‘IIFA’ ପାଇଁ ପ୍ରଦାନ ହୋଇଥିବା ଟଙ୍କାକୁ କରୋନା ମୁକାବିଲାରେ ବ୍ୟବହାର କରିବେ ମଧ୍ୟପ୍ରଦେଶ ସରକାର

ନୂଆଦିଲ୍ଲୀ: କରୋନା ଭାଇରସ୍ ଯୁଦ୍ଧରେ ପ୍ରତ୍ୟେକ ରାଜ୍ୟ ସରକାର ଅତିରିକ୍ତ ପାଣ୍ଠି ଯୋଗାଡ଼ କରିବାକୁ ଚେଷ୍ଟା କରୁଛନ୍ତି। ଏହି ସମୟରେ ମଧ୍ୟପ୍ରଦେଶ ସରକାର ମଧ୍ୟ ନିଜ ରାଜ୍ୟରେ କରୋନା ମୁକାବିଲା ପାଇଁ ପାଣ୍ଠି ଯୋଗାଡ଼ କରୁଛନ୍ତି। ମଧ୍ୟପ୍ରଦେଶ ସରକାର ରାଜ୍ୟରେ ହେବାକୁ ଥିବା International Indian Film Academy Awards (IIFA) ଶୋ’ ପାଇଁ ଦିଆଯାଇଥିବା ଟଙ୍କାକୁ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ଟ୍ରାନ୍ସଫର କରିଦେଛନ୍ତି। ବର୍ତ୍ତମାନ ଏହି ଅର୍ଥକୁ ରାଜ୍ୟରେ କରୋନା ମୁକାବିଲାରେ ବ୍ୟବହାର କରାଯିବ।

मुख्यमंत्री श्री @ChouhanShivraj ने कहा कि प्रदेश में आइफा का आयोजन होने वाला था। वर्तमान में #COVID19 संकट के चलते यदि आइफा पर व्यय होने वाली राशि कोरोना सहायता के लिए मुख्यमंत्री राहत कोष में दी जाती है, तो उससे बड़ी संख्या में जनता को सहायता दी जा सकती है।

— Office of Shivraj (@OfficeofSSC) April 9, 2020

ସୂଚନା ଅନୁଯାୟୀ, ‘IIFA’ କାର୍ଯ୍ୟକ୍ରମ ଚଳିତ ବର୍ଷ ମାର୍ଚ୍ଚ ମାସରେ ମଧ୍ୟପ୍ରଦେଶର ଇନ୍ଦୋରରେ ଅନୁଷ୍ଠିତ ହେବାର ଥିଲା। ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲ ନାଥଙ୍କ ନେତୃତ୍ୱାଧୀନ ସରକାର IIFA ପାଇଁ ଏହି ଟଙ୍କା ପ୍ରଦାନ କରିଥିଲେ। ହେଲେ ବର୍ତ୍ତମାନର ଶିବରାଜ ସିଂହ ଚୌହାନଙ୍କ ସରକାର ଏହାକୁ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ସ୍ଥାନାନ୍ତର କରିବାକୁ ନିଷ୍ପତ୍ତି ନେଇଛନ୍ତି। କୁହାଯାଉଛି ଯେ ‘IIFA’ ଇଭେଣ୍ଟ ପାଇଁ ପ୍ରାୟ ୭୦୦ କୋଟି ଟଙ୍କା ପ୍ରଦାନ କରାଯାଇଥିଲା।

ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ ଏକ ଟ୍ୱିଟ୍ ଯୋଗେ ଏହି ସୂଚନା ଦିଆଯାଇଛି। ଟ୍ୱିଟରେ ଲେଖାଯାଇଛି, ମୁଖ୍ୟମନ୍ତ୍ରୀ ଶ୍ରୀ ଶିବରାଜ ସିଂହ ଚୌହାନ କହିଛନ୍ତି ଯେ ରାଜ୍ୟରେ IIF ଆୟୋଜିତ ହେବାର ଥଲା। ତେବେ IIFA ରେ ଖର୍ଚ୍ଚ ହେବାକୁ ଥିବା ଅର୍ଥକୁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ଦିଆଗଲେ କରୋନା ମୁକାବିଲାରେ ବ୍ୟବହାର କରାଯାଇପାରିବ ଓ ଏଥିରୁ ବହୁ ସଂଖ୍ୟକ ଲୋକଙ୍କୁ ସାହାଯ୍ୟ କରାଯାଇପାରିବ।

मध्यप्रदेश में तबाही मची है, प्रशासनिक अराजकता है। जनकल्याण और विकास के लिए पैसा नहीं है, लेकिन आईफा आईफा करने में सरकार लगी हुई है। ऐसी तबाह करने वाली सरकार की किसी ने कल्पना नहीं की थी। बस योजनाएं बंद करने का काम सरकार कर रही है। जनता भी तबाह और प्रदेश भी तबाह! #MP_मांगे_जवाब pic.twitter.com/uFNrScRGBE

— Shivraj Singh Chouhan (@ChouhanShivraj) February 11, 2020

ସୂଚନାଯୋଗ୍ୟ, ମୁଖ୍ୟମନ୍ତ୍ରୀ ହେବା ପୂର୍ବରୁ ମଧ୍ୟ ଶିବରାଜ ସିଂହ ଚୌହାନ ମଧ୍ୟପ୍ରଦେଶରେ ଆୟୋଜିତ ହେବାକୁ ଥିବା ଏହି ମେଗା ଇଭେଣ୍ଟକୁ ବିରୋଧ କରିଥିଲେ। ସେ କହିଥିଲେ ଯେ ରାଜ୍ୟରେ ଜନ କଲ୍ୟାଣ ଏବଂ ଉନ୍ନୟନମୂଳକ କାର୍ଯ୍ୟ ପାଇଁ ଟଙ୍କା ନାହିଁ, କିନ୍ତୁ ସରକାର IIFA ପାଇଁ ବ୍ୟସ୍ତ ଅଛନ୍ତି। ଏପରି ବିନାଶକାରୀ ସରକାରର କଳ୍ପନା ବି କେହି କରି ନ ଥିଲେ।

 

 

from Odisha Reporter https://ift.tt/2UXo8XL