ପୁଲିତଜର ପୁରସ୍କାର ବିଜେତାଙ୍କୁ ଶୁଭେଚ୍ଛା ଜଣାଇ ଟ୍ରୋଲ୍ ହେଲେ ରାହୁଲ୍

ନୂଆଦିଲ୍ଲୀ: ପୁଲିତଜର ପୁରସ୍କାରରେ ସମ୍ମାନୀତି ହୋଇଥିବା ତିନି ଫଟୋଗ୍ରାଫରଙ୍କୁ ଶୁଭେଚ୍ଛା ଜଣାଇଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ। ଏହାପରେ ସୋଶାଲ ମିଡିଆରେ ଟ୍ରୋଲ ହୋଇଛନ୍ତି ରାହୁଲ ଗାନ୍ଧୀ। ବିଜେପି କହିଛି, କଶ୍ମୀର ପ୍ରସଙ୍ଗରେ କଂଗ୍ରେସ ନିଜର ପକ୍ଷ ସ୍ପଷ୍ଟ କରିବା ଦରକାର।

ଜମ୍ମୁ କଶ୍ମୀରରେ ଧାରା ୩୭୦ ଉଚ୍ଛେଦ ହେବାପରେ ତିନି ଫଟୋଗ୍ରାଫର ୟାସିନ୍ ଡର, ମୁଖତାର ଖାନ୍ ଏବଂ ଚନ୍ନୀ ଆନନ୍ଦ ବିଭିନ୍ନ ଫଟୋ ଉଠାଇଥିଲେ। ଏଥିପାଇଁ ତିନି ସାମ୍ୱାଦିକଙ୍କୁ ପୁଲତିଜର ପୁରସ୍କାର ମିଳିଛି। ଏହି ତିନି ଫଟୋଗ୍ରାଫର ଆସୋସିଏଟେଡ ପ୍ରେସ ପାଇଁ କାମ କରୁଛନ୍ତି।

ରାହୁଲ ଗାନ୍ଧୀ ଏହି ତିନି ଫଟୋଗ୍ରାଫରଙ୍କୁ ଶୁଭେଚ୍ଛା ଜଣାଇ ଟୁଇଟ୍ କରିଥିଲେ। ସେ ଲେଖିଥିଲେ “ଜମ୍ମୁ କଶ୍ମୀର ଜୀବନରେଖାର ଫଟୋ ଉଠାଇ ପୁଲତିଜର ପୁରସ୍କାର ପାଇଥିବା ୟାସିନ୍ ଡର, ମୁଖତାର ଖାନ୍ ଏବଂ ଚନ୍ନୀ ଆନନ୍ଦଙ୍କୁ ମୋର ଶୁଭେଚ୍ଛା। ଆପଣ ମାନଙ୍କ ପାଇଁ ଆମେ ଗର୍ବିତ”।

Congratulations to Indian photojournalists Dar Yasin, Mukhtar Khan and Channi Anand for winning a Pulitzer Prize for their powerful images of life in Jammu & Kashmir. You make us all proud. #Pulitzer https://t.co/A6Z4sOSyN4

— Rahul Gandhi (@RahulGandhi) May 5, 2020

ରାହୁଲଙ୍କୁ କାଉଣ୍ଟର କରି ବିଜେପି ମୁଖପାତ୍ର ସମ୍ୱିତ ପାତ୍ର ମଧ୍ୟ ଟୁଇଟ୍ କରିଛନ୍ତି। ସେ ଲେଖିଛନ୍ତି, “ଆଜି ତିନି ଫଟୋଗ୍ରାଫରଙ୍କୁ ପୁଲତିଜର ପୁରସ୍କାର ମିଳିଛି। ଏହି ପୁରସ୍କାର ଅନୁଯାୟୀ ଭାରତ କଶ୍ମୀରର ଅଭିନ୍ନଅଙ୍ଗ ନୁହେଁ। ଭାରତ ଜୋରଜବରଦସ୍ତି କଶ୍ମୀରକୁ ଅକ୍ତିଆର କରିଛି। ରାହୁଲ ଗାନ୍ଧୀ ତିନି ତଥାକଥିତ ଫଟୋଗ୍ରାଫରଙ୍କୁ ଶୁଭେଚ୍ଛା ଜଣାଇଛନ୍ତି। କଂଗ୍ରେସ କଶ୍ମୀରକୁ ନେଇ କ’ଣ ଚିନ୍ତା କରୁଛି ଏ ନେଇ ସୋନିଆ ଗାନ୍ଧୀ ମତ ରଖିବା ଦରକାର”।

श्री राहुल गांधी जी,
आज आपने Pulitzer अवार्ड के लिए धर जी को बधाई दी है
अवार्ड पाए एक फ़ोटो नीचे है ..पाकिस्तान के झंडे!
फ़ोटो caption में लिखा है -“Indian Occupied Kashmir”
क्या आप इससे सहमत है?
उत्तर दें!#AntiNationalRahulGandhi pic.twitter.com/1lmQUfhSGN

— Sambit Patra (@sambitswaraj) May 5, 2020

ସମ୍ୱିତ ପାତ୍ରଙ୍କ ଟୁଇଟ୍ ପରେ ଟୁଇଟରରେ #AntiNationalRahulGandhi ଟ୍ରେଣ୍ଡ କରିଛି।

୧୯୧୭ ମସିହାରେ ପ୍ରଥମେ ପୁଲିତଜର ପୁରସ୍କାର ପ୍ରଦାନ କରାଯାଇଥିଲା। ଗତବର୍ଷ ‘ନ୍ୟୁୟର୍କ ଟାଇମ୍ସ’ ଏବଂ ‘ଓ୍ୱାଲ ଷ୍ଚ୍ରିଟ୍ ଜର୍ଣ୍ଣାଲ’ର ସାମ୍ୱାଦିକଙ୍କୁ ମିଳିଥିଲା ଏହି ପୁରସ୍କାର ମିଳିଥିଲା। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ତାଙ୍କ ପରିବାର ଲୋକଙ୍କ ବାବଦରେ ବିଭିନ୍ନ କଥା ସାମ୍ନାକୁ ଆଣିଥିବାରୁ ଏହି ପୁରସ୍କାର ପାଇଥିଲେ।

from Odisha Reporter https://ift.tt/2W7m007