯାତ୍ରୀଙ୍କ ଠାକୁ ମୋବାଇଲ ଝାମ୍ପିବା ଜଣେ ଯୁବକଙ୍କୁ ମହଙ୍ଗା ପଡ଼ିଛି। ସେ ଟ୍ରେନର ଝରକା ପଟେ ମୋବାଇଲ ନେବାକୁ ଚେଷ୍ଟା କରୁଥିବା ବେଳେ ଭୟଙ୍କର ପରିସ୍ଥିତିର ସମ୍ମୁଖୀନ ହୋଇଛନ୍ତି। ମୋବାଇଲ ତ ମିଳିଲାନି। ବରଂ ସେ ଟ୍ରେନର ବାହାର ପଟେ ଝରକା ଓହଳି ରହି ଦୀର୍ଘ ୧୦ କିମି ବାଟ ଅତ୍ୟନ୍ତ ବିପଦପୂର୍ଣ୍ଣ ଭାବେ ଅତିକ୍ରମ କରିଛନ୍ତି।

ଚୋରି କରିବାକୁ ଆସିଥିବା ଯୁବକଙ୍କ ଦୁଇ ହାତକୁ ଯାତ୍ରୀମାନେ ଝରକା ପଟେ ଭିଡ଼ି ଧରି ତାଙ୍କୁ ଉଚିତ ଶିକ୍ଷା ଦେଇଛନ୍ତି। ଝରକା ପଟେ ଝୁଲି ରହିଥିବା ଅବସ୍ଥାରେ ଚୋର ଜଣଙ୍କ ବାରମ୍ବାର କ୍ଷମା ମାଗିଥିଲେ ମଧ୍ୟ ହାତକୁ ଭିଡ଼ି ଧରିଥିବା ଦୁଇ ଜଣ ଯାତ୍ରୀ କିଛି ବି ଶୁଣି ନଥିଲେ। ଏହି ଘଟଣାଟି ସେପ୍ଟେମ୍ବର ୧୪ରେ ବିହାରରେ ଘଟିଥିଲା। ଏବେ ଏହାର ଭିଡିଓ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି।

ମିଳିଥିବା ସୂଚନା ଅନୁଯାୟୀ, ଟ୍ରେନଟି ବେଗୁସରାଇରୁ ଖଗରିଆ ଯାଉଥିଲା। ଏଥିରେ ବସିଥିବା ଜଣେ ବ୍ୟକ୍ତିଙ୍କ ଠାରୁ ଯୁବକ ଜଣଙ୍କ ସାହେବପୁର କମଲ ଷ୍ଟେସନରେ ମୋବାଇଲ ଛଡ଼ାଇବାକୁ ଝରକା ପଟେ ଚେଷ୍ଟା କରିଥିଲେ। ତେବେ ସେ ମୋବାଇଲ ଝାମ୍ପିବା ବେଳେ ସତର୍କ ଥିବା ଯାତ୍ରୀ ଜଣଙ୍କ ତାଙ୍କ ହାତକୁ ଧରି ପକାଇଥିଲେ।

ଟ୍ରେନ ଛାଡ଼ିବା ଆରମ୍ଭ କରିବାରୁ ଯୁବକ ଜଣଙ୍କ ଛାଡ଼ି ଦେବାକୁ ନେହୁରା ହୋଇଥିଲେ। କିନ୍ତୁ ଯାତ୍ରୀ ଜଣଙ୍କ କିଛି ବି ଶୁଣି ନଥିଲେ। ଟ୍ରେନର ଗତି ବଢ଼ିବାରୁ ଯୁବକ ଜଣଙ୍କ ଆଉ ଗୋଟିଏ ହାତରେ ଝରକାରେ ଲାଗିଥିବା ଲୁହା ରଡ୍‌କୁ ଧରିଥିଲେ। ଏତିକି ବେଳେ ଆଉ ଜଣେ ଯାତ୍ରୀ ତାଙ୍କର ଆଉ ଗୋଟିଏ ହାତକୁ ଧରି ରଖିଥିଲେ। ଏପରି ଝୁଲନ୍ତା ଅବସ୍ଥାରେ ଯୁବକ ଜଣଙ୍କ ପ୍ରାୟ ୧୦ କିମି ରାସ୍ତା ଅତିକ୍ରମ କରିଥିଲେ। ଯାତ୍ରା ସମୟରେ ଚୋର ଜଣଙ୍କ ତାଙ୍କୁ ନ ଛାଡ଼ିବା ପାଇଁ ମଧ୍ୟ ବାରମ୍ବାର ଅନୁରୋଧ କରୁଥିବା ସାମ୍ନାକୁ ଆସିଥିବା ଭିଡିଓରୁ ଶୁଶିବାକୁ ମିଳୁଛି।

Though #unverified yet chilling. A mobile snatcher caught in a moving train when his failed attempt probably led to his worst day of life. The thief was hung by a window in a moving train from Begusarai to Khagaria. The passengers handed him over to GRP. IS this act justified? pic.twitter.com/o3ja5qWggi

— Kumar Saurabh Singh Rathore (@JournoKSSR) September 15, 2022

ତେବେ ଟ୍ରେନଟି ଖାଗାରିଆ ଷ୍ଟେସନର ନିକଟବର୍ତ୍ତୀ ହେବାରୁ ଏହାର ଗତି କମିଥିଲା। ଏହି ସମୟରେ ଦୁଇ ଜଣ ଯାତ୍ରୀ ଯୁବକଙ୍କ ହାତ ଛାଡ଼ି ଦେଇଥିଲେ। ସେ ତୁରନ୍ତ ସେଠାରୁ ଜୀବନ ବିକଳରେ ଦୌଡ଼ି ପଳାଇଥିଲେ। ପୁଲିସ୍‌ ତାଙ୍କୁ ପରବର୍ତ୍ତୀ ଅବସ୍ଥାରେ ଧରିଛି କି ନାହିଁ, ସେକଥା ସ୍ପଷ୍ଟ ହୋଇନି।

The post ମୋବାଇଲ୍ ଚୋରି ଉଦ୍ୟମ ପଡ଼ିଲା ମହଙ୍ଗା: ଚଳନ୍ତା ଟ୍ରେନ୍‌ ଝରକାରେ ଫସିଗଲେ, ଦେଖନ୍ତୁ ଭିଡିଓ appeared first on Odisha Reporter.

from Odisha Reporter https://ift.tt/G6KNyDJ