ବାଲେଶ୍ୱର (ରଶ୍ମୀରଞ୍ଜନ ଦାସ): ରାତି ଅଧରେ ଘରେ ପଶିଲେ ଓ ବନ୍ଧୁକ ଦେଖାଇ ଲକ୍ଷାଧିକ ଟଙ୍କାର ସୁନାଗହଣା ଓ ଗୋଟିଏ ବାଇକ୍ ଲୁଟି ନେଲେ। ଏମିତି ଏକ ଚାଞ୍ଚଲ୍ୟକର ଘଟଣା ଘଟିଛି ବାଲେଶ୍ୱର ଜିଲ୍ଲା ରେମୁଣା ବ୍ଲକ୍ର ରାଉତରାପୁର ଗାଁରେ।
ଗତକାଲି ବିଳମ୍ବିତ ରାତିରେ ୪ ଜଣ ଡକାୟତ ରାଉତରାପୁର ଗାଁର ସୁଶାନ୍ତ ମାହାର୍ଣ୍ଣାଙ୍କ ଘରେ ପଶିଥିଲେ। ସେ ଓ ତାଙ୍କ ପରିବାର ଲୋକେ ଶୋଇଥିବା ବେଳେ ଏହି ଡକାୟତମାନେ କବାଟ ବାଡ଼େଇ ଥିଲେ। ସୁଶାନ୍ତ କବାଟ ଖୋଲିବା ମାତ୍ରେ ସେମାନେ ଘରେ ପଶି ଯାଇଥିଲେ।
୪ ଡକାୟତଙ୍କ ମଧ୍ୟରୁ ତିନି ଜଣଙ୍କ ପାଖରେ ବନ୍ଧୁକ ଥିଲା। ସେମାନେ ବନ୍ଧୁକ ଓ ଛୁରୀ ଦେଖାଇ ସୁଶାନ୍ତଙ୍କ ଘରେ ଥିବା ପ୍ରାୟ ୨୦ ଭରି ସୁନାଗହଣା ସହିତ ଲକ୍ଷେ ୩୦ ହଜାର ଟଙ୍କା ଲୁଟି ନେଇଥିଲେ।
ଘଟଣାସ୍ଥଳରେ ଦୁର୍ଗାଦେବୀ ଫାଣ୍ଡି ଓ ମୟୁରଭଞ୍ଜ ଜିଲ୍ଲାର ବଡ଼ସାହି ଥାନା ପୁଲିସ୍ ଆସି ତଦନ୍ତ କରିଛି।
from Odisha Reporter http://bit.ly/2WbFQW9
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment