ଡାକ୍ତର ସନାତନ ରଥଙ୍କ ପରଲୋକ

କଟକ (ଓଡ଼ିଶା ରିପୋର୍ଟର) ବିଶିଷ୍ଟ ନ୍ୟୁରୋ ସର୍ଜନ ପ୍ରଫେସର ଡାକ୍ତର ସନାତନ ରଥଙ୍କର ଆଜି ପରଲୋକ ହୋଇଯାଇଛି। କଟକ କନିକା ଛକ ସ୍ଥିତ ବାସଭବନରେ ସେ ଶେଷ ନିଃଶ୍ୱାସ ତ୍ୟାଗ କରିଥିଲେ। ମୃତ୍ୟୁ ବେଳକୁ ତାଙ୍କୁ ୮୬ ବର୍ଷ ହୋଇଥିଲା।

ଦୀର୍ଘଦିନ ଧରି ସନାତନ ରଥ ବାର୍ଦ୍ଧକ୍ୟଜନିତ ରୋଗରେ ପୀଡ଼ିତ ଥିଲେ। ସେ ଜଣେ ନ୍ୟୁରୋ ସ୍ପେଶାଲିଷ୍ଟ ଭାବେ ରାଜ୍ୟ ଓ ରାଜ୍ୟ ବାହାରେ ବେଶ୍ ଜଣାଶୁଣା ଥିଲେ। ସେ ବହୁ ବିରଳ ଅପରେସନ କରି ସଫଳ ହୋଇଥିଲେ। ଏହାସହ ଓଡ଼ିଶାକୁ ପ୍ରଥମ ସିଟି ସ୍କାନ ମେସିନ ପ୍ରଫେସର ରଥଙ୍କ ଉଦ୍ୟମରେ ଆସିଥିଲା। ସେ ତାଙ୍କ ଜୀବନ କାଳରେ ଅନେକ ନ୍ୟୁରୋ ସର୍ଜନ ସୃଷ୍ଟି କରିଥିଲେ।

ସନାତନ ରଥ  କେବଳ ଜଣେ ଡାକ୍ତର ଭାବେ ଯେ ଖ୍ୟାତି ଅର୍ଜନ କରିଥିଲେ ତାହା ନୁହେଁ, ସେ ବିଭିନ୍ନ ସାମାଜିକ କାର୍ଯ୍ୟରେ ସାମିଲ ହୋଇ ସୁନାମ ମଧ୍ୟ ଅର୍ଜନ କରିଥିଲେ।

ଡାକ୍ତର ରଥଙ୍କ ମୃତ୍ୟୁ ପରେ ତୁଳସୀପୁର କନିକା ରୋଡଠାରେ ଥିବା ତାଙ୍କ ବାସଭବନରେ ବହୁ ବିଶିଷ୍ଟ ବ୍ୟକ୍ତି ପହଞ୍ଚି ତାଙ୍କର ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।

ବରିଷ୍ଠ ଡାକ୍ତର ତଥା ସ୍ନାୟୁ ଶଲ୍ୟ ବିଭାଗର ଭୀଷ୍ମ ପିତାମହ ଭାବେ ଜଣାଶୁଣା ଶ୍ରୀ ସନାତନ ରଥଙ୍କ ବିୟୋଗରେ ଶ୍ରୀଯୁକ୍ତ @PandaJay ଗଭୀର ଦୁଃଖ ପ୍ରକାଶ କରିଛନ୍ତି। ସେ ଶ୍ରୀ ରଥଙ୍କ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି ଓ ଦିବଂଗତ ଆତ୍ମାର ସଦଗତି କାମନା କରିଛନ୍ତି। ଓଁ ଶାନ୍ତି 🙏🙏🙏

— Baijayant Panda Odia (@Panda_Odia) June 9, 2020

from Odisha Reporter https://ift.tt/3dMvrso