ଶାଢ଼ି କିଣିବା ଆଳରେ ଦୋକାନ ମାଲିକଙ୍କୁ ମରଣାନ୍ତକ ଆକ୍ରମଣ

ଭଦ୍ରକ (ତପନ ସ୍ୱାଇଁ): ଭଦ୍ରକ ଜିଲ୍ଲା ଧାମନଗରରେ ଏକ ଶାଢ଼ି ଦୋକାନର ମାଲିକ ଓ ତାଙ୍କ ସ୍ତ୍ରୀଙ୍କୁ ମରଣାନ୍ତକ ଆକ୍ରମଣ ହୋଇଥିବା ଅଭିଯୋଗ ହୋଇଛି।

ସେମାନେ ହେଲେ ନରେନ୍ଦ୍ର ସାହୁ (୪୮) ଓ ତାଙ୍କ ସ୍ତ୍ରୀ ସୁମତି ସାହୁ (୪୩)। ଗୁରୁତର ଅବସ୍ଥାରେ ସେମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି।

ଗତକାଲି ରାତି ୯ଟା ରୁ୧୦ଟା ଭିତରେ ଏହି ଘଟଣା ଘଟିଥିଲା। ଦୁଇ ଜଣ ଯୁବକ ‘ଶୁଭଲଷ୍ମୀ ପରିଧାନ’ ନାମକ ଏହି ଦୋକାନକୁ ଶାଢ଼ି କିଣିବାକୁ ଆସିଥିଲେ। ତେବେ ଶାଢ଼ି କିଣିବା ଆଳରେ ସେମାନେ ନରେନ୍ଦ୍ର ଓ ତାଙ୍କ ସ୍ତ୍ରୀଙ୍କ ଉପରେ ଆକ୍ରମଣ କରିଥିଲେ।

ତେବେ କେଉଁ କାରଣରୁ ସେମାନେ ଆକ୍ରମଣ କରିଥିଲେ, ତାହା ଜଣାପଡ଼ିନାହିଁ। ପୂର୍ବ ଶତ୍ରୁତା ନା ଆଉ କିଛି, ତାହା ସ୍ପଷ୍ଟ ହୋଇନି। ଧାମନଗର ପୁଲିସ୍ ଘଟଣାର ତଦନ୍ତ କରୁଛି।

from Odisha Reporter http://bit.ly/2YF6Duv