ୱାୟନାଡ଼ରେ ରାହୁଲ ଗାନ୍ଧିଙ୍କ ବିରୋଧରେ ପ୍ରାର୍ଥୀ ଘୋଷଣା କଲା ଏନଡିଏ

ଥିରୁଅନନ୍ତପୁରମ: କେରଳ ୱାୟନାଡ଼ ଲୋକସଭା ଆସନରେ ରାହୁଲ ଗାନ୍ଧିଙ୍କ ବିରୋଧରେ ପ୍ରାର୍ଥୀ ଦେବ ଏନଡ଼ିଏ। ବିଜେପି  ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଭାରତ ଧର୍ମ ଜନ ସେନା ଅଧ୍ୟକ୍ଷ ଶ୍ରୀ ତୁଶାର ଭେଲାପ୍ପାଲ୍ଲିଙ୍କୁ ଏନଡ଼ିଏ ପ୍ରାର୍ଥୀ କରିବ ବୋଲି ଟ୍ବିଟ କରି କହିଛନ୍ତି।

I proudly announce Shri Thushar Vellappally, President of Bharat Dharma Jana Sena as NDA candidate from Wayanad.

A vibrant and dynamic youth leader, he represents our commitment towards development and social justice. With him, NDA will emerge as Kerala’s political alternative.

— Chowkidar Amit Shah (@AmitShah) April 1, 2019

କେରଳରେ ଏହି ଆସନ ୨୦୦୮ରେ ଗଠିତ ହୋଇଥିଲା। ୨୦୦୯ ଓ ୨୦୧୪ରେ ଏହା କଂଗ୍ରେସ କବଜାରେ ଥିଲା। ୟୁପିଏ ସହଯୋଗୀ ଏଲଡ଼ିଏଫ କେରଳରେ ସରକାରରେ ରହିଥିବାବେଳେ ରାହୁଲଙ୍କ ବିରୋଧରେ ପ୍ରାର୍ଥୀ ଦେବ ବୋଲି କହିଛି। କାରଣ କେନ୍ଦ୍ରରେ ସହଯୋଗୀ ଦଳ ହୋଇଥିଲେ ମଧ୍ୟ ୱାୟନାଡ଼ରେ ରାହୁଲଙ୍କ ପ୍ରାର୍ଥୀତ୍ବକୁ ବାମପନ୍ଥୀ ଦଳ ବିରୋଧ କରିଛି।

ସେପଟେ ବିଜେପିର ଏଠି ପ୍ରଭାବ ନଥିଲେ ମଧ୍ୟ ଆଞ୍ଚଳିକ ଦଳର ପ୍ରାର୍ଥୀକୁ ଛିଡ଼ା କରି ରାହୁଲଙ୍କ ବିରୋଧରେ ରଣନୀତି ପ୍ରସ୍ତୁତ କରିଛି ବିଜେପି। ଭାଷା ଭିତ୍ତିରେ ଏହି ଆସନ ଅଲଗା ହୋଇଥିବାରୁ ଏଠାରେ ଭୋଟରଙ୍କୁ ରାହୁଲ ନିଜେ ମନାଇବା କଷ୍ଟକର ହେବ, ହେଲେ ବାମପନ୍ଥୀ ନେତା ଏବଂ ଏନଡ଼ିଏ ପ୍ରାର୍ଥୀଙ୍କ ପାଇଁ ଏହା ସହଜ ହେବ ବୋଲି ଆକଳନ କରାଯାଇଛି। କିନ୍ତୁ ଯେହେତୁ ଏହା କଂଗ୍ରେସର ଗଡ଼, ତେଣୁ ରାହୁଲଙ୍କ ସହ କଡ଼ା ମୁକାବିଲା ହେବ ବୋଲି ଚର୍ଚ୍ଚା ହେଉଛି।

from Odisha Reporter https://ift.tt/2JXfDII