କଲେଜ ଯାଉଥିଲେ, ପିଟି ଦେଲା ଅଜଣା ଗାଡ଼ି

ଉମରକୋଟ(କାର୍ତ୍ତିକ ମଲ୍ଲିକ): ନବରଙ୍ଗପୁର ଜିଲ୍ଲା ରାଇଘର-କୁନ୍ଦେଇ ରାଜ୍ୟ ରାଜପଥର ଜୋଡିଙ୍ଗା ନିକଟରେ ଏକ ଅଜଣା ଗାଡ଼ି ଧକ୍କାରେ ଜଣେ ଛାତ୍ରଙ୍କର ମୃତ୍ୟୁ ଘଟିଛି। ଏହି ଦୁର୍ଘଟଣାରେ ଅନ୍ୟ ଜଣେ ଛାତ୍ର ଗୁରୁତର ହୋଇଛନ୍ତି। ମୃତକ ହେଲେ କୋଦଭଟ୍ଟା ଗାଁର ସମିର ପଠାରୀ। ଭୁରୁଖାମହୁଲି ଗାଁର ମୁକେଶ କେସରିଆଙ୍କୁ ଗୁରୁତର ଅବସ୍ଥାରେ କୋରାପୁଟ୍ ଜିଲ୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।

ଗତକାଲି ଅପରାହ୍ଣ ସମୟରେ ସମିର ଓ ମୁକେଶ ଏକ ବାଇକ୍ ଯୋଗେ ହାଟଭରଣ୍ଡିସ୍ଥିତ ଗଣ୍ଡୱାନା ମହାବିଦ୍ୟାଳୟକୁ ଯାଉଥିଲେ। ସେହି ସମୟରେ ବିପରୀତ ଦିଗରୁ ଆସୁଥିବା ଏକ ଗାଡ଼ି ସେମାନଙ୍କୁ ଧକ୍କା ଦେଇଥିଲା। ଉଭୟଙ୍କ ଡାହାଣ ଗୋଡ଼ରେ ଗଭୀର ଆଘାତ ଲାଗିଥିଲା। ସେମାନଙ୍କୁ ପ୍ରଥମେ ରାଇଘରପୁର ମେଡିକାଲରେ ଭର୍ତ୍ତି କରାଯାଇଥିଲା।

ମାତ୍ର ସେଠାରେ ଅବସ୍ଥା ଗୁରତର ହେବାରୁ ସେମାନଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ସମିରଙ୍କର ମୃତ୍ୟୁ ଘଟିଥିଲା। ପରେ ମୁକେଶଙ୍କୁ କୋରାପୁଟ ଜିଲ୍ଲା ଡାକ୍ତରଖାନାକୁ ସ୍ଥାନାନ୍ତର କରାରଯାଇଛି।  ପୁଲିସ୍ ଘଟଣାର ତଦନ୍ତ କରୁଛି।

ସମିର ହାଟଭରଣ୍ଡିସ୍ଥିତ ଗଣ୍ଡୱାନା ମହାବିଦ୍ୟାଳୟରେ ପାଠ ପଢୁଥିବା ବେଳେ ମୁକେଶ ଏକ ଘରୋଇ ବିଦ୍ୟାଳୟରେ ପାଠ ପଢୁଥିଲେ।

from Odisha Reporter https://ift.tt/2P4q3c5