‘ଗୁରୁଙ୍କ ସ୍ଥାନ ଗୁଗୁଲ୍ କେବେ ନେଇପାରିବ ନାହିଁ’

ଭୁବନେଶ୍ୱର (ଓଡ଼ିଶା ରିପୋର୍ଟର): ଡାକ୍ତରୀ ବିଦ୍ୟା ହେଉଛି ମହାନ ପେସା। ଏହି ପେସା ମିଶନ ହେଉ, କମିଶନ ନ ହେଉ। ଭୁବନେଶ୍ୱର ଏମ୍‌ସର ପ୍ରଥମ ସମାବର୍ତ୍ତନ ଉତ୍ସବରେ ଯୋଗଦେଇ ଏହା କହିଛନ୍ତି ଉପରାଷ୍ଟ୍ରପତି ଏମ୍. ଭେଙ୍କେୟା ନାଇଡୁ।

ସେ କହିଛନ୍ତି- “ଭାରତର ଆତ୍ମା ଗାଁରେ ରହିଛି। ତେଣୁ ଗ୍ରାମାଞ୍ଚଳରେ ସ୍ୱାସ୍ଥ୍ୟସେବାକୁ ଗୁରୁତ୍ୱ ମିଳିବା ଦରକାର। ଡାକ୍ତରମାନଙ୍କୁ ଗ୍ରାମାଞ୍ଚଳରେ ସେବା କରିବାକୁ ପଡ଼ିବ।”

ଉପରାଷ୍ଟ୍ରପତି ଆହୁରି କହିଛନ୍ତି- “ମାଆ ମାଟି ଓ ମାତୃଭାଷାକୁ କେବେ ଭୁଲନ୍ତୁ ନାହିଁ। ଆମ ଜୀବନରେ ଗୁରୁଙ୍କ ଅତୁଳନୀୟ ଅବଦାନ ରହିଛି। ଗୁରୁଙ୍କ ସ୍ଥାନ ଗୁଗୁଲ୍ ନେଇ ପାରିବ ନାହିଁ।”

ସମାବର୍ତ୍ତନ ଉତ୍ସବରେ ଉପରାଷ୍ଟ୍ରପତି କୃତୀ ଛାତ୍ରଛାତ୍ରୀଙ୍କୁ ସ୍ୱର୍ଣ୍ଣ ପଦକ ଓ ଡିଗ୍ରୀ ପ୍ରଦାନ କରିଛନ୍ତି।

ଏହି ଅବସରରେ ଏମ୍‌ସ ପରିସରରେ ନାଇଟ୍ ସେଲ୍ଟର୍, ବର୍ଣ୍ଣ ୟୁନିଟ୍‌ ଓ ଧର୍ମଶାଳାର ମଧ୍ୟ ଭିତ୍ତିପ୍ରସ୍ତର ସ୍ଥାପନ କରିଥିଲେ। ଉପରାଷ୍ଟ୍ରପତି ଏମ୍‌ସରେ କାର୍ଯ୍ୟକ୍ରମ ପରେ ସେ ସ୍ୱତନ୍ତ୍ର ବିମାନରେ ଦିଲ୍ଲୀ ଫେରି ଯାଇଛନ୍ତି।

from Odisha Reporter https://ift.tt/2P1jRgb