ଭୁବନେଶ୍ୱର (ଓଡ଼ିଶା ରିପୋର୍ଟର): ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ ପପଲୁର ଅଞ୍ଚଳରେ ପୁଲିସ୍ ଗୁଳିରେ ୫ ନକ୍ସଲଙ୍କ ମୃତ୍ୟୁ ଘଟଣାରେ ତିନି ଜଣଙ୍କ ପରିଚୟ ମିଳିଛି। ସେମାନଙ୍କ ମଧ୍ୟରେ ଦୁଇ ଜଣ ମହିଳା ନକ୍ସଲ ଅଛନ୍ତି।
ମୃତକମାନେ ହେଲେ ହେଲେ- କାଲିମେଳା ଦଳମ୍ର ଏରିଆ କମିଟି ସଦସ୍ୟ ଉଙ୍ଗା ସୋଢ଼ି ଓରଫ୍ କିର୍ତ୍ତୀ, ମାସେ ମାଢ଼ି ଓ ସୀମା କେଣ୍ଡ୍ରୁକା ଓରଫ୍ ରୁପି ଓରଫ ସୁଶିଳା।
ଉଙ୍ଗାର ଘର ମାଲକାନଗିରି କାଲିମେଳା ଥାନା ଅନ୍ତର୍ଗତ ରାଜୁଲକୋଣ୍ଡାରେ। ସେ ଏସିଏମ୍ କ୍ୟାଡର୍ର ନକ୍ସଲ। ମହିଳା ନକ୍ସଲ ମାସେ ମାଢ଼ି ଓରଫ ସୁନ୍ନିର ଘର ମଧ୍ୟ କାଲିମେଳା ଥାନା ଅନ୍ତର୍ଗତ ରାଜୁଲକୋଣ୍ଡା ଗାଁରେ। ସେହିପରି ଆଉ ଜଣେ ମହିଳା ସଦସ୍ୟ ସୀମା କେଣ୍ଡ୍ରୁକା ଓରଫ୍ ରୁପିର ଘର କୋରାପୁଟ ଜିଲ୍ଲା ନାରାୟଣପାଟଣାର ବାଲିପେଟାରେ।
ମୃତ ଅନ୍ୟ ଦୁଇ ନକ୍ସଲଙ୍କ ପରିଚୟ ମିଳିପାରି ନାହିଁ।
ପୁଲିସ୍ ପକ୍ଷରୁ ଜାରି କରାଯାଇଥିବା ପ୍ରେସ୍ ରିଲିଜ୍ରେ କୁହାଯାଇଛି ଯେ ୪ଟି ବନ୍ଧୁକ ଜବତ କରାଯାଇଛି। ସେଥି ମଧ୍ୟରେ ରହିଛି ୨ଟି ଏସ୍ଏଲ୍ଆର୍ ରାଇଫଲ୍, ଗୋଟିଏ ଇନ୍ସାସ୍ ରାଇଫଲ୍, ଗୋଟିଏ ଥ୍ରୀ ନଟ୍ ଥ୍ରୀ ରାଇଫଲ୍ ରହିଛି। ଏହା ସହିତ ଘଟଣାସ୍ଥଳରୁ ଗୋଟିଏ ହ୍ୟାଣ୍ଡ୍ ଗ୍ରେନେଡ୍ ଓ ଅନ୍ୟାନ୍ୟ ସାମଗ୍ରୀ ମଧ୍ୟ ଜବତ କରାଯାଇଛି।
ଏସ୍ଓଜି ଯବାନଙ୍କୁ ନେଇ ପପଲୁରର କୁରମାନୁର ଜଙ୍ଗଲରେ ଗତକାଲି ସନ୍ଧ୍ୟାରୁ ଏହି ଅପରେସନ୍ ଆରମ୍ଭ କରାଯାଇଥିଲା। ଏସ୍ଓଜିର ଦୁଇଟି ୟୁନିଟ୍କୁ ଅପରେସନ୍ରେ ନିୟୋଜିତ କରାଯାଇଥିଲା। ଏହି ଅପରେସନ୍ ବେଳେ ଆଜି ଭୋର୍ରେ ଯବାନ ଓ ନକ୍ସଲ ମୁହାଁମୁହିଁ ହୋଇଥିଲେ। ଏଥିରେ ୫ ନକ୍ସଲଙ୍କ ମୃତ୍ୟୁ ଘଟିଥିଲା।
ଡିଜିପି ଆର୍.ପି ଶର୍ମା କହିଛନ୍ତି,“ ଓଡ଼ିଶା ପୁଲିସ୍କୁ ଉଲ୍ଲେଖନୀୟ ସଫଳତା ମିଳିଛି। ମୁଁ ଭାବୁଛି ଓଡ଼ିଶାର ଏହା ବେଷ୍ଟ୍ ଅପରେସନ୍।”
from Odisha Reporter https://ift.tt/2qtEAik
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment