୧୦ରୁ ୧୫ ଦିନ ଯାଏ ଅପରାଧ ନଘଟାଇବାକୁ କାହିଁକି ହାତଯୋଡ଼ି ନିବେଦନ କଲେ ମୋଦି

ପାଟନା : କୁଖ୍ୟାତ ଅପରାଧୀମାନଙ୍କୁ ଅତିକମ୍‌ରେ ୧୦ରୁ ୧୫ ଦିନ ଯାଏ କୌଣସି ଅପରାଧ ନ ଘଟାଇବାକୁ ହାତଯୋଡ଼ି ନିବେଦନ କରିଛନ୍ତି ବିହାରର ଉପ ମୁଖ୍ୟମନ୍ତ୍ରୀ ସୁଶୀଲ କୁମାର ମୋଦି। ଶ୍ରୀ ମୋଦିଙ୍କ ଏପରି ଅଜବ ନିବେଦନକୁ ନେଇ ସୋଶାଲ୍‌ ମିଡିଆରେ ଏହାକୁ ଅନେକ ଲୋକ ସମାଲୋଚନା କରିଛନ୍ତି।

ବୋଧଗୟାଠାରେ ପିତୃପକ୍ଷ (ଏହି ସମୟରେ ହିନ୍ଦୁଧର୍ମାବଲମ୍ବୀ ସେମାନଙ୍କ ପୂର୍ବପୁରୁଷଙ୍କୁ ପିଣ୍ଡଦାନ କରନ୍ତି ) କାର୍ଯ୍ୟକ୍ରମରେ ଯୋଗଦେଇ ଏଭଳି ନିବେଦନ କରିଥିଲେ।

ଶ୍ରୀ ମୋଦି କହିଥିଲେ “ମୁଁ ସମସ୍ତ ଅପରାଧୀମାନଙ୍କୁ ହାତଯୋଡ଼ି ଗୋଟିଏ କଥା ନିବେଦନ କରୁଛି। ସେମାନେ ଅନ୍ତତଃ ଏବେଠାରୁ ୧୦ରୁ ୧୫ ଦିନ ଯାଏ କୌଣସି ଅପରାଧ ଘଟାନ୍ତୁ ନାହିଁ।” ଶ୍ରୀ

ମୋଦିଙ୍କ ଏଭଳି ବୟାନ ସାମ୍ନାକୁ ଆସିବା ପରେ ବିରୋଧୀ ଦଳ ନେତା ତେଜସ୍ୱୀ ଯାଦବ ତୁରନ୍ତ ଟ୍ୱିଟ୍‌ କରି ଏହାର ତୀବ୍ର ସମାଲୋଚନା କରିଛନ୍ତି। ସେ କହିଛନ୍ତି, ଶ୍ରୀ ମୋଦି କେବଳ ପୂଜାପର୍ବାଣୀରେ ଅପରାଧୀଙ୍କୁ ଅପରାଧ ନ ଘଟାଇବାକୁ କହୁଛନ୍ତି। କିନ୍ତୁ ବଳକା ସମୟରେ ଲୁଟ୍‌, ହତ୍ୟା ଓ ଅପହରଣ କରନ୍ତୁ ବୋଲି ପରୋକ୍ଷରେ ସେମାନଙ୍କୁ ପ୍ରବର୍ତ୍ତାଉଛନ୍ତି। ଏଥିରୁ ବିହାର ସରକାର କେମିତି କାମ କରୁଛି, ତାହା ଜଣାପଡ଼ୁଛି ବୋଲି ସେ ଟ୍ୱିଟ୍‌ କରିଛନ୍ତି।

ତେଜସ୍ୱୀଙ୍କ ଏହି ଟ୍ୱିଟ୍‌କୁ ଅନେକ ଲୋକ ଶେୟାର୍ କରିବା ସହ ଶ୍ରୀ ମୋଦିଙ୍କୁ ତୀବ୍ର ସମାଲୋଚନା କରିଛନ୍ତି।
ଦେଖନ୍ତୁ ଭିଡିଓ:

Bihar Dy CM Sushil Modi shamelessly with folded hands begging to Criminals, not to commit any crime in next 15 days as it dents his govt’s image. Later in festive season u r free to do what u do like kidnap, loot & shoot.

Shame on U Mr. Modi! The hypocrite reciter of Jungalraj pic.twitter.com/iuNgzL2oYe

— Tejashwi Yadav (@yadavtejashwi) September 25, 2018

from Odisha Reporter https://ift.tt/2IifpHS