ନୂଆ ଫିଲ୍ମ ସାଇନ୍‌ କଲେ କିଙ୍ଗ୍‌ ଖାନ୍

ମୁମ୍ବାଇ: ‘କିଙ୍ଗ୍ ଖାନ୍‌’ ଶାହାରୁଖଙ୍କୁ ପ୍ରାୟ ବର୍ଷେ ହେଲାଣି ବଡ଼ ପରଦାରେ ଦେଖିବାକୁ ପାଇ ନାହାନ୍ତି ଦର୍ଶକ। ଗତ ବର୍ଷ ଡିସେମ୍ବର ୨୧ରେ ତାଙ୍କ ଫିଲ୍ମ ‘ଜିରୋ’ ରିଲିଜ୍ ହୋଇଥିଲା। ତା’ପରେ ତାଙ୍କର ଆଉ କୌଣସି ଫିଲ୍ମ ଆସିନାହିଁ। ତେବେ ତାଙ୍କ ଫ୍ୟାନ୍‌ମାନଙ୍କ ପାଇଁ ଏକ ଖୁସି ଖବର ଆସିଛି। ଆସନ୍ତା ବର୍ଷ ତାଙ୍କର ଏକ ଫିଲ୍ମ ଆସିବ।

View this post on Instagram

And a very heartfelt Thank u to everyone who is reading this. Every year I feel that this is the most memorable birthday celebrations & every next year all your love makes it bigger & more memorable. I must be the only person in the world who feels happy getting older! Love u all

A post shared by Shah Rukh Khan (@iamsrk) on Nov 4, 2019 at 2:38am PST

ସୂଚନା ଅନୁୟାୟୀ, ଶାହାରୁଖ ନିକଟରେ ଏକ କମିକ୍‌ ଆକ୍ସନ୍‌ ଥ୍ରୀଲର୍‌ ଫିଲ୍ମ ସାଇନ୍‌ କରିଛନ୍ତି। ଏହି ଫିଲ୍ମର ଶୁଟିଂ ସେ ଆସନ୍ତା ବର୍ଷ ଆରମ୍ଭ କରିବେ। କୁହାଯାଉଛି ଯେ ଏହା ଶାହାରୁଖଙ୍କ ଜୋନର୍‌ରୁ ପୂରା ଅଲଗା ଫିଲ୍ମ। ଏ ପର୍ଯ୍ୟନ୍ତ ସେ ଏଭଳି ଫିଲ୍ମରେ କେବେ କାମ କରିନାହାନ୍ତି। ଫିଲ୍ମଟିକୁ ତାଙ୍କ ପ୍ରଡକ୍ସନ୍‌ ହାଉସ୍‌ ‘ରେଡ୍‌ ଚିଲି ଏଣ୍ଟରଟେନ୍‌ମେଣ୍ଟସ୍’ ତିଆରି କରିବ। ଏହାର ଶୁଟିଂ ଭାରତରେ ଓ ବିଦେଶରେ ହେବ।

View this post on Instagram

On the way to @latrobeuni University.. Thank you for the kind gesture of offering a scholarship to a girl student from India for higher education and supporting the work at @meerfoundationofficial

A post shared by Shah Rukh Khan (@iamsrk) on Aug 8, 2019 at 8:43pm PDT

ଖବର ମିଳିଛି ଯେ ଏହି ଫିଲ୍ମରେ ଅନେକ ଗୁଡ଼ିଏ ଆକ୍ସନ୍‌ ସିନ୍‌ ରହିବ। ଏଥିପାଇଁ ବିଦେଶରୁ କୌଣସି ଷ୍ଟଣ୍ଟମ୍ୟାନ୍‌ଙ୍କୁ ନିଆଯାଇପାରେ। ଏବେ ଫିଲ୍ମର ସ୍କ୍ରିପ୍ଟ ଲେଖା ଚାଲିଛି। ସ୍କ୍ରିପ୍ଟ ଲେଖା ସରିବା ପରେ ଏହାର ଶୁଟିଂ ପାଇଁ ଲୋକେସନ୍‌ ଫାଇନାଲ୍‌ କରାଯିବ। ଫିଲ୍ମର ନିର୍ଦ୍ଦେଶନା ଭାର କିଏ ସମ୍ଭାଳିବେ, ସେ ବିଷୟରେ କିଛି ସୂଚନା ମିଳି ନଥିବା ବେଳେ କୌଣସି ନୂଆ ଅଭିନେତ୍ରୀ ବଦଳରେ ଜଣେ ବଡ଼ ଅଭିନେତ୍ରୀଙ୍କୁ ନେବାକୁ ଯୋଜନା ଚାଲିଥିବା ଜଣାପଡ଼ିଛି।

View this post on Instagram

The end of one story is the beginning of another. Who did I invite to go on the next adventure in my Dubai? Watch the whole series now. #BeMyGuest @visit.dubai

A post shared by Shah Rukh Khan (@iamsrk) on Mar 31, 2019 at 12:49am PDT

ସୂଚନାଯୋଗ୍ୟ, ଗତ ମାସରେ ନିଜର ୫୪ତମ ଜନ୍ମଦିନ ଅବସରରେ ଶାହାରୁଖ କହିଥିଲେ ଯେ ସେ ଆସନ୍ତା ବର୍ଷ ଏକ ବଡ଼ ପ୍ରୋଜେକ୍ଟରେ ନଜର ଆସିବେ।  ବର୍ତ୍ତମାନର ଖବରରୁ ଏହା ସତ ବୋଲି ଜଣାପଡ଼ୁଛି। ତେବେ ଫିଲ୍ମର ରିଲିଜ୍‌ ତାରିଖ ସମ୍ପର୍କରେ କିଛି ଜଣାପଡ଼ିନି। ଫିଲ୍ମଟି ୨୦୨୦ ଶେଷ କିମ୍ବା ୨୦୨୧ ଆରମ୍ଭରେ ରିଲିଜ୍ ହୋଇପାରେ।

 

from Odisha Reporter https://ift.tt/2RkJsVA