ସମ୍ବଲପୁର( ସଞ୍ଜୟ ଜେନା): ମାତ୍ର ୪ ମାସ ତଳେ ହାଇସ୍କୁଲର ପ୍ରଧାନଶିକ୍ଷକ ପକ୍ଷରୁ ଅବସର ଗ୍ରହଣ କରିଥିଲେ। ପାରିବାରିକ ଜୀବନରେ ସୁଖଶାନ୍ତି ସହ ଚଳିବା ବି ସ୍ୱଚ୍ଛଳ ଥିଲା । ହେଲେ ହଠାତ୍ ଘଟିଗଲା ଅଘଟଣ । ଆଜି ସକାଳୁ ସକାଳୁ ରେଳ ଧାରଣାରୁ ମିଳିଲା ଅବସରପ୍ରାପ୍ତ ପ୍ରଧାନଶିକ୍ଷକଙ୍କ ମୃତଦେହ । ଏପରି ଚାଞ୍ଚଲ୍ୟକର ଘଟଣା ସମ୍ବଲପୁର ଜିଲ୍ଲା ସିଟି ଷ୍ଟେସନ ନିକଟରେ ଘଟିଛି । ମୃତ ଶିକ୍ଷକଜଣକ ହେଉଛନ୍ତି ଟାମ୍ପରକେଲା ହାଇସ୍କୁଲର ଅବସରପ୍ରାପ୍ତ ପ୍ରଧାନଶିକ୍ଷକ ।
କ୍ଷୀରୋଦ ନାଥ ଗତ ଜୁନ୍ ମାସରେ ନିଜ ଚାକିରିରୁ ଅବସର ନେଇଥିଲେ। ଆଜି ସକାଳେ ଏକ ସାଇକେଲ ଯୋଗେ ସିଟି ଷ୍ଟେସନ ନିକଟରେ ପହଞ୍ଚିଥିଲେ। ସେଠାରେ ସେ ସାଇକେଲ ଥୋଇଥିବା ବେଳେ ଅପରପାର୍ଶ୍ୱକୁ ଯାଇ ଚପଲ ଓ ଏକ ସୁଇସାଇଡ ନୋଟ ରଖିଥିଲେ। ଏହାପରେ ସେ ଦ୍ରୁତ ଗତିରେ ଆସୁଥିବା ଟ୍ରେନ୍ ଆଗକୁ ଡେଇଁ ପଡ଼ିଥିଲେ।
ଖବର ପାଇ ପୁଲିସ୍ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଏକ ସୁଇସାଇଡ ନୋଟ ଜବତ କରିଛି। ଉକ୍ତ ସୁଇସାଇଡ ନୋଟରେ ଟାମ୍ପରକେଲା ହାଇସ୍କୁଲର ୪ କର୍ମଚାରୀଙ୍କ ନାଁ ଲେଖାଅଛି। ଏପରିକି ମୋ’ ଆତ୍ମହତ୍ୟା ପାଇଁ ଏହି ୪ ଜଣ ଦାୟୀ ବୋଲି ଉଲ୍ଲେଖ କରିଛନ୍ତି କ୍ଷୀରୋଦ ନାଥ । ଉକ୍ତ ୪ କର୍ମଚାରୀ ହେଲେ ଟାମ୍ପରକେଲା ହାଇସ୍କୁଲର ସୁବଳ ବାରିକ, ମୁରାରୀ ପ୍ରସାଦ ପଟେଲ, ଜଗଦୀଶ ସାହୁ ଓ ସଞ୍ଜୀବ ପଟେଲ ।
କ୍ଷୀରୋଦ ନାଥଙ୍କ ସୁଇସାଇଡ ନୋଟରେ ଉଲ୍ଲେଖ ଅଛି, ମୋ’ ମୃତ୍ୟୁ ପାଇଁ ହାଇସ୍କୁଲର ସୁବଳ ବାରିକ, ମୁରାରୀ ପ୍ରସାଦ ପଟେଲ, ଜଗଦୀଶ ସାହୁ ଓ ସଞ୍ଜୀବ ପଟେଲ ଦାୟୀ ଅଟନ୍ତି । ସେମାନେ ସଂଘବଦ୍ଧ ଭାବେ ଯୋଜନା କରି ମୋତେ ଫସାଇବାକୁ ଚେଷ୍ଟା କରୁଥିଲେ। ମୁଁ ଏହି ଖଳନାୟକମାନଙ୍କର ଶିକାର ହେଲି । ସୁବଳ ବାରିକ ଓ ଜଗଦିଶ ସାହୁ ଏହି ଷଡଯନ୍ତ୍ରୀର ମୁଖ୍ୟ ନାୟକ । ମୋ’ ସରଳତାର ସୁଯୋଗ ନେଇ ଅନେକ ସମୟରେ ସେମାନେ ମୋତେ ଅପଦସ୍ତ କରିଛନ୍ତି। ତେଣଉ ଏହି ଭଦ୍ରମୁଖାଧାରୀଙ୍କୁ ଉଚିତ ଶାସ୍ତି ମିଳୁ । ମୋର ପରିବାର ପ୍ରତି ଉଚିତ ନ୍ୟାୟ ବିଚାର କରାଯାଉ।
ଏହି ଘଟଣା ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି କରିଛି। କ୍ଷୀରୋଦ ନାଥ ସ୍ଥାନୀୟ ଅଞ୍ଚଳର ଜଣେ ବୁଦ୍ଧୀଜୀବୀ ହୋଇଥିବା ବେଳେ ତାଙ୍କୁ ଉକ୍ତ ୪ ଜଣ କାହିଁକି ଓ କିପରି ଫସାଉଥିଲେ, ଏହାର ପଛରେ କାହା ସ୍ୱାର୍ଥ ଅଛି ତାହାର ତଦନ୍ତ ଆରମ୍ଭ ହୋଇଛି। ଏନେଇ କ୍ଷୀରୋଦ ନାଥଙ୍କ ପରିବାର ସଦସ୍ୟଙ୍କ ମତାମତ ମିଳିପାରିନି।
The post ଟ୍ରେନ୍ ଆଗକୁ ଡେଇଁଲେ ଅବସରପ୍ରାପ୍ତ ପ୍ରଧାନଶିକ୍ଷକ, ଲେଖିଦେଲେ- ମୋ’ ମୃତ୍ୟୁ ପାଇଁ ୪ ଜଣ ଦାୟୀ appeared first on Odisha Reporter.
from Odisha Reporter https://ift.tt/sN3W6KZ
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment