‘କରୋନା’ ମୁକାବିଲା ପାଇଁ ୪କୋଟି ଦାନ କଲେ ପ୍ରଭାସ

ମୁମ୍ବାଇ: ସାରା ବିଶ୍ୱ ଏବେ କରୋନା ଭାଇରସ୍ ସହ ମୁକାବିଲା କରୁଛି। ଭାରତରେ ମଧ୍ୟ ଏହା ବିରୁଦ୍ଧରେ ଲଢ଼େଇ ଜାରି ରହିଛି। ଏଥି ନିମନ୍ତେ ୨୧ ଦିନିଆ ଲକଡାଉନ୍ ଚାଲିଛି, ଯାହା ଏପ୍ରିଲ୍ ୧୪ ପର୍ଯ୍ୟନ୍ତ ଚାଲିବ। ଏପରି ସ୍ଥିତିରେ ଫିଲ୍ମ ଜଗତ ସହିତ ଜଡ଼ିତ ବ୍ୟକ୍ତିମାନେ ‘କରୋନା’ ମୁକାବିଲା ପାଇଁ କେନ୍ଦ୍ର ତଥା ରାଜ୍ୟ ସରକାରଗୁଡ଼ିକୁ ଆର୍ଥିକ ସହାୟତା ଦେଉଛନ୍ତି। ଏଥିରେ ସାମିଲ ହୋଇଛନ୍ତି ସାଉଥ୍ ସୁପରଷ୍ଟାର୍ ପ୍ରଭାସ୍।

Darling #Prabhas contributes
4 Crores to the government to fight against #coronavirus 👏🙏

3 crores to @PMOIndia Relief Fund & 50 lakhs each to @TelanganaCMO Relief Fund and @AndhraPradeshCM Relief Fund 🙌#StayHomeStaySafe#IndiaBattlesCoronavirus pic.twitter.com/tPxwyK6ugQ

— Prabhas (@PrabhasRaju) March 26, 2020

ପ୍ରଭାସ୍ ପ୍ରଧାନମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ୩ କୋଟି ଟଙ୍କା ଦେଇଥିବାବେଳେ ତେଲେଙ୍ଗାନା ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ୫୦ ଲକ୍ଷ ଓ ଆନ୍ଧ୍ରପ୍ରେଦଶ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୫୦ ଲକ୍ଷ ଟଙ୍କା ଦାନ କରିଛନ୍ତି। ପ୍ରଭାସଙ୍କ ପୂର୍ବରୁ ସାଉଥ୍ ଷ୍ଟାର୍ ଅଲ୍ଲୁ ଅର୍ଜୁନ୍ ମଧ୍ୟ ୧ କୋଟି ୨୫ ଲକ୍ଷ ଟଙ୍କା ଦେବେ ବୋଲି ଘୋଷଣା କରିଛନ୍ତି। ଏମାନଙ୍କ ବ୍ୟତୀତ ତେଲୁଗୁ ସୁପରଷ୍ଟାର ଚିରଞ୍ଜୀବୀ ୧ କୋଟି ଟଙ୍କା, ଅଭିନେତା ପବନ କଲ୍ୟାଣ ୨ କୋଟି, ରାମଚରାଣ ୭୦ ଲକ୍ଷ  ଏବଂ ସୁପରଷ୍ଟାର ମହେଶ ବାବୁ ୧ କୋଟି ଟଙ୍କା ଦାନ କରିଛନ୍ତି।

View this post on Instagram

A post shared by Prabhas (@actorprabhas) on Mar 21, 2020 at 4:45am PDT

ସୂଚନାଯୋଗ୍ୟ, ନିକଟରେ ପ୍ରଭାସ୍ ଜର୍ଜିଆରୁ ଫେରିଥିଲେ। ସେଠାରେ ତାଙ୍କ ଫିଲ୍ମ ‘ପ୍ରଭାସ୨୦’ର ଶୁଟିଂ ହେଉଥିଲା। ସେଠାରେ ତାଙ୍କ ସହ ଅଭିନେତ୍ରୀ ପୂଜା ହେଗଡ଼େ ମଧ୍ୟ ଥିଲେ। ତେବେ ବିଦେଶରୁ ଫେରି ଦୁହେଁ ସ୍ୱାସ୍ଥ୍ୟବିଭାଗ ନିର୍ଦ୍ଦେଶାନୁଯାୟୀ ନିଜକୁ ୧୪ ଦିନ ଯାଏଁ ସେଲ୍ଫ କ୍ୱାରେଣ୍ଟାଇନ୍‌ରେ ରଖିଥିଲେ। ଦୁହିଁଙ୍କ ସ୍ୱାସ୍ଥ୍ୟବସ୍ଥା ଠିକ୍ ଥିବା ଜଣାପଡ଼ିଛି।

 

from Odisha Reporter https://ift.tt/33XGDOH