ରାହୁଲ ଗାନ୍ଧିଙ୍କୁ କୋର୍ଟ ସମନ୍‌

ରାଞ୍ଚି: କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଗୋଟିଏ ପଟେ ୩ ରାଜ୍ୟରେ ମୁଖ୍ୟମନ୍ତ୍ରୀ ଚୟନକୁ ନେଇ ବ୍ୟସ୍ତ ଥିବା ବେଳେ ଅନ୍ୟପଟେ ତାଙ୍କୁ କୋର୍ଟର ଝଟ୍‌କା ମିଳିଛି। ବିଜେପି ଅଧ୍ୟକ୍ଷ ଅମିତ ଶାହଙ୍କ ବିରୋଧରେ ଆପତ୍ତିଜନକ ଓ ବିବାଦୀୟ ବୟାନ ଦେଇଥିବାରୁ ରାଞ୍ଚି କୋର୍ଟ ଆଜି ରାହୁଲଙ୍କୁ ସମନ କରିଛନ୍ତି। ସବ୍‌ ଡିଭିଜନାଲ ମାଜିଷ୍ଟ୍ରେଟ ଅଜୟ କୁମାର ଗୁଡ଼ିଆ ନଭେମ୍ବର ୨୮ରେ ମାମଲାର ଶୁଣାଣି କରି ରାୟ ସଂରକ୍ଷିତ କରିଥିଲେ। ହେଲେ ଆଜି ସେ ରାହୁଲଙ୍କୁ ସମନ କରିବାକୁ ନିର୍ଦ୍ଦେଶ ଦେଇଛନ୍ତି।

ଗତ ମାର୍ଚ୍ଚ ୧୮ରେ ଅନୁଷ୍ଠିତ କଂଗ୍ରେସର ନ୍ୟାଶନାଲ୍‌ କନକ୍ଲେଭ ବେଳେ ରାହୁଲ ଗାନ୍ଧି ନିଜର ଭାଷଣରେ ଶ୍ରୀ ଶାହଙ୍କୁ ନାନା ଆକ୍ଷେପ କରିଥିଲେ। ଏହା ବିରୋଧରେ ବିଜେପି ଯୁବ ମୋର୍ଚ୍ଚାର ଝାରଖଣ୍ଡ ନେତା ନବୀନ ଝା କୋର୍ଟଙ୍କ ଦ୍ୱାରସ୍ଥ ହୋଇଥିଲେ। କୋର୍ଟ ଏହାର ଶୁଣାଣି କରି ରାହୁଲଙ୍କୁ ସମନ୍‌ କରିଛନ୍ତି।

from Odisha Reporter https://ift.tt/2CbCBpT