ବଢ଼ୁଛି ଲୋକାଲ କେସ୍‌; କାଲିଠୁ ଏହି ଜିଲ୍ଲା ଶଟଡାଉନ୍‌

ଭଦ୍ରକ(ପାର୍ଥ ସାରଥୀ ନାୟକ):  କରୋନା ସଂକ୍ରମଣ ରୋକିବା ପାଇଁ ସମଗ୍ର ଭଦ୍ରକ ଜିଲ୍ଲାକୁ ଆସନ୍ତା କାଲିଠୁ ୨ ଦିନ ପାଇଁ ସମ୍ପୂର୍ଣ୍ଣ ଶଟଡାଉନ୍‌ ଘୋଷଣା କରାଯାଇଛି ।  ଅଗଷ୍ଟ ୧ ତାରିଖ ସକାଳ ୫ଟାରୁ ୩ ତାରିଖ ସକାଳ ୫ ପର୍ଯ୍ୟନ୍ତ ଏହି କଟକଣା ବଳବତ୍ତର ରହିବ।

ଜୁଲାଇ ମାସରେ ଜିଲ୍ଲାରେ କେବଳ ଶନିବାରକୁ  ଶଟଡାଉନ୍‌ ଘୋଷଣା କରିଥିଲା ଜିଲ୍ଲା ପ୍ରଶାସନ। ପରେ  ଶନିବାର ଓ ରବିବାରକୁ ଶଟଡାଉନ୍‌ ଘୋଷଣା କରାଗଲା । ତେବେ ଜିଲ୍ଲାରେ କରୋନା ସଂକ୍ରମିତଙ୍କ ମଧ୍ୟରେ ଲୋକାଲ କେସ୍‌ ବଢ଼ୁଥିବାରୁ ତାହା ପ୍ରଶାସନର ମୁଣ୍ଡ ବିନ୍ଧାର କାରଣ ପାଲଟିଛି। ସାନିଟାଇଜେସନ ସହ ସର୍ଭିଲାନ୍ସ ପାଇଁ ସମ୍ପୂର୍ଣ ଜିଲ୍ଲାକୁ ୨ ଦିନ ଶଟଡାଉନ୍ ଘୋଷଣା କରାଯାଇଛି ।

ଅଗଷ୍ଟ ମାସ ୧ ତାରିଖ ଓ ୨ ତାରିଖ ଜିଲ୍ଲା ସମ୍ପୂର୍ଣ ଶଟଡାଉନ୍ ରହିବ ।  ଏହି ସମୟସୀମା ମଧ୍ୟରେ ଜରୁରୀକାଳୀନ ସେବା ବ୍ୟତୀତ ଅନ୍ୟ କେତେକ ନିର୍ଦ୍ଧିଷ୍ଟ ସେବାକୁ କେବଳ ଅନୁମତି ମିଳିଛି । ଏହି ସମୟ ମଧ୍ୟ ଏନ୍‌ଫୋର୍ସମେଣ୍ଟକୁ ମଧ୍ୟ ଜୋରଦାର କରାଯିବ । ଏନେଇ ଭଦ୍ରକ ଜିଲ୍ଲାପାଳ ଜ୍ଞାନ ଦାସ ଟୁଇଟ ଯୋଗେ ସୂଚନା ଦେଇଛନ୍ତି ।

#OdishaFightsCorona
There will be shut-down in the entire District on 1st and 2nd August ( Saturday and Sunday). pic.twitter.com/mS6VcSu2gE

— District Administration,Bhadrak (@DM_Bhadrak) July 31, 2020

ସୂଚନାଯୋଗ୍ୟ, ଭଦ୍ରକ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୬୦୫ରେ ପହଞ୍ଚିଥିବା ବେଳେ ୪୭୪ ଜଣ ସୁସ୍ଥ ହୋଇ ସାରିଲେଣି। ୧୨୫ ଜଣ ଚିକିତ୍ସିତ ହେଉଥିବା ବେଳେ ୨ ଜଣ କରୋନାରେ ଆକ୍ରାନ୍ତ ହୋଇ ଆଖି ବୁଜି ସାରିଲେଣି।

The post ବଢ଼ୁଛି ଲୋକାଲ କେସ୍‌; କାଲିଠୁ ଏହି ଜିଲ୍ଲା ଶଟଡାଉନ୍‌ appeared first on Odisha Reporter.

from Odisha Reporter https://ift.tt/3hMe7Fo