ଆସିକା(ଓଡିଶା ରିପୋର୍ଟର): ୨ ଦିନଧରି ଲାଗାଣ ବର୍ଷା ଯୋଗୁ ଦକ୍ଷିଣ ଓଡ଼ିଶାର ପ୍ରଭୂତ କ୍ଷତି ଘଟିଛି। ବନ୍ୟାଜଳ ଯୋଗୁ ଆସିକା ଓ କବିସୂର୍ଯ୍ୟନଗର ଅଞ୍ଚଳରେ ଅନେକ ଚାଷଜମି ଜଳାର୍ଣ୍ଣବ ହୋଇପଡ଼ିଛି। ଗାଁ-ଗାଁକୁ ଯୋଗାଯୋଗ ବିଚ୍ଛିନ୍ନ ହୋଇଛି। ଖାଲି ଚାଷଜମି ନୁହେଁ କବିସୂର୍ଯ୍ୟନଗର ବୁଡାମ୍ବା ବାଘୁଆ ପୋଲ ବି ବୁଡ଼ି ଯାଇଛି ବନ୍ୟାଜଳରେ। ଆସିକା ପଞ୍ଚାୟତ ମଧ୍ୟ ପ୍ରଭାବିତ ହୋଇଛି। ପଞ୍ଚାୟତର ଗୌଡଗୋଠ ନିକଟରେ ଘାଇ ସୃଷ୍ଟି ହୋଇଛି। ଉଭୟ ପାର୍ଶ୍ୱରେ ଥିବା ହଜାର ହଜାର ହେକ୍ଟର ଚାଷଜମିରେ ପାଣି ମାଡ଼ି ଯାଇଛି। ନିକଟରେ ଧାନ ତଳି ରୁଆ ଯାଇଥିବାରୁ ଏଗୁଡିକ ନଷ୍ଟ ହେବା ନେଇ ଚାଷୀ ଏବେ ଚିନ୍ତାରେ।
ଖାଲି ଧାନ ନୁହେଁ ଏଠାରେ ଆଳୁଚାଷ ମଧ୍ୟ ପ୍ରଭାବିତ ହୋଇଛି। ଫଳରେ ଚାଷୀଙ୍କୁ କ୍ଷତିପୂରଣ ଦେବାକୁ ଅଞ୍ଚଳବାସୀ ଦାବି କରିଛନ୍ତି।
ସୂଚନାଯୋଗ୍ୟ, ଗୌଡଗୋଠ ଗ୍ରାମରେ ଅତି ଉଚ୍ଚ ଚେକ୍ଡ୍ୟାମ୍ ନିର୍ମାଣ ଯୋଗୁ ବନ୍ୟାଜଳ ନିଷ୍କାସନରେ ସମସ୍ୟା ସୃଷ୍ଟି ହୋଇ ଚଳିତ ବର୍ଷ ଏଭଳି ପରିସ୍ଥତି ସୃଷ୍ଟି ହୋଇଛି ବୋଲି ଅଭିଯୋଗ କରିଛନ୍ତି ଗ୍ରାମବାସୀ।
from OdishaReporter https://ift.tt/2Li3cqF
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment