ଜମ୍ମୁ କଶ୍ମୀରରେ ଫୋନ୍ ସେବା ଆରମ୍ଭ

ଶ୍ରୀନଗର: ୧୨ ଦିନ ପରେ ଜମ୍ମୁ କଶ୍ମୀରରେ ଆଜି ସକାଳଠୁ ଫୋନ୍ ସେବା ଆରମ୍ଭ ହୋଇଛି। ତେବେ ଜମ୍ମୁର କିଛି ସ୍ଥାନରେ ଟୁଜି ଇଣ୍ଟରନେଟ୍ ସେବା ଆରମ୍ଭ ହୋଇଛି। ସେହିପରି କଶ୍ମୀରରେ ଇଣ୍ଟରନେଟ ସେବା ପାଇଁ ଆହୁରି କିଛି ଦିନ ଲାଗିବ ବୋଲି ଜଣାପଡ଼ିଛି।

ଜମ୍ମୁର ସାଂବା, ରିୟାସି, କଠୁଆ, ଉଧମପୁରରେ ଟୁଜି ସ୍ପୀଡରେ ଇଣ୍ଟରନେଟ୍ ରହିଛି। ରଜୋରୀରେ ୧୪୪ ଧାରା ରାତି ୯ରୁ ସକାଳ ୫ ଯାଏ ରହିବ ବୋଲି ଜଣାପଡ଼ିଛି। ଅନ୍ୟ ସମୟରେ ସ୍ୱାଭାବିକ ରହିବ ବୋଲି ରଜୋରୀ ଜିଲ୍ଲାପାଳ କହିଛନ୍ତି।

ଜମ୍ମୁ କଶ୍ମୀରରେ ଅଗଷ୍ଟ ୫ ତାରିଖଠୁ ଫୋନ୍ ଓ ଇଣ୍ଟରନେଟ୍ ସେବା ବନ୍ଦ ରହିଛି। ଧାରା ୩୭୦ ଉଚ୍ଛେଦ ହେବା ପରେ ସରକାର ସଙ୍ଗେସଙ୍ଗେ ଫୋନ୍ ଏବଂ ମୋବାଇଲ୍ ସେବା ଉପରେ ପ୍ରତିବନ୍ଧକ ଲଗାଇଥିଲେ। ସୋମବାର ରାଜ୍ୟର ସମସ୍ତ ସ୍କୁଲ, କଲେଜ ଓ ସରକାରୀ କାର୍ଯ୍ୟାଳୟ ଖୋଲିବା ପାଇଁ ସରକାର ନିର୍ଦ୍ଦେଶ ଦେଇଥିବା ସୂଚନା ରହିଛି।

from Odisha Reporter https://ift.tt/33EzySF