ୟାସିନ୍ ମଲ୍ଲିକର ସ୍ୱାସ୍ଥ୍ୟାବସ୍ଥା ବାବଦରେ ସୂଚନା ଦେଲେ ଜେଲ୍ କତ୍ତୃପକ୍ଷ

ନୂଆଦିଲ୍ଲୀ: କଶ୍ମୀରର ବିଚ୍ଛିନ୍ନତାବାଦୀ ନେତା ୟାସିନ୍ ମଲ୍ଲିକ ସୁସ୍ଥ ରହିଛି। ତିହାର ଜେଲ୍ କତ୍ତୃପକ୍ଷ ସନ୍ଦୀପ ଗୋୟେଲ ରବିବାର ରାତିରେ ଗଣମାଧ୍ୟମକୁ ସୂଚନା ଦେଇ ଏହା କହିଛନ୍ତି।

ଗତକାଲି ୟାସିନ୍ ମଲ୍ଲିକଙ୍କ ସ୍ତ୍ରୀ ମୁଶାଲ ହେଶେନ୍ ମଲ୍ଲିକ୍ (ପାକିସ୍ତାନରେ ଜନ୍ମିତ) ସୋଶାଲ ମିଡିଆ ଟ୍ୱିଟରରେ ଏକ ଭିଡିଓ ବାର୍ତ୍ତା ଜରିଆରେ ତାଙ୍କ ସ୍ୱାମୀଙ୍କ ସ୍ୱାସ୍ଥ୍ୟାବସ୍ଥା ବାବଦରେ ଜାଣିବାକୁ ଚାହିଁଥିଲେ। ଏମିତିକି ତାଙ୍କ ସ୍ୱାମୀଙ୍କର ମୃତ୍ୟୁ ହୋଇଥିବା ଖବର ବିଭିନ୍ନ ସୂତ୍ରୁରୁ ସେ ଶୁଣିବାକୁ ପାଉଛନ୍ତି ବୋଲି କହିଥିଲେ। ଦୀର୍ଘ ୫ ମାସ ହେବ ସେ ତାଙ୍କ ସ୍ୱାମୀଙ୍କ ସହ କଥା ହୋଇନଥିବାରୁ ମାନସିକ ଚାପରେ ରହିଛନ୍ତି ବୋଲି ସେ କହିଥିଲେ। ଜଣେ ବନ୍ଦୀ ହୋଇଥିଲେ ମଧ୍ୟ ସେ ଚିକିତ୍ସା ପାଇବା ମାନବାଧିକାର ବୋଲି ମୁଶାଲ ହେଶେନ୍ ମଲ୍ଲିକ୍ କହିଥିଲେ।

My humble appeal to know about the condition and where abouts of my critically ill husband Mohammad Yasin Malik who is in Tihar death cell with strong rumours of his death. #KashmirIssue #KashmirUnderThreat pic.twitter.com/CYRSAYDgsP

— Mushaal Hussein Mullick (@MushaalMullick) August 4, 2019

ଏହାପରେ ତିହାର ଜେଲ୍ କତ୍ତୃପକ୍ଷ ଗଣମାଧ୍ୟମକୁ ପ୍ରତିକ୍ରିୟା ଦେଇ ୟାସିନ୍ ମଲ୍ଲିକଙ୍କ ସ୍ୱାସ୍ଥ୍ୟବସ୍ଥା ବାବଦରେ ସୂଚନା ଦେଇଥିଲେ।

ସୂଚନାଯୋଗ୍ୟ, ବିଛିନ୍ନତାବାଦୀ ୟାସିନ ମଲ୍ଲିକଙ୍କୁ ଏପ୍ରିଲ ୧୦ରେ ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାରେ ଏନଆଇଏ ଗିରଫ କରିଥିଲା। ଗିରଫ ପୂର୍ବରୁ କେନ୍ଦ୍ର ସରକାର ୟାସିନ ମଲିକର ସଂଗଠନ ଜେକେଏଲଏଫ(ଜମ୍ମୁ-କଶ୍ମୀର ଲିବେରସନ ଫ୍ରଣ୍ଟ) ଉପରେ ପ୍ରତିବନ୍ଧକ ଲଗାଇଥିଲେ । ଆତଙ୍କବାଦ ବିରୋଧୀ ଆଇନ ଅନୁସାରେ ଏହି ପ୍ରତିବନ୍ଧକ ଲଗାଯାଇଥିଲା ।

 

from Odisha Reporter https://ift.tt/2YqTDNd