ନୂଆ ବର୍ଷରେ ହୃଦୟ ଜିଣିଲେ ମନୋହର ପାରିକର

ପାଣାଜୀ: ଗୋଆ ମୁଖ୍ୟମନ୍ତ୍ରୀ ମନୋହର ପାରିକର ୨୦୧୯ ନବବର୍ଷରେ ସମସ୍ତଙ୍କର ହୃଦୟ ଜିତିଛନ୍ତି। ଦୀର୍ଘ ଏକ ମାସ ହେଲା ଗୁରୁତର ଅସୁସ୍ଥ ଥିବା ପାରିକର ୨୦୧୯ର ପ୍ରଥମ ଦିନରେ ତାଙ୍କ କାର୍ଯ୍ୟାଳୟକୁ ଆସି କାମ ଆରମ୍ଭ କରିଛନ୍ତି।

ନୂଆବର୍ଷରେ କାମ କରିବାର ବିଧି ଥିବାରୁ ଅସୁସ୍ଥ ପାରିକର ନାକରେ ଖାଦ୍ୟ ନଳୀ ଲାଗିଥିବା ଅବସ୍ଥାରେ ଅଫିସ କାର୍ଯ୍ୟରେ ଯୋଗ ଦେଇଛନ୍ତି। ଦୀର୍ଘ ଏକମାସ ପରେ ରାଜ୍ୟ ସଚିବାଳୟକୁ ଯାଇଥିବା ପାରିକରଙ୍କର ଏଭଳି କାମ କରିବାର ଉତ୍ସାହ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ।

ସଚିବାଳୟରେ ଶ୍ରୀ ପାରିକର ପହଞ୍ଚିବା କ୍ଷଣି ତାଙ୍କୁ ମନ୍ତ୍ରୀ, ବିଧାୟକ ଏବଂ ବିଜେପି କର୍ମୀମାନେ ସ୍ୱାଗତ କରିଥିଲେ। ପାରିକର ନାକରେ ଖାଦ୍ୟ ନଳୀ ଲଗାଇ ସିଏମ୍‌ଓକୁ ଦିନ ୧୦.୩୦ରେ ଯାଇଥିବା ବେଳେ ତାଙ୍କ ସହ ଏକ ମେଡିକାଲ ଟିମ୍‌ ମଧ୍ୟ ରହିଥିଲା। ଏହାପୂର୍ବରୁ ୬୩ ବର୍ଷୀୟ ପାରିକର ନାକରେ ଖାଦ୍ୟ ନଳୀ ଲଗାଇ ଏକ ନିର୍ମାଣାଧୀନ ପ୍ରକଳ୍ପର ସମୀକ୍ଷା କରିବାକୁ ସେଠାରେ ପହଞ୍ଚି ଯାଇଥିଲେ।

ଆଜି ସଚିବାଳୟରେ ପାରିକର ପହଞ୍ଚିବା ପରେ ଅନ୍ୟ କର୍ମଚାରୀଙ୍କ ସହ ବିଭିନ୍ନ ବିଭାଗର ଅଗ୍ରଗତିର ସମୀକ୍ଷା କରିଥିଲେ।

from Odisha Reporter http://bit.ly/2SxfDyT