ଗଢ଼ଚିରୋଲି ଏନକାଉଣ୍ଟରରେ ୨ ନକ୍ସଲ ନିହତ, ସର୍ଚ୍ଚ ଅପରେସନ ଜାରି

ଗଢ଼ଚିରୋଲି: ମହାରାଷ୍ଟ୍ରର ଗଢ଼ଚିରୋଲିରେ ସୁରକ୍ଷାକର୍ମୀଙ୍କ ଗୁଳିରେ ଦୁଇ ନକ୍ସଲ ନିହତ ହୋଇଛନ୍ତି। କୋରଚି ତହସିଲରେ ନାରେକସା ଜଙ୍ଗଲରେ ଏବେ ନକ୍ସଲ ଏବଂ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମିୟ ଚାଲିଥିବା ସୂଚନା ରହିଛି। ସ୍ଥାନୀୟ ପୁଲିସ୍ ଏବେ ଦୁଇ ନକ୍ସଲଙ୍କ ଶବ ଜବତ କରିଥିବା ବେଳେ ୬ ଜଣ ନକ୍ସଲ ଆହତ ହୋଇଥିବା ସୂଚନା ରହିଛି। ଆହତଙ୍କ ମଧ୍ୟରେ ମେ ୧ରେ ସୁରକ୍ଷାକର୍ମୀଙ୍କ ଉପରେ ହୋଇଥିବା ଆକ୍ରମଣର ମାଷ୍ଟରମାଇଣ୍ଡ ଭାସ୍କର ଦଣ୍ଡକାରଣ୍ୟ ରହିଥିବା ନେଇ ସୂଚନା ମିଳିଛି।

ଭାସ୍କର ଦଣ୍ଡକାରଣ୍ୟ ନାରେକସା ଜଙ୍ଗଲରେ ଥିବା ନେଇ ଗୁଇନ୍ଦା ରିପୋର୍ଟ ଦେଇଥିଲା। ଏହାପରେ ସୁରକ୍ଷାକର୍ମୀ ଏବଂ ପୁଲିସ୍ ମିଳିତ ଅପରେସନ ଆରମ୍ଭ କରିଥିଲେ।

ସୂଚନାଯୋଗ୍ୟ, ଏହା ପୂର୍ବରୁ ୨୯ ଜୁଲାଇରେ ମଧ୍ୟ ମହାରାଷ୍ଟ୍ରର ଗଢ଼ଚିରୋଲି ଜିଲ୍ଲାର ଧନେ ଜଙ୍ଗଲରେ ନକ୍ସଲ ଏବଂ ସୁରକ୍ଷାକର୍ମୀଙ୍କ ମଧ୍ୟରେ ଗୁଳିବିନିମିୟ ହୋଇଥିଲା। ଯେଉଁଥିରେ ଜଣେ ମହିଳା ନକ୍ସଲ ନିହତ ହୋଇଥିଲେ।

from Odisha Reporter https://ift.tt/2LxCl9i