ଛାତ୍ରଙ୍କୁ କୁଳପତିଙ୍କ ଉପଦେଶ: ପିଟ, ମାରିଦିଅ, ଯାହା ହେବ ଆମେ ବୁଝିବୁ

ଲକ୍ଷ୍ନୌ: ଛାତ୍ର ରାଜନୀତି ପାଇଁ ବିଶ୍ୱବିଦ୍ୟାଳୟଗୁଡ଼ିକର ସ୍ଥିତି ବିଗୁଡ଼ୁଥିବାର ନମୁନା ବାରମ୍ବାର ସାମ୍ନାକୁ ଆସିଥିବାବେଳେ ଖୋଦ୍‌ କୁଳପତି ଗଣ୍ଡଗୋଳ ଏବଂ ହତ୍ୟା ପାଇଁ ଆହ୍ୱନ କରୁଥିବା ଭଳି ଏକ ସାଂଘାତିକ ଘଟଣା ସାମ୍ନାକୁ ଆସିଛି। ପୂର୍ବାଞ୍ଚଲ ବିଶ୍ୱବିଦ୍ୟାଳୟର ଏକ ଉତ୍ସବରେ କୁଳପତିଙ୍କ ଏଭଳି ଉତ୍ତେଜକ ଭାଷଣ ପ୍ରଚାରିତ ହେବା ପରେ ନ୍ୟାସନାଲ କନ୍‌ଫରେନ୍ସ ନେତା ତଥା କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ବିଜେପିକୁ ଟାର୍ଗେଟ୍‌ କରିଥିବାବେଳେ ଉତ୍ତରପ୍ରଦେଶ ମନ୍ତ୍ରୀ ସିଦ୍ଧାର୍ଥ ନାଥ ସିଂହ କୁଳପତି ରାଜାରାମ ଯାଦବଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ସୁପାରିସ କରିଛନ୍ତି।

Get in to a fight, commit a murder as a result and this university VC will take care of things. This is what passes for an education in some places these days. Not surprisingly the audience even applauds his assertion. https://t.co/E8tI097uzN

— Omar Abdullah (@OmarAbdullah) December 30, 2018

ଗାଜିପୁରଠାରେ ଏକ କଲେଜ୍‌ର ଉତ୍ସବରେ ଶ୍ରୀ ଯାଦବ କହିଥିଲେ, “ଯଦି ତୁମେ ଏହି ବିଶ୍ୱବିଦ୍ୟାଳୟର ଛାତ୍ର ମୋ ପାଖକୁ କାନ୍ଦି କାନ୍ଦି ଆସନାହିଁ। ଯଦି କାହା ସାଙ୍ଗେ ଲଢ଼େଇ ହୁଏ, ତାହେଲେ ବାଡ଼ାଅ, ଯଦି ଦରକାର ପଡ଼େ ମାରିଦିଅ, ତା’ପରେ ଯାହା ହେବ ସେକଥା ଆମେ ବୁଝିବୁ।”

ଚଳିତ ସପ୍ତାହରେ ଏହି ସହରରେ ହିଁ ପୁଲିସ କନଷ୍ଟେବଲ ସୁରେଶ ବତ୍ସଙ୍କୁ ଏକ ଉତ୍ତ୍ୟକ୍ତ ଗୋଷ୍ଠୀ ବିଚ୍ ରାସ୍ତାରେ ପିଟି ପିଟି ହତ୍ୟା କରିଥିଲେ। ଏହି ଗୋଷ୍ଠୀ ନିଶାଦ୍‌ ପାର୍ଟିର ବୋଲି ଅଭିଯୋଗ ହୋଇଥିଲା।

ଗତବର୍ଷ ଏପ୍ରିଲରେ ଆଲ୍ଲାବାଦ ବିଶ୍ୱବିଦ୍ୟାଳୟର ପ୍ରଫେସର ଥିବା ରାଜାରାମ ଯାଦବଙ୍କୁ ପୂର୍ବାଞ୍ଚଳ ବିଶ୍ୱବିଦ୍ୟାଳୟର କୁଳପତି ଭାବେ ନିଯୁକ୍ତି ଦିଆଯାଇଥିଲା। ଏହି ବିଶ୍ୱବିଦ୍ୟାଳୟ ଅଧୀନରେ ୩୦୦ କଲେଜ୍‌ ରହିଛି।

ଏହି ପ୍ରସଙ୍ଗରେ ସିଦ୍ଧାର୍ଥ ନାଥ ସିଂହ କହିଛନ୍ତି ଯେ, ଏହା ନିହାତି ଭୁଲ ଓ ଆଦୌ ଗ୍ରହଣୀୟ ନୁହେଁ, ସେ ଏପରି କହିପାରିବେ ନାହିଁ। ସେ ଛାତ୍ରମାନଙ୍କୁ ଶାନ୍ତି ବଜାୟ ରଖିବାକୁ କହିବା କଥା। କିନ୍ତୁ ସେ ଗୁଣ୍ଡାରାଜ୍‌କୁ ପ୍ରଶୟ ଦେବା ଠିକ ନୁହେଁ। ଏଭଳି ମାନସିକତାର ବ୍ୟକ୍ତି କୁଳପତି ପରି ପଦବୀରେ ରହିବାର କୌଣସି ଅଧିକାର ନାହିଁ। ଏ ମାମଲାରେ ଉପମୁଖ୍ୟମନ୍ତ୍ରୀ ତ୍ୱରିତ କଠୋର କାର୍ଯ୍ୟାନୁଷ୍ଠାନ ନେବେ ବୋଲି ଶ୍ରୀ ସିଂହ ଆଶା ପ୍ରକାଶ କରିଛନ୍ତି।

from Odisha Reporter http://bit.ly/2Ss7hbT