ଅଫିସରେ ଅଳିଆ ଫିଙ୍ଗି ପ୍ରତିବାଦ

ବାରିପଦା(ମାଣିକ ଲାଲ ପାଣି): ସଫେଇ କର୍ମଚାରୀଙ୍କ ଅଭିନବ ପ୍ରତିବାଦ। ଦରମା ନ ମିଳିବାରୁ  ଅଫିସ ପରିସରରେ ଅଳିଆ ଫିଙ୍ଗି ଜଣାଇଲେ ପ୍ରତିବାଦ । ଏପରି ପ୍ରତିବାଦ ଦେଖିବାକୁ ମିଳିଛି ବାରିପଦା ପୌରପାଳିକା କାର୍ଯ୍ୟାଳୟ ପରିସରରେ।

ବାରିପଦା ପୌରପାଳିକାର ସଫେଇ କର୍ମଚାରୀମାନେ ଆଜି ସକାଳେ ପୂରା ସହରରୁ ଗୋଟାଇ  ଆଣିଥିବା  ଅଳିଆକୁ  ଡମ୍ପିୟାର୍ଡରେ ଫୋଫାଡ଼ି  ନ ଥିଲେ।  ଏହାକୁ ଆଣି  ପୌରପାଳିକା କାର୍ଯ୍ୟାଳୟ ଭିତରେ  ଗଦା କରିଥିଲେ। ମାସ ମାସ ଧରି ଦରମା ମିଳୁ ନ ଥିବାରୁ  ଅଫିସ ଭିତରେ  ଅଳିଆ ଫୋପାଡ଼ି ଏପରି  ଆନ୍ଦୋଳନ କରିଛନ୍ତି କର୍ମଚାରୀମାନେ ।  ଏନେଇ ପୌରପାଳିକା କର୍ତ୍ତୃପକ୍ଷଙ୍କ  ପ୍ରତିକ୍ରିୟା ମିଳି ପାରିନାହିଁ।

ଜଣେ ସଫେଇ କର୍ମଚାରୀ କହିଛନ୍ତି,“ ଆମକୁ ଗତ ମାସର  ଦରମା  ମିଳିନାହିଁ। ଦେବୁ ଦେବୁ କହି  ଆମ ସହ ଖେଳୁଛନ୍ତି। ଚଳିବାକୁ ହଇରାଣ ହୋଇ ଯାଉଛୁ। ସେଥିପାଇଁ ଆମେ ଆନ୍ଦୋଳନ କରିଛୁ।”

from Odisha Reporter https://ift.tt/2qPGihq