ରାବଣପୋଡ଼ି ଦେଖିବାକୁ ଆସିଥିଲେ ମାଡ଼ିଗଲା ଟ୍ରେନ୍‌, ୫୦ ମୃତ

ଅମୃତସର (ଓଡ଼ିଶା ରିପୋର୍ଟର): ନକାରାତ୍ମକ ଶକ୍ତିର ପ୍ରତୀକ ରାବଣକୁ ଡହ ଡହ ହୋଇ ପୋଡ଼ିଯାଉଥିବାର ଦୃଶ୍ୟ ଦେଖିବାକୁ ଆସିଥିଲେ, କିନ୍ତୁ ସେଠାରେ ଯମଙ୍କ ସହ ସେମାନଙ୍କର ଭେଟ ହୋଇଗଲା। ପଞ୍ଜାବର ଅମୃତସରଠାରେ ଘଟିଥିବା ଏପରି ଏକ ହୃଦୟବିଦାରକ ଘଟଣାରେ ୫୦ ଜଣଙ୍କ ଜୀବନ ଚାଲିଯାଇଛି।

#WATCH The moment when the DMU train 74943 stuck people watching Dussehra celebrations in Choura Bazar near #Amritsar (Source:Mobile footage-Unverified) pic.twitter.com/cmX0Tq2pFE

— ANI (@ANI) October 19, 2018

ଟ୍ରେନ୍‌ ଟ୍ରାକ୍‌ ପାଖରେ ହେଉଥିବା ଏକ ରାବଣପୋଡ଼ି ଉତ୍ସବ ଦେଖିବାକୁ ଆସିଥିବା ବହୁ ଲୋକଙ୍କ ଉପରେ ଟ୍ରେନ୍‌ ଚଢ଼ିଯାଇଥିବା ଜଣାଯାଇଛି। ରାବଣ ପ୍ରତିକୃତିରେ ନିଆଁ ଲାଗିବା ପରେ ଲୋକମାନେ ଇତଃସ୍ତତ ହୋଇ ଦୌଡ଼ିବାକୁ ଆରମ୍ଭ କଲାବେଳେ ଏହି ଟ୍ରେନ୍‌ ଟ୍ରାକ୍‌ରେ ଏକ ଲୋକାଲ ଟ୍ରେନ୍‌ ଦ୍ରୁତ ଗତିରେ ମାଡ଼ି ଆସି ମୃତ୍ୟୁର ତାଣ୍ଡବ ରଚାଇଥିଲା। ଘଟଣାସ୍ଥଳରେ ୩୦୦ ଲୋକ ଥିଲେ, ତେଣୁ ମୃତ୍ୟୁ ସଂଖ୍ୟା ଆହୁରି ବଢ଼ିବାର ଅନୁମାନ କରାଯାଉଛି।

ମିଳିଥିବା ଖବର ଅନୁଯାୟୀ, ପ୍ରାୟ ସନ୍ଧ୍ୟା ୬ଟା ବେଳେ ଟ୍ରେନ୍‌ ଲାଇନ୍‌ ପାଖରେ ରାବଣପୋଡ଼ି କାର୍ଯ୍ୟକ୍ରମ ଚାଲିଥିଲା। ତାକୁ ଦେଖିବାକୁ ବେଶ ଭିଡ଼ ଜମିଥିଲା। ସେହି ସମୟରେ ଲୋକମାନେ ନିକଟସ୍ଥ ଟ୍ରାକରେ ଟ୍ରେନ ଆସୁଛି ବୋଲି ଜାଣିପାରି ନଥିଲେ।

#Punjab CM has directed Home Secretary, Health Secretary and ADGP Law and Order to immediately rush to Amritsar. Revenue Minister Sukhbinder Sarkaria deputed to immediately reach Amritsar to oversee rescue operations. CM to visit Amritsar tomorrow to access the situation.

— ANI (@ANI) October 19, 2018

ଅମୃତସରର ଚୌରାବଜାର ନିକଟରେ ଘଟିଥିବା ଏହି ଘଟଣାରେ ଅନେକ ଆହତ ମଧ୍ୟ ହୋଇଛନ୍ତି, ଯେଉଁମାନଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଛି। ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ସେଠାରେ ଥିବା ଲୋକଙ୍କୁ ସ୍ଥାନାନ୍ତର କରିବା ଆରମ୍ଭ କରିଛନ୍ତି। ଲୋକଙ୍କ ଉପରେ ଚଢିଯାଇଥିବା ଟ୍ରେନ୍‌ଟି ପଠାନ୍‌କୋଟ୍‌ ଆଡ଼ୁ ଆସୁଥିଲା ବୋଲି ଜଣାପଡ଼ିଛି। ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ ପ୍ରଶାସନିକ ଓ ପୁଲିସ ଅବହେଳା କାରଣରୁ ଏଭଳି ଦାରୁଣ ଅଘଟଣ ଘଟିଛି।

from Odisha Reporter https://ift.tt/2OA7UlV