ବସିବ କଂଗ୍ରେସ ବିଧାୟକ ଦଳ ବୈଠକ, ନିରଞ୍ଜନ କହିଲେ ଅଗଷ୍ଟ ୧୫ରୁ ଆରମ୍ଭ ହେବ ଅଭିଯାନ

ଭୁବନେଶ୍ୱର(ଓଡ଼ିଶା ରିପୋର୍ଟର): କଂଗ୍ରେସର ପ୍ରାକ୍‌ ନିର୍ବାଚନ ପ୍ରସ୍ତୁତି । ଆଗାମୀ ନିର୍ବାଚନକୁ  ନେଇ ଷ୍ଟ୍ରାଟେଜି ପ୍ରସ୍ତୁତ କରିବ ଦଳ। ଏନେଇ ଆଜି ବସୁଛି କଂଗ୍ରେସ ବିଧାୟକ ଦଳ ବୈଠକ ।

ବିରୋଧୀ ଦଳ ନେତା  ନରସିଂହ ମିଶ୍ରଙ୍କ ବାସଭବନରେ ଏହି ବୈଠକ ବସିବ। ରାଜ୍ୟ  ସରକାରଙ୍କ ବିଫଳତାକୁ ଲୋକଲୋଚନକୁ ଆଣିବା ପାଇଁ ପ୍ରସ୍ତୁତ  ହେବ ଗେମ୍ ପ୍ଲାନ୍ । ଲୋକଙ୍କୁ ଏନେଇ ଅବଗତ କରିବ କଂଗ୍ରେସ ।

ଏହାସହ ୨୦୧୯ ନିର୍ବାଚନ ପୂର୍ବରୁ ଆଜି ଏନେଇ ଅଙ୍କ କଷିବ ଦଳ।  କିପରି ତୃଣମୂଳ ସ୍ତରରେ ଲୋକଙ୍କ ପାଖକୁ ପହଞ୍ଚି ହେବ ସେ ନେଇ  ଆଲୋଚନା ହେବ ।

ବିଧାୟକ ଦଳ ବୈଠକ ପୂର୍ବରୁ ପ୍ରତିକ୍ରିୟା ରଖିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ। ଆଗୁଆ  ନିର୍ବାଚନ ନେଇ କେନ୍ଦ୍ର ଏବଂ ରାଜ୍ୟ ସରକାର ସଜବାଜ  ହେଉଥିବା ବେଳେ କଂଗ୍ରେସ ବି ଏନେଇ ଅଣ୍ଟା ଭିଡ଼ିଛି। ତେବେ ଅଗଷ୍ଟ  ୧୫ ପରେ କଂଗ୍ରେସ କାର୍ଯ୍ୟକ୍ରମ ଆରମ୍ଭ କରିବ ବୋଲି ସେ  କହିଛନ୍ତି।

ଏହି ବୈଠକ ହଠାତ୍ ନୁହେଁ, ପୂର୍ବ ନିର୍ଦ୍ଧାରିତ ଥିଲା ବୋଲି କହିଛନ୍ତି ନିରଞ୍ଜନ।

from OdishaReporter https://ift.tt/2LUL3vR