ସାଇବାବାଙ୍କ ଶରଣରେ ଟିମ୍ ଇଣ୍ଡିଆ କୋଚ୍ ରବି ଶାସ୍ତ୍ରୀ

ମୁମ୍ବାଇ: ବିଶ୍ୱକପ୍ ପାଇଁ ଇଂଲଣ୍ଡ ଗସ୍ତ ପୂର୍ବରୁ ଟିମ୍ ଇଣ୍ଡିଆ ମୁଖ୍ୟ କୋଚ୍ ରବି ଶାସ୍ତ୍ରୀ ମଙ୍ଗଳବାର ଶିରିଡ଼ି ପହଞ୍ଚିଛନ୍ତି। ଶାସ୍ତ୍ରୀଙ୍କ ସହ ଟିମର ଫିଲ୍ଡିଂ କୋଚ୍ ଆର୍ ଶ୍ରୀଧର ଓ ବୋଲିଂ କୋଚ୍ ଭରତ ଅରୁଣ ମଧ୍ୟ ଶିରିଡ଼ି ଯାଇ ସାଇବାବାଙ୍କ ଆଶୀର୍ବାଦ ନେଇଛନ୍ତି।

ଟିମର ଫିଲ୍ଡିଂ କୋଚ୍ ଶ୍ରୀଧର ନିଜ ଟ୍ୱିଟର ଆକାଉଣ୍ଟରେ ମନ୍ଦିର ଦର୍ଶନ ଓ ନିଜ ବିମାନର ଫଟୋ ଶେୟାର କରିଛନ୍ତି। କୋଚ୍ ଶାସ୍ତ୍ର ଓ ଶ୍ରୀଧର ଶିରିଡ଼ି ପାଇଁ ଗୌତମ ଗୌତମ ସିଂହାନିଆଙ୍କ ବ୍ୟକ୍ତିଗତ ବିମାନ ଯୋଗେ ଏଠାରେ ପହଞ୍ଚିଛନ୍ତି। ଏଥିପାଇଁ ଶ୍ରୀଧର ଗୌତମଙ୍କୁ ଧନ୍ୟବାଦ ଜଣାଇଛନ୍ତି।

ବିଶ୍ୱକପ୍ ପାଇଁ ଇଂଲଣ୍ଡ ଯିବା ପୂର୍ବରୁ ଅଲରାଉଣ୍ଡର କେଦାର ଯାଦବ ନିଜର ଫିଟନେସ୍ ଟେଷ୍ଟ ପାସ୍ କରିଛନ୍ତି ଏବଂ ସେ ଟିମ୍ ସହ ବିଶ୍ୱକପ୍ ପାଇଁ ଫିଟ୍ ଘୋଷିତ ହୋଇଛନ୍ତି। କେଦାର ଆଇପିଏଲରେ କିଙ୍ଗସ୍ ଇଲେଭେନ୍ ପଞ୍ଜାବ ବିପକ୍ଷ ମ୍ୟାଚରେ ଆହତ ହୋଇଥିଲେ।

from Odisha Reporter http://bit.ly/2QfAIxq