ସିବିଏସଇ ଦ୍ୱାଦଶ ଶ୍ରେଣୀ ପରୀକ୍ଷାରେ କେଜ୍ରିଓ୍ୱାଲ ଓ ସ୍ମୃତି ଇରାନୀଙ୍କ ପୁଅ ଚମକିଲେ

ନୂଆଦିଲ୍ଲୀ: ପ୍ରକାଶ ପାଇଛି ସିବିଏସଇ ଦ୍ୱାଦଶ ଶ୍ରେଣୀ ପରୀକ୍ଷା ଫଳ। ସିବିଏସଇ ପରୀକ୍ଷାଫଳ ପ୍ରକାଶ ପାଇବା ପରେ ପୁଅ ପୁଲକିତ କେଜ୍ରିଓ୍ୱାଲଙ୍କ ମାର୍କକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଗର୍ବିତ ବୋଲି କହିଛନ୍ତି। ସେହିପରି କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ତାଙ୍କ ପୁଅ ଜୋହରର ରେଜଲ୍ଟରେ ଖୁସି ପ୍ରକାଶ କରିଛନ୍ତି।

ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲଙ୍କ ପୁଅ ପୁଲକିତ କେଜ୍ରିଓ୍ୱାଲ ୯୬.୪ ପ୍ରତିଶତ ମାର୍କ ରଖିଥିବା ମାଆ ସୁନୀତା କେଜ୍ରିଓ୍ୱାଲ ଟ୍ୱିଟ୍ କରି କହିଛନ୍ତି। ଏଥିପାଇଁ ସମସ୍ତ ଶୁଭେଛୁଙ୍କୁ ଧନ୍ୟବାଦ ଦେଇଛନ୍ତି। ୨୦୧୭ରେ ପୁଲକିତ ଦଶମ ଶ୍ରେଣୀ ପରୀକ୍ଷା ଦେଇଥିଲେ ଯେଉଁଥିରେ ୧୦ ସିଜିପିଏ ରଖିଥିଲେ। ଦିଲ୍ଲୀ ନୋଏଡା ସେକ୍ଟର ୩୦ ସ୍ଥିତ ଦିଲ୍ଲୀ ପବ୍ଲିକ ସ୍କୁଲରେ ପାଠ ପଢ଼ୁଥିଲେ ପୁଲକିତ୍।

With God’s grace and well-wishers’ blessings son has secured 96.4 percentile in CBSE Class XII. In high gratitude

— Sunita Kejriwal (@KejriwalSunita) May 2, 2019

ସେହିପରି କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କ ପୁଅ ଜୋହର ଇରାନୀ ୯୧ ପ୍ରତିଶତ ମାର୍କ ରଖିଛନ୍ତି। ଯେଉଁଥିରେ ୪ଟି ବିଷୟରେ ସବୁଠୁ ଭଲ ମାର୍କ ରଖିଛନ୍ତି। ଇକୋନମିକ୍ସରେ ୯୪ ପ୍ରତିଶତ ମାର୍କ ଜୋହର ରଖିଥିବା ଇରାନୀ କହିଛନ୍ତି।

Ok saying it out loud— proud of my son Zohr..not only did he come back with a bronze medal from the World Kempo Championship also scored well in 12 th boards. Best of 4– 91% .. special yahoo for 94% in economics.. Maaf karna ,today I’m just a gloating Mom

— Chowkidar Smriti Z Irani (@smritiirani) May 2, 2019

ତେବେ ମୋଟ ୫୦୦ ମାର୍କରୁ ୪୯୯ ମାର୍କ ରଖି ହଂସିକା ଶୁକ୍ଳ ଏବଂ କରିସ୍ମା ଆରୋରା ଦୁଇ ଜଣ ଚଳିତ ବର୍ଷ ସିବିଏସଇ ଟପ୍ପର ହୋଇଛନ୍ତି।

ଉଭୟ ପ୍ରଧାନମନ୍ତ୍ରୀ ଓ ମାନବ ସମ୍ୱଳ ବିକାଶ ମନ୍ତ୍ରୀ ସମସ୍ତ ଛାତ୍ରଛାତ୍ରୀଙ୍କୁ ଟ୍ୱିଟ୍ କରି ଶୁଭେଚ୍ଛା ଜଣାଇଛନ୍ତି।

from Odisha Reporter http://bit.ly/2IUiWz4