ଚାଲୁଚାଲୁ ଅନ୍ତର୍ଦ୍ଧାନ ହେଇଗଲେ ମହିଳା, ଭିଡିଓ ଭାଇରାଲ୍‌

ବେଜିଂ: ଚୀନ୍‌ରେ ଘଟିଥିବା ଏକ ଅଜବ ଘଟଣାର ଭିଡିଓ ସୋଶାଲ୍‌ ମିଡିଆରେ ଭାଇରାଲ ହୋଇଛି। ଏଥିରେ ଜଣେ ମହିଳା ରାସ୍ତାରେ ପଥଚାରୀଙ୍କ ପାଇଁ ଉଦ୍ଦିଷ୍ଟ ପେଭମେଣ୍ଟ୍‌ରେ ଚାଲୁଚାଲୁ ହଠାତ୍‌ କେମିତି ଅନ୍ତର୍ଦ୍ଧାନ ହୋଇଯାଉଛନ୍ତି ତା’ର ଦୃଶ୍ୟ ରହିଛି। ଚୀନ୍‌ର ଲାନ୍‌ଝୋହୁ ସହରରେ ଏଭଳି ଘଟଣା ଘଟିଛି।

ଭିଡିଓରେ ଥିବା ଦୃଶ୍ୟ ଅନୁଯାୟୀ, ଜଣେ ମହିଳା ପେଭମେଣ୍ଟ୍‌ରେ ଚାଲିଚାଲି ଯାଉଥିବା ବେଳେ ହଠାତ୍‌ ଏହା ଧସି ଯାଇ ବଡ଼ ଗାତ ସୃଷ୍ଟି ହେଉଛି। ଫଳରେ ମହିଳା ଜଣଙ୍କ ଏହା ମଧ୍ୟକୁ ଖସିପଡ଼ି ଅଦୃଶ୍ୟ ହେଇଯାଉଛନ୍ତି। ତେବେ ଅନ୍ୟ ପଥଚାରୀ ଓ ପୁଲିସ୍‌ ତୁରନ୍ତ ଘଟଣାସ୍ଥଳରେ ପହଞ୍ଚି ମହିଳାଙ୍କୁ ଉକ୍ତ ଗାତ ଭିତରୁ ଉଦ୍ଧାର କରି ହସ୍ପିଟାଲ୍‌ରେ ଭର୍ତ୍ତି କରିଛନ୍ତି। ଏହି ଘଟଣାର ଭିଡିଓ ସୋଶାଲ୍‌ ମିଡିଆରେ ଭାଇରାଲ୍‌ ହୋବା ପରେ ପୁଲିସ୍‌ ଏତେ ବଡ଼ ଗାତ କେମିତି ସୃଷ୍ଟି ହେଲା, ତା’ର ତଦନ୍ତ ଆରମ୍ଭ କରିଛି।

ଏହା ପୂର୍ବରୁ ତୁର୍କୀରେ ଏକ ପେଭମେଣ୍ଟ ଧସି କେଉଁଭଳି ଦୁଇ ଜଣ ମହିଳା ଗଭୀର ଖାତ ଭିତରେ ହଜିଯାଇଥିଲେ, ତାର ଭିଡିଓ ସାରା ଦୁନିଆ ଦେଖିଥିଲା।

ଦେଖନ୍ତୁ ଭିଡିଓ:

from Odisha Reporter https://ift.tt/2Df3bPL