କୁକୁରକୁ ଦେଖି ଡରିଗଲା ଚିତା, ଦେଖନ୍ତୁ ଭାଇରାଲ୍‌ ଭିଡିଓ

ଭୁବନେଶ୍ୱର (ଓଡ଼ିଶା ରିପୋର୍ଟର୍‌): ସୋଶାଲ ମିଡିଆରେ ଏକ ଭିଡିଓ ଭାଇରାଲ୍‌ ହୋଇଛି, ଯେଉଁଥିରେ ନିଜ ସାହସିକତା ପାଇଁ ଏକ କୁକୁର ଇଣ୍ଟରନେଟ୍‌ରେ ରାତାରାତି ଷ୍ଟାର୍‌ ପାଲଟି ଯାଇଛି।
ରାଜସ୍ଥାନର ଝଲାନା ଜଙ୍ଗଲର ଏକ ମନ୍ଦିର ନିକଟ ରାସ୍ତାରେ କୁକୁରଟି ଶୋଇଥିବାବେଳେ ଜଙ୍ଗଲ ଭିତରୁ ହଠାତ୍‌ ଏକ ଚିତାବାଘ ଆସି ତାକୁ ଆକ୍ରମଣ ପାଇଁ ଉଦ୍ୟମ କରିଛି। ତେବେ କୁକରଟି ଏଥିରେ ଡରି ନଯାଇ ବେଶ୍‌ ସାହସର ସହ ଚିତାବାଘର ସାମ୍ନା କରୁଛି। ଏପରିକି କୁକୁରଟି ଲଗାତର୍‌ ଭୁକି ଚିତାବାଘକୁ ପୁଣି ଜଙ୍ଗଲ ଭିତରକୁ ଫେରିଯିବାକୁ ବାଧ୍ୟ କରିଛି।

ଝଲାନା ଜଙ୍ଗଲର ୨ ନମ୍ୱର ଟ୍ରାକ୍‌ରେ ଗାଡ଼ିରେ ଯାଉଥିବା ପର୍ଯ୍ୟଟକମାନେ ଏହି ଆଶ୍ଚର୍ଯ୍ୟଜନକ ଦୃଶ୍ୟକୁ କ୍ୟାମେରାରେ କଏଦ୍‌ କରି ସୋଶାଲ୍‌ ମିଡିଆରେ ପୋଷ୍ଟ୍‌ କରିଛନ୍ତି। କୁକୁର ଓ ଚିତାବାଘର ଏହି ଲଢେଇ ଦୃଶ୍ୟ ଭାଇରାଲ୍‌ ହେବା ପରେ ୟୁଜର୍ସମାନେ ଯଥେଷ୍ଟ ସଂଖ୍ୟାରେ ଏହାକୁ ଲାଇକ୍‌ କରିଛନ୍ତି।

ସୂଚନାଯୋଗ୍ୟ, ରାଜସ୍ଥାନର ଝଲାନା ସଂରକ୍ଷିତ ଜଙ୍ଗଲରେ ବହୁସଂଖ୍ୟାରେ ଥିବା ଚିତାବାଘଙ୍କୁ ଦେଖିବା ପାଇଁ ପ୍ରତିଦିନ ଅନେକ ପର୍ଯ୍ୟଟକ ଆସିଥା’ନ୍ତି।

from Odisha Reporter https://ift.tt/2wXOADB